ព្រះវិហារៈ លោក ជា សំអាត ត្រូវបានលោក ប្រធានសហគមន៍ រួមទាំងប្រជាពលរដ្ឋ ១១៣គ្រួសារ ដាក់ពាក្យបណ្តឹង ស្នើរឲ្យឃុំស្រយ៉ង់ ដោះស្រាយពាក់ព័ន្ឋទៅនឹង ករណី លោកជា សំអាត បានរំលោភបំពានដីព្រៃសហគមន៍ ចំនួន៨ ហិចតា យកមកធ្វើជាកម្មសិទ្ធ រួមទាំងបានសាងសង់ផ្ទះមួយខ្នងលើផ្ទៃដីសហគមន៍ ស្ថិនៅចំនុចព្រំប្រទល់ សៀមរាប ព្រះវិហារ ស្ថិតនៅក្នុងឃុំខ្វាវ និងឃុំស្រយ៉ង់ ស្រុកគូលេន ខេត្តព្រះវិហារ។
លោក យ៉ែម យ៉ុម ប្រធានសហគមន៍ បានឲ្យដឹងថា ដីសហគមន៍សរុប ៣៤៣ហិចតា នៅចំនុចតំបន់ ព្រៃម្រិច ឃុំស្រយ៉ង់ ស្រុកគូលេន ខេត្តព្រះវិហារ មានបុគ្គលម្នាក់ឈ្មោះ ជា សំអាត បានកកាប់ឆ្ការព្រៃសហគមន៍ ៨ហិចតា កាលពីឆ្នាំមុន ក្នុងនោះឃុំបានកោះហៅលោកជាសំ អាត ទៅសាលាឃុំ ដើម្បីធ្វើការសួរនាំ ក្នុងនោះលោក ជា សំអាត ក៏បានព្រមព្រៀងថានិងរុះរើផ្ទះ ចេញបើសិនជា ដីនេះស្ថិតនៅក្នុងខេត្តព្រះវិហារ ហើយឈប់នៅទីតាំងនោះព្រមទាំងបានផ្តិតមេដៃសុខចិត្តដកចេញ តែក្រោយមក ជននេះនៅតែរស់នៅដដែល សម្រាប់វិធានការបន្តនឹងដាក់ពាក្យបណ្តឹងបន្តទៀត ករណីដោះស្រាយនៅឃុំមិនសម្រេច ។
លោក ជា សំអាត បានឲ្យដឹងថា លោកជាអ្នកសារព័ត៌មាន រស្មីតាដំបងគ្រញូង និងជាប្រធានសាខាខេត្តព្រះ វិហារ បានឲ្យដឹងថា ឃុំមានគំនិតអាក្រក់ ចោទថាខ្ញុំជាអ្នករំលោភយកដីសហគមន៍ តាមពិតជាដីរបស់កូនខ្ញុំ ដែលគេអោយពីខេត្តសៀមរាបមកទេ គេបានប្រគល់ឲ្យកូនរបស់គាត់ជាអ្នកកាប់ឆ្ការ ត្រួសត្រាយ ហើយអាជ្ញាធរបានចោទប្រកាន់ខ្ញុំ ដូច្នេះខ្ញុំមានបំណងមួយ និងដាក់ពាក្យបណ្តឹងទៅតុលាការ ហើយគំរាមគំហែង ខ្ញុំ ទីមួយខ្ញុំគឺជាអ្នកសារព័ត៌មានផ្ទាល់ផង ដោយយល់ថាវាជារឿងអាយុត្តិធម៌សម្រាប់រូបលោក ដោយសារចោទគេថា រំលោភដីរបស់សហគមន៍ ចំណែកខ្លួនឯងបង្កើតសហគមន៍អីណា ចំណែកប្រជាពលរដ្ឋកាប់ឆ្ការព្រៃ៣ទៅ៤ហិចតា បែរជាឲ្យគេរុះរើផ្ទះ( សូមបញ្ជាក់ ក្នុងនោះលោក ពុំបានបញ្ជាក់ថា តើខាងសៀមរាប អ្នកណាជាអ្នកប្រគល់ដីឲ្យកូនរបស់គាត់កាប់ឆ្ការុករាន្ទដីព្រៃសហគមន៍ ។
។ ដោយ សាម ឡុំ
