ខេត្តសៀមរាប ៖ មន្ត្រីអាវុធហត្ថក្រុង សៀមរាប ម្នាក់ឈ្មោះ ហុង បានឲ្យរថយន្តដឹកឈើមួយគ្រឿងប្រភេទតួរីស ពណ៌ស ពាក់ស្លាកលេខ ភ្នំពេញ : 2A-3415 បើកចេញ កាលពីរសៀលម៉ោង០៣:២០នាទី នារសៀល ថ្ងៃទី២៩ ខែមករា ឆ្នាំ២០១៦ នេះ ស្ថិតនៅចំណុចកែងប៉ុស្តិ៍ឆែក
សំបុត្រភ្លៀវទេសចរណ៍ផ្លូវ60 ម៉ែត្រ បន្ទាប់ពីឡានដឹកឈើខាងលើនេះ ត្រូវបានខាង
នគរបាលចរាចរណ៍ផ្លូវគោក នៃស្នងការនគរបាលខេត្ត សៀមរាប កំពុងធ្វើការត្រួតពិនិត្យច្បាប់ចរាចរណ៍ និងផាកពិន័យ ចំពោះបទល្មើសចរាចរណ៍ផ្លូវគោគ ដោយមើលឃើញថា ក្នុងរថយន្តមានផ្ទុកឈើ មន្ត្រីនគរបាល ក៏បានហៅ មន្ត្រីអង្គការ ដែលមានតួនាទីភារកិច្ច ការងារព្រៃឈើជួយចុះមកមើល និងអ្នកសារព័ត៌មាន ចុះផ្តិតយករូបភាពព័ត៌មានដើម្បីផ្សប់ផ្សាយ។
ខណះពេលដែល មន្ត្រីអង្គការ កំពុងតែសាកសួរ ដើម្បីសហការសុំឲ្យខាងជំនាញមេព្រៃចុះមកត្រួតពិនិត្យ អ្នកសារព័ត៌មាន កំពុងតែផ្ដិតយករូបភាព និងសម្ភាសន៍តាមវិជ្ជាជីវះ នោះ ក៏ស្រាប់តែ លេចមុខបុរសម្នាក់ ដែលគាស្គាលថា ជាមន្ត្រីកងរាជអាវុធហត្ថក្រុងសៀមរាប មកស្រែកឲ្យរថយន្តដឹកឈើនោះបើកចេញទៅបាត់។
ឆ្លើយតបនិងសំណួររបស់អ្នកសារព័ត៌មាន មន្ត្រីកងរាជអាវុធហត្ថរបស់ក្រុងសៀមរាប ដែលមានឈ្មោះហុង ខាងលើបានបំភ្លឺថា ឡាននោះមានដឹកគ្រោងទ្វា សិប្បកម្ម និងមានច្បាប់ផងដែរ ឡាននោះទៅ ដោយសារតែអត់មានអីខុស ហើយនគរបាលចរាចរណ៍ ក៏បានផាកពិន័យហើយដែរ លោក ហុងបានបន្ដទៀតថា លោកបានរាយការណ៍ប្រាប់មេរួចហើយ ប៉ុន្តែមិនបាននិយាយថា ជាមេណាមួយនោះទេ។
យោងតាមប្រភពពីអ្នកសារព័ត៌មាន ដែលបានចុះថតរូបភាពនៅកន្លែងកើតហេតុ បានឲ្យដឹងថា រថយន្ត តួរីស ដែលមានម្ចាស់ឈើ ឈ្មោះ ឡុង សារិទ្ធ ភេទ ប្រុស អាយុ៤០ ឆ្នាំខាងលើ បានផ្ទុក ស៊ុំទ្វា ចំនួន១០៥ ដើម ។
បន្ទាប់ពីនគរបាលចរាចរណ៍ផាកពិន័យ រួចហើយនោះ ម្ចាស់ឡានដឹកឈើពុំបានបង្ហាញឯកសារណាមួយដែលបញ្ជាក់ពី ភាពស្របច្បាប់ នៃការធ្វើចរាចរណ៍ឈើសិប្បកម្ម ដែលខ្លួនកំពុងតែដឹកនោះឡើយ។
ដោយឡែក មន្ត្រី នគរបាលចរាចរណ៍ ដែលបានឃើញហេតុការណ៍ខាងលើនេះ ក៏បានគ្រវីក្បាលហួសចិត្តផងដែរ នៅពេលដែលបានឃើញឥរិយាបទ របស់មន្ត្រី អាវុហត្ថឈ្មោះ “ហុង” បញ្ជារឲ្យឡានដឹកឈើបើកចេញនោះ។
គួរបញ្ជាក់ផងដែរថា នៅក្នុងខេត្តសៀមរាប ធ្លាប់បានគេរាយការណ៍មកថា ក្នុងមួយថ្ងៃៗមានរថយន្តជាច្រើនគ្រឿងបន្តកន្ទុយគ្នាបានដឹកឈើចូល និងឆ្លងកាត់ខេត្ត ក្រោមរូបភាពជាឈើសិប្បកម្ម ប៉ុន្តែតាមការមើលឃើញជាក់ស្ដែងគឺច្រើនតែបង្កប់ឈើតាប់ដែលមានមុខកាត់ធំៗ មិនតែប៉ុណ្ណោះរថយន្តដឹកឈើខ្លះក៏មាន កាងដោយមន្ត្រីកងកម្លាំងប្រដាប់អាវុធមួយចំនួនផងដែរ ដែលគេតែងតែនិយាយថាជាបុគ្គល” អ្នករកសេដ្ឋកិច្ចឲ្យអង្គភាព ដែលចូលចិត្តតែរកស៊ីហើយកាងទៀត ៕
វេហាស៍
