សៀមរាបៈ បទល្មើសព្រៃឈើដែលបានធ្វើសកម្មភាព ដឹកបន្តកន្ទុយគ្នាចូលចេញពីឃុំខ្វាវ ចូលសិប្បកម្ម ចំនួន២ភូមិ ដែលមានសិប្បកម្មកែច្នៃដោយខុសច្បាប់ ជាង៦០កន្លែង ក្នុងនោះមានភូមិ ខ្លាឃ្មុំឃុំគោកធ្លកលើ និងភូមិប៉ាតត ឃុំគោកធ្លកក្រោម ស្រុកជីក្រែង ខេត្តសៀមរាប ដោយសិប្បកម្មទាំងនេះ ត្រូវបានធ្វើ ឡើងតាមគ្នា ដោយពុំមានច្បាប់អនុញ្ញាតិសូម្បីតែបន្តិចឡើយ ទើបតែពេលនេះ ដោយមានការបញ្ជាផ្ទាល់ ពីលោក ទា គឹមសុទ្ធ នាខណ្ទរដ្ឋបាលសៀមរាប ឲ្យលោកប្រាក់ម៉ារីណានាយរងខ័ណ្ឌរដ្ឋបាលព្រៃឈើសៀមរាបដឹកនាំកម្លាំងបង្ក្រាបសិប្បកម្មខុសច្បាប់ រឹបអូសឈើបានជាង២០០០ម៉ែត្រគូប ក្នុងរយះពេល ២ថ្ងៃ។
កិច្ចសហការបង្ក្រាបមាន ការចូលរួមពីសំណាក់ លោក សូ ផល្លា នាយផ្នែកជីក្រែង និងលោក ថៃ គឹមសុង នាយសង្កាត់ជីក្រែង រួមទាំងកម្លាំងសមត្ថកិច្ចនិងអាជ្ញាធរមូលដ្ឋានចូលរួមផងដែរ ដែលចាប់ផ្តើមបង្ក្រាប នៅចំណុចភូមិ ខ្លាឃ្មុំចំនួន៤កន្លែងរយះពេល២ថ្ងៃ គឺថ្ងៃទី៣ ទី៤ ខែកុម្ភៈឆ្នាំ២០១៦ ដែលសមត្ថកិច្ចបាន រឹបអូសបាន ឈើហ៊ុបចំនួន៨៩ដុំ ស្មើនឹង២៥,១៤៥ម៉ែត្រគូបព្រមទាំងឈើចំរៀកមួយចំនួនឈើទាំងនោះត្រូវបានដឹកជញ្ជូនទៅកាន់ផ្នែករដ្ឋបាលព្រៃកំពង់ក្តីដើម្បីរក្សាទុក។
លោក ថៃ គឹមសុង នាយសង្កាត់រដ្ឋបាលព្រៃឈើជីក្រែង បានអោយដឹងថាសិប្បកម្មតូចៗជាច្រើនដែលពុំទាន់បានបង្ក្រាប ព្រោះឡានចូលមិនរួច តែទោះជាយ៉ាងណានោះ ក្រោមការដឹកនាំរបស់លោកលោកប្រាក់ម៉ារីណានាយរងខ័ណ្ឌរដ្ឋបាលព្រៃឈើសៀមរាប និងបន្តនៃការបង្ក្រាបជាបន្តបន្ទាប់នូវសិប្បកម្មធំៗ ដែលកំពុងតែធ្វើសកម្មភាពដោយខុសច្បាប់នេះ ។
ប្រភពខ្សឹមខ្សៀវថា ឈ្មួញឈើរកស៊ីរាប់សិបឆ្នាំដែលល្បីថា មានខ្នងធំនៅពីក្រោយ ដែលមានឃ្លាំងសម្រាប់ដឹកឈើយកមកស្តុប ដែលត្រូវបានគេស្គាល់ថា ឈ្មោះ តាអាត និងតាសុខ សមត្ថកិច្ចមិនទាន់ហ៊ាន ប៉ះពាល់នោះទេ ដោយសារតែលឺថា បានត្រូវដងត្រូវផ្លែគ្នាហើយ ទើបសមត្ថកិច្ចពុំទាន់ហ៊ានទៅក្បែរ។ ដោយ អ៊ុក ផ្លុង
