ខេត្តពោធិ៍សាត់ ៖សិស្សអនុវិទ្យាល័យពោធិ៍សាត់២នាក់ ក្នុងចំណោម ៤នាក់បានលង់ទឹកស្លាប់ពេលពួកគេចុះទៅលេងទឹកស្ទឹងពោធិ៍សាត់ នៅខាងក្រោយសណ្ឋាគារខេអឹមហើយរអិលជើងធ្លាក់ចូលក្នុងអន្លង់បូមខ្សាច់ នៅម៉ោង២ៈ៤៥នាទីរសៀលនាថ្ងៃទី៣០ខែមករា ឆ្នាំ២០១៦ស្ថិតក្នុងភួមិដូងជ្រំសង្កាត់ព្រៃញី ក្រុងពោធិ៍សាត់។
បើតាមមន្ត្រីនគរបាលប៉ុស្ត៍ព្រៃញីបានឲ្យដឹងថា សិស្សសាលាដែលលង់ទឹកស្លាប់ទាំងពីរនាក់នោះមានទី១- ឈ្មោះ ប៊ូ អេលីសា អាយុ១៣ឆ្នាំ ភេទស្រី រៀនថ្នាក់ទី ៧នៃអនុវិទ្យាល័យពោធិ៍សាត់ដែលរស់នៅភូមិបាក់រទេះសង្កាត់ព្រៃញី ក្រុងពោធិ៍សាត់និងទី២- ឈ្មោះ ពិន សុខពិសី អាយុ១២ឆ្នាំ ភេទស្រី រៀនថ្នាក់ទី ៧នៃអនុវិទ្យាល័យពោធិ៍សាត់ដែលមានទីលំនៅភូមិបន្ទាយដីលើសង្កាត់បន្ទាយដី ក្រុងពោធិ៍សាត់ខេត្តពោធិ៍សាត់ ។
មន្ត្រីដដែលនិយាយបន្តថា មុនពេលកើតហេតុនេះឡើងពួកគេចំនួន០៤នាក់បាននាំគ្នាមកងូតទឹកលេងក្នុងស្ទឹងពោធិ៍សាត់ចំណុចខាងលើនេះ ស្រាប់តែជនរងគ្រោះទាំងពីចេះតែងូតទឹកប្រលែងគ្នាទៅទីតាំងកន្លែងគេបូមខ្សាច់ ក៍បានធ្លាក់ចូលអន្លងជ្រៅមិនចេះហែលទឹកផងក៍លិចបាត់ ទាំងពី។ ពេលនោះមិត្តភ័ក្រគ្នាគេឃើញដូច្នោះ ក៍នាំគ្នាស្រែកផ្អើលឲ្យគេជួយ ទន្ទ្រាំគេមកដល់មុជរាវរកឃើញអ្នកទាំងពីក៍បានស្លាប់បាតទៅហើយ។ ក្រោយពេលសមត្ថកិច្ចពិនិត្យសពរូចរាល់ដែលបានលង់ទឹកស្លាប់ពិតប្រាកដមែនក៍បានប្រគល់សពក្មេងស្រីរងគ្រោះទៅឲ្យក្រុមគ្រួសារយកទៅធ្វើបុណ្យតាមប្រពៃណីរៀងៗខ្លួន៕
