កំពង់ធំៈ ស្ករត្នោតរបស់ប្រជាកសិករ ផលិតបានកំពុងតែពេញនិយម ទាំងទីផ្សារក្នុងស្រុក និងក្រៅស្រុក និងអាចរកប្រាក់ចំណូលបានយ៉ាងកាកកប ខណៈពេលដែល ប្រទេសជាតិ ត្រូវបានអភិវឌ្ឍន៍ ពីមួយថ្ងៃទៅមួយថ្ងៃ ធ្វើឲ្យប្រទេស ជាតិមានការរីចម្រើនគ្រប់វិស័យ ក្នុងនោះក៏បានកត់សម្គាលសម្រាប់ប្រជាកសិករមួយចំនួន ត្រូវបានបោះបង់អាជីពឡើងត្នោត បែរមករកការងារក្នុងរោងចក្រ សហគ្រាស និងប្រកបមុខរបរដ៏ទៃទៀត ថែមទាំងបានបន្សល់នូវអ្នកដែល បានចាប់អាជីពឡើងត្នោតនៅសល់តិចតួចណាស់។
ស្របពេលដែលពិភពលោកកំពុងតែប្រគួតប្រជែងខាងទីផ្សារ បានធ្វើឲ្យការប្រើប្រាស់នូវប្រព័ន្ឋបច្ចេកវិជ្ជាទំនើប ចូលមកបំរើក្នុងវិស័យកសិកម្ម ឧស្សហកម្ម ក៏ដូចជាផ្នែកម្ហូបអាហារ ពោពេញទៅដោយការរួមផ្សំនូវ សារធាតុសម្រាប់ប្រើប្រាស់តុបតែងទាំងពណ៌ ទាំងក្លិនទាំងរស់ជាតិ ជាមួយនឹងអាហារសម្រាប់តម្រូវការមនុស្សសម័យថ្មី ក្នុងនោះប្រជាពលរដ្ឋជាច្រើនព្យាយាមគេចវិសពីសារធាតុដែលបាននាំយកមកលាយជា មួយអាហារ តែពុំអាចចៀសផុតពីផលិតផលសម្រេចទាំងនេះ ទើបប្រជាពលជនមួយចំនួន បានព្យាយាបែរ មកយកចិត្តទុកដាក់លើសុខភាព ទាំងការស់នៅ ទាំងការបរិភោគ និងផលិតផលផ្សំអាហារ ។
ជាក់ស្តែងប្រជាពលរដ្ឋរស់នៅភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំ ជាច្រើនគ្រួសារនៅតែបន្ត អាជីពពីដូនតាមក ដោយការឡើងត្នោត ផលិតស្ករត្នោតលក់ គឺជាការផលិតដោយធម្មជាតិ គ្មានសារធាតុគេមី មិនតែប៉ុណ្ណោះមានទីផ្សារទាំងក្នុងស្រុក និងក្រៅស្រុក សម្រាប់ការនាំយកទៅលាយជាមួយអាហារ សម្រាប់ការបរិភោគប្រចាំថ្ងៃ។
ប្អូនប្រុសម្នាក់ មានឲ្យដឹងថា ប្អូនបានចាប់អាជីពឡើងត្នោតនេះ មកពីឪពុកមាបន្តមក ហើយការឡើងត្នោតនេះគឺបានឡើងក្នុងមួយថ្ងៃ ១០០ដើម ហើយឡើងចំនួន២ដង ព្រឹក និងល្ងាច សរុបឡើងក្នុងមួយថ្ងៃ២០០ដើម ចំណែកដើមត្នោតគឺបានជួលពី អ្នកភូមិដែលមានដើមត្នោត នៅតាមស្រែចំការ ក្នុងមួយដើមគឺត្រូវជូនស្ករ ទៅម្ចាស់ដើមត្នោត ៥គ.ក ប្អូនប្រុសបានបន្តថា ការឡើងត្នោតនេះគឺមានរយះពេលតែមួយរដូវ គឺរដូវ ប្រាំងរយះពេល ៤ទៅ៥ខែប៉ុណ្ណោះ ការងារនេះបន្ទាប់ពីការប្រមូលផលស្រូវរួច ហើយការឡើងត្នោតនេះ គឺចាំបាច់ត្រូវឡើងតាមការកំណត់ ព្រឹកនិងល្ងាច ដោយមិនអាចខកខានបានទេ ។
ប្អូនស្រីដែលជាអ្នកទទួលតួនាទី ក្នុងការផលិតស្ករ បានឲ្យដឹងថា ទឹកត្នោតដែលបានយកមកពីដើមគឺត្រូវចាក់ចូលខ្ទះសម្រាប់រង្វាស់ចំនួនជាង២ម៉ោង និងពេលដែលខាស់ហើយ បានលើកយកមកកូររហូតដល់ស្ករ ឡើងសរ ហើយរ៉ឹង ទើបបានចាក់ដាក់ប្រអប់ ឬដប ដែលអង្គការបានកាម៉ង់សម្រាប់យកទៅលក់ ក្នុងមួយថ្ងៃ ទាំងព្រឹកនិងល្ងាចអាចផលិតបានស្ករត្នោត ៥០ទៅ៦០គ.ក ហើយស្ករ មួយចំនួន ត្រូវបានអ្នកផ្សារមកទទួលទិញយកទៅលក់ សម្រាប់ទីផ្សាស្ករនេះ គឺពុំមានសេសលសនោះទេ គឺគេមកទទួលទិញអស់ៗរាលថ្ងៃដោយសារតែស្ករនេះ ពុំមានជាតិគេមី និងជាស្ករផលិតចេញពីទឹកត្នោត ដើម ត្នោតក្នុងស្រែរបស់ប្រជាពលរដ្ឋ ។
ដោយ ប៊ុន រដ្ឋា
