ឧត្តរមានជ័យ៖ កាលពីវេលាម៉ោង៩និង៣០នាទីយប់ ថ្ងៃទី២៩ ខែមករា ឆ្នាំ២០១៦ មានករណីភ្លើងឆេះផ្ទះ ដែលបង្ករឡើងដោយម្ចាស់ខ្លួនឯង ដែលខឹងនិងប្រពន្ធរត់ទៅរកការងារធ្វើនៅប្រទេសថៃ ធ្វើឲ្យផ្អើលប្រជាពលរដ្ឋ នៅជិតខាងនិងសមត្ថកិច្ចទាំងយប់ នៅចំណុចភូមិអន្លង់តា
ក្រាក់ ឃុំគោកមន ស្រុកបន្ទាយអំពិល ខេត្តឧត្តរមានជ័យ។សមត្ថកិច្ចប៉ូលិសស្រុក បានឲ្យដឹងថា ជនសង្ស័យ ដែលដុតផ្ទះខ្លួនឯងចោលនោះ មានឈ្មោះ ម៉ៅ យឿន ភេទប្រុសអាយុ៣៤ឆ្នាំរស់នៅភូមិអន្លង់តាក្រាក់ ឃុំគោកមន ស្រុកបន្ទាយអំពិល.ដែលបានដុតផ្ទះខ្លួនឯង មានទំហំ៤ម៉ែត្រគុណ៥ម៉ែត្រ ធ្វើអំពីឈើប្រកស្បូវ ឆេះអស់ទាំងស្រុង។សមត្ថកិច្ចប៉ូលិស បានបន្តទៀតថា មូលហេតុ ខឹងនិងប្រពន្ធរត់ ចោលទៅរកការងារធ្វើ នៅប្រទេសថៃ។សមត្ថកិច្ច បានឲ្យដឹងទៀតថា បន្ទាប់ពីបាន ទទួលព័ត៍មាន កម្លាំងសមត្ថកិច្ចយើង បានចុះទៅដល់កន្លែងកើតហេតុនិងបានឃាត់ខ្លួន ជនសង្ស័យ យកមកអធិការដ្ឋាននគរបាលស្រុកបណ្តោះអាសន្ន៕
