ខេត្តកំពង់ឆ្នាំង៖ បុរសម្នាក់បានចងកធ្វើអត្តឃាត បណ្តាលអោយស្លាប់និងមានការភ្ញាក់ផ្អើលនៅវេលាម៉ោង៣និង៣០នាទី រសៀលថ្ងៃទី២៨ ខែមករា ឆ្នាំ២០១៦ ដោយក្រុមគ្រួសារនិយាយថា កូនគាត់មានគ្រោះតាមអបិយជំនឿថាខ្មោចនាំអោយចងកសម្លាប់ខ្លួន។
ហេតុការណ៍ភ្ញាក់ផ្អើលនេះបានកើតឡើងនៅ ភូមិអូរ ឃុំពន្លៃ ស្រុកបរិបូរណ៌ ។
សមត្ថកិច្ចនគរបាលមូលដ្ឋានបានអោយដឹងថា៖ បុរសខាងលើនេះមានឈ្មោះ សាន់ ចន្ថា អាយុ៣៥ឆ្នាំ គ្មានប្រពន្ឋកូនទេ រស់នៅជាមួយម្តាយ រូបគេបានយកខ្យែនីឡុងពណ៌ស មកចងក សម្លាប់ខ្លួននៅនឹងធ្នឹមលើផ្ទះដោយគ្មានអ្នកបានដឹងឡើយ ។
ស្ត្រីជាម្តាយបាននិយាយប្រាប់សមត្ថកិច្ចអោយដឹងថា៖ មុនពេលកើតហេតុ គាត់បានរៀបចំហូបបាយរួចក៏បានរៀបចំចានឆ្នាំង ហើយបានចេញទៅក្រៅផ្ទះជាង២ម៉ោងត្រឡប់មកដល់ផ្ទះវិញ ក៏ស្រាប់ តែឃើញកូនប្រុសគាត់ចងកនឹងធ្នឹមផ្ទះស្លាប់បាត់ទៅហើយ ទើបស្រែកឆោរឡោឡើងអោយអ្នកភូមិជួយ តែគឺហួសពេលអស់ទៅហើយ។
ស្ត្រីជាម្តាយបានប្រាប់ទៀតថា៖ គាត់បានអោយគ្រូទាយមើល ដោយគ្រូបាននិយាយថាកូនប្រុសគាត់មានគ្រោះថ្នាក់ ហើយគាត់មានគម្រោងនិមន្តលោកសូត្រមន្តរំដោះគ្រោះនៅថ្ងៃសៅរ៏ ទី៣០ ខែមករា ខាងមុខនេះ តែមិនទាន់ដល់ថ្ងៃកំណត់ផងទើបតែដល់ថ្ងៃព្រហស្បតិ៍ ក៏ស្រាប់តែកូនប្រុសគាត់បានចងកសម្លាប់បាត់ទៅហើយ ពិតជាគួរអោយសោកស្តាយកូនប្រុសខ្លាំងណាស់។
ក្រោយពេលកើតហេតុ សមត្ថកិច្ចនគរបាលជំនាញ ក៏បានចុះពិនិត្យសពនិងធ្វើកោសល្យពិច្ច័យតាមបច្ចេកទេស និងបានអោយដឹងថា បុរសខាងលើពីតជាបានចងកធ្វើអត្តឃាតដោយខ្លួនឯងពិតប្រា កដមែន។ បន្ទាប់មកសមត្ថកិច្ចបានប្រគល់សពបុរសរូបនោះទៅក្រុមគ្រួសារធ្វើបុណ្យតាមប្រពៃណី ។ នៅក្នុងពេលសមត្ថកិច្ចចុះទៅពិនិត្យសពបុសរខាងលើនេះដែរ លោក ឃួន សៅរុំ អភិបាលស្រុកបរិបូរ ណ៌ ក៏បានយកបច្ច័យ១០ម៉ឺនរៀល ទៅចូលបុណ្យជាមួយស្ត្រីជាម្តាយសព ដើម្បីជាការចូលរួមរំលែកទុក្ខ របស់ប្រជាពលរដ្ឋនៅក្នុងមូលដ្ឋានផងដែរ៕
