សៀមរាប៖ អាវុធហត្ថឃាត់ខ្លួនជនសង្ស័យពីនាក់ប្តីប្រពន្ធ ពីបទរក្សាទុកដឹកជញ្ជូនឬជួញដូរដោយខុសច្បាប់នូវសារធាតុញៀន ការបង្ក្រាបនេះធ្វើឡើងកាលពីថ្ងៃទី២៩ ខែមករា ឆ្នាំ២០១៦នាវេលាម៉ោង១២និង០០នាទីយប់ ស្ថិតនៅចំណុចភូមិព្រៃថ្មី សង្កាត់ទឹកវិល ក្រុងនិងខេត្ត
សៀមរាប។ លោកវរៈសេនីយ៍ទោ ថា ដាលុច ប្រធានមន្ទីរយុតិធម៌ កងរាជអាវុធហត្ថខេត្តសៀមរាបបានឲ្យដឹងថា ជនសង្ស័យ ទាំងពីនាក់ទី១ឈ្មោះសឿត យ៉ុង ភេទប្រុស អាយុ៣២ឆ្នាំ មុខរបរកម្មក ទីលំនៅ ភូមិព្រៃថ្មី សង្កាត់ទឹកវិល ក្រុងនិងខេត្តសៀមរាប ប្រពន្ធឈ្មោះ ឃ្លាំង វ៉ុន អាយុ២៤ឆ្នាំនៅផ្ទះជាមួយគ្នា។
លោក វរៈសេនីយ៍ទោបន្តថា វត្ថុតាងដកហូតបាន រួមមានម្សៅគ្រើមពណ៏សថ្លា ម៉ាទឹកកកចំនួន១៧កញ្ចាប់ស្មើ៤,៨ក្រាម និងWYចំនួន៤៦គ្រាប់ បច្ចុប្បន្នជនសង្ស័យទាំងពីនាក់ប្តីប្រពន្ធសមត្ថកិច្ចកំពុងកសាងសំណុំរឿងនិងវត្ថុតាង បញ្ជូនទៅសាលាដំបូងខេត្តសៀមរាប៕
វេហាស៍
