ខេត្តកែប៖ យ៉ាងហោចណាស់ក៍មានមនុស្សប្រុសស្រីចំនួនបីនាក់បានស្លាប់និងរបួសធ្ងន់ដោយជួបហេតុការគ្រោះចរាចរបង្កឡើងដោយយានយន្តពីរគ្រឿងរវាងរថយន្តសាំយ៉ុង១២កៅអីនិងម៉ូតូសេ១២៥សេរី២០១២ដែលបើកបរដោយបុរសម្នាក់និងមានឌុបមនុស្សស្រី២នាក់ជាគូរដណ្តឹងនិងប្អូនស្រីរបស់គូរដណ្តឹងមានអាយុ៦ឆ្នាំម្នាក់ដែលរួមដំណើរ។ ហេតុកានេះកើតឡើងកាលពីវេលាម៉ោង១•៤០នាទីរសៀលថ្ងៃទី០១ខែកុម្ភះឆ្នាំ២០១៦នៅលើកំណាត់ផ្លូវជាតិលេខ៣៣កំពត កែបត្រង់ចំណុចខាងកើតគីឡូម៉ែត្រលេខ១៣ចម្ងាយ១៦៣ម៉ែត្រស្ថិតក្នុងភូមិ
ដំណាក់ចំបក់ សង្កាត់អូក្រសារ ក្រុងកែប។
ប្រភពពីសមត្ថកិច្ចនគរបាលចរាចរក្រុងកែបបានឲ្យដឹងថាៈ មុនពេលកើតហេតុបុរសម្នាក់ឈ្មោះគង ផុក អាយុ២៤ឆ្នាំមានទីលំនៅកន្លែងកើតហេតុ បានជិះម៉ូតូសេ១២៥សេរី២០១២ពណ៌ខ្មៅពាក់ស្លាកលេខកំពត1E 5778 បើកចេញពីផ្ទះឡើងមកលើផ្លូវជាតិ ដោយឌុបស្ត្រីម្នាក់ជាគូដណ្តឹងឈ្មោះខេង ចាន់នី អាយុ២១ឆ្នាំនិងប្អូនស្រីរបស់គូដណ្តឹងម្នាក់អាយុ៦ឆ្នាំ ដើម្បីទៅសាលាសង្កាត់ធ្វើច្បាប់ការ។
ប្រភពដដែលបន្តទៀតថាៈលុះពេលបើកម៉ូតូឡើងមកលើថ្នល់ជាតិ ទទួលមានរថយន្តសាំយ៉ុង១២កៅអីពណ៌ប្រផេះមួយគ្រឿងបើកបរក្នុងទិសដៅពីលិចទៅកើតមកដល់ក៍បុកទទឹងគូថក្រោយម៉ូតូដែលបុរសនោះបើកយ៉ាងពេញទំហ៊ឹងបណ្តាលឲ្យអ្នកជិះម៉ូតូទាំងបីនាក់ខ្ទប់កញ្ចក់រថយន្តរួចខ្ទាតទៅមុខរថយន្តចម្ងាយជាង១០ម៉ែត្ររងរបួសធ្ងន់ផុងលលាដ៍ទាំងបីនាក់សន្លប់ស្តូកស្តឹងនៅកន្លែងកើតហេតុហើយត្រូវបានសមត្ថកិច្ចហៅរថយន្តសាមុយដឹកទៅសង្គ្រោះភ្លាមៗនៅមន្ទីរពេទ្យបង្អែកខេត្តកំពត។
រថយន្តដែលជួបហេតុការម៉ាកទួរីសសាំយ៉ុង១២កៅអីដឹកនាក់ដំណើរថ្មស កំពង់ត្រាច ពាក់ស្លាកលេខភ្នំពេញ2X6225អ្នកបើកបរបានរត់គេចខ្លួនបាត់បន្សល់ទុករថយន្តនិងម៉ូតូត្រូវបានសមត្ថកិច្ចនាំយកទៅរក្សាទុកនៅអធិការដ្ឋានក្រុងកែបរង់ចាំការដោះស្រាយពេលក្រោយ។ប្រភពពីមន្ទីរពេទ្យជនរងគ្រោះទាំងបីនាក់គឺស្ថានភាពរបួសធ្ងន់ធ្ងរទាំងបីនាក់២០នាទីក្រោយមក បុរសអ្នកបើកម៉ូតូបានដាច់ខ្យល់ស្លាប់នៅក្នុងសាលសង្គ្រោះបន្ទាន់ រីឯស្ត្រីជាគូដណ្តឹងនិងប្អូនស្រីរបស់ស្ត្រីជាគូរដណ្តឹងរូបនេះក៍ស្ថិតក្នុងសភាពធ្ងន់ធ្ងរនៅឡើយដែរ ដែលក្រុមគ្រូពេទ្យត្រូវរៀបចំបញ្ជូនទៅសង្គ្រោះនៅឯមន្ទីរពេទ្យភ្នំពេញផងដែរ៕
