ឧត្តរមានជ័យ៖ កាលពីវេលាម៉ោង៨និង៣០នាទីថ្ងៃទី៣០ ខែមករា ឆ្នាំ២០១៦ នៅមន្ទីរគណះបក្សប្រជាជនស្រុកត្រពាំងប្រាសាទ ប្រារព្វពិធីផ្សព្វផ្សាយសេក្តីសម្រេចចិត្តមហាសន្និបាទលើកទី៣៩ របស់គណះកម្មាធិការកណ្តាលអាណាត្តិទី៥ ក្រោមអធិបតីភាពលោក ស ថាវី អភិបាល
នៃគណ:អភិបាលខេត្តឧត្តរមានជ័យ ជាប្រធានគណះកម្មាធិការបក្សខេត្ត ដោយមានការចូលរួមពីស្ថាបណ្ណ័ពាក់ព័ន្ធជុំវិញ ខេត្តនិងស្រុក សមាជិកបក្សសរុបចំនួន៣៥០នាក់។កម្មវិធីត្រូវបានបញ្ចប់នៅវេលាម៉ោង១០និង៣០នាទីថ្ងៃ ខែ ឆ្នាំ ដដែល លោកស ថាវី អភិបាលខេត្ត បានអញ្ចើញបន្ត ចុះទៅចែកអំណោយដល់ប្រជាពលរដ្ឋក្រីក្រចំនួន២០គ្រួសារ នៅភូមិទំនប់អភិវឌ្ឍន៍ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ អំណោយដែលត្រូវចែកជូនប្រជាពលរដ្ឋ ក្នុងមួយគ្រួសារ រួមមាន អង្ករ២២គីឡូក្រាម.ថវិកា៧មឺុនរៀល.ត្រីខ១យូរ.ស្ករស១គីឡូក្រាម.អំបិលកន្លះគីឡូក្រាម.ប៊ីចេងកន្លះគីឡូក្រាម.មី១កេះតូច.ទឹកត្រី១យូរ.ទឹកសុីអីុវ១យួរ ទៀតផង។លោកស ថាវី អភិបាលខេត្ត បានមានប្រសាសន៍ថា យកអំណោយមកចែកជូនពលរដ្ឋក្រីក្រដល់មូលដ្ឋានរបស់ប្រជាពលរដ្ឋ បើទោះអំណោយនេះតិចតួចក្តីតែវាក៏អាចជួយសម្រួល ដល់ការហូបចុករបស់បងប្អូនពលរដ្ឋ បានមួយរយះពេលដែរ។នេះស្តែងចេញឲ្យឃើញថា ជាសកម្មភាពដ៏ប្រពៃប្រកក្នុងគ្រាក្រ ទាំងនេះគឺដោយសារតែប្រទេសជាតិរបស់ យើងមានសុខសន្ថិភាព ក្រោមការដឹកនាំឈ្លាសវៃរបស់ប្រមុខរាជរដ្ឋាភិបាលកម្ពុជា នាពេលបច្ចុប្បន្ន៕
