ខេត្តកំពង់ឆ្នាំង៖ « អត្តសញ្ញាណបណ្ណ័សញ្ជាតិខ្មែរមានសារៈប្រយោជន៍សំខាន់ណាស់សំ
រាប់បញ្ជាក់អំពីអត្តសញ្ញាណរបស់ខ្លួន ដើម្បីចូលធ្វើការងារ និងសំរាប់ប្រើប្រាស់ក្នុងប្រ យោជន៍ជាច្រើនទៀតដែលមិនអាចខ្វះបាន » លោក ឈួរ ច័ន្ទឌឿន អភិបាលខេត្តកំពង់ឆ្នាំងបានថ្លែងបែបនេះ នៅព្រឹកថ្ងៃទី០៥ ខែកុម្ភះ ឆ្នាំ២០១៦ ក្នុងពីធីចែកអត្តសញ្ញាណបណ្ណ័សញ្ជាតិខ្មែរនៅក្នុងសាលាឃុំជ្រៃបាក់ ជូនប្រជាពលរដ្ឋចំនួន១៩៥៧នាក់នៅក្នុងឃុំជ្រៃបាក់ ស្រុករលាប្អៀរ។
លោក សោម វឺន អភិបាលស្រុករលាប្អៀរ នៅក្នុងពីនេះបានរាយការណ៍ជូនអង្គពិធី
នូវសភាពការណ៍ទូទៅអំពីការរីកចំរើនលើគ្រប់វិស័យរបស់ស្រុករលាប្អៀរ ក្រោមការដឹក
នាំរបស់អាជ្ញាធរខេត្ត និងប្រមុខរាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន
ជានាយរដ្ឋមន្ត្រីដ៏ឈ្លាសវៃ ប្រកបដោយគតិបណ្ឌិត។ ដោយឡែកនៅក្នុងថ្ងៃនេះដែរប្រជា
ពលរដ្ឋចំនួន១៩៥៧នាក់នៅក្នុងឃុំជ្រៃបាក់ មានចិត្តសប្បាយរីករាយណាស់នៅក្នុងពេលដែល លោកអភិបាលខេត្តកំពង់ឆ្នាំង បានចុះមកចែកអត្តសញ្ញាណបណ្ណ័ដោយផ្ទាល់ជូនប្រជាពលរដ្ឋ ដើម្បីទុកប្រើប្រាស់ដែលមិនអាចខ្វះបាន។
នៅក្នុងពិធីចែកអត្តសញ្ញាណបណ្ណ័នេះ លោក ឈួរ ច័ន្ទឌឿនបានថ្លែងទោកាន់ប្រជា
ពលរដ្ឋថា៖ ៖ « អត្តសញ្ញាណបណ្ណ័សញ្ជាតិខ្មែរមានសារៈប្រយោជន៍សំខាន់ណាស់សំរាប់
បញ្ជាក់អំពីអត្តសញ្ញាណរបស់ខ្លួន ដើម្បីចូលធ្វើការងារ និងសំរាប់ប្រើប្រាស់ក្នុងប្រ យោ ជន៍ជាច្រើនទៀតដែលមិនអាចខ្វះបាន » ហេតុនេះសូមបងប្អូនប្រជាពលរដ្ឋយើងថែរក្សាអត្តសញ្ញាណបណ្ណ័ខ្លួនអោយបានល្អកុំអោយបាត់បង់ កុំអោយគេខ្ចី ឬយកទៅដាក់បញ្ចាំ
យករបស់ផ្សេងៗ។
អត្តសញ្ញាណបណ្ណ័នេះក៏មានប្រយោជន៏យ៉ាងសំខាន់ក្នុងការចុះឈ្មោះបោះឆ្នោត
និងក្នុងពេលទៅបោះឆ្នោត ជ្រើសរើសក្រុមប្រឹកក្សាឃុំសង្កាត់ នៅឆ្នាំ២០១៧ខាងមុខនេះដែលជាតំណាងដឹកនាំរបស់ខ្លួននៅក្នុងមូលដ្ឋាន បើគ្មានអត្តសញ្ញាបណ្ណ័នេះទេយើងមិនអាចបំពេញកាតព្វកិច្ចជាពលរដ្ឋចូលរួមការបោះឆ្នោតបានឡើយ។
លោកអភិបាលខេត្តក៏បានផ្តាំផ្ញើដល់អាជ្ញាធរមូលដ្ឋានគ្រប់លំដាប់ថ្នាក់ និងសមត្ថ
កិច្ចនគរបាលជុំរុញការធ្វើអត្តសញ្ញាណបណ្ណ័សញ្ញាតិខ្មែរជូនប្រជាពលរដ្ឋដែលមានអាយុចាប់ពី១៥ឆ្នាំឡើងទៅ នៅក្នុងមូលដ្ឋានអោយបានគ្រប់ៗគ្នា និងអោយទាន់ពេលវេលា ចំ
ណែកប្រជាពលរដ្ឋដែលមិនទាន់បានធ្វើអត្តសញញញាណបណ្ណ័ ក៏ត្រូវតែរះទៅធ្វើអត្តស
ញ្ញាណបណ្ណ័ខ្លួនឯងអោយបានទាន់ពេលវេលាផងដែរ៕
