កំពង់ធំៈក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានជម្រុញឲ្យមន្ត្រីថ្នាក់ ក្រោមជាតិយកចិត្តទុកដាក់ សហការគ្នា ជាមួយអង្គភាពមន្ទីរពាក់ព័ន្ឋ ជួយដល់ក្រុមគ្រួសារទីទាល់ក្រ ជាពិសេសជួយដល់ក្រុមគ្រួសារ អតីតយុទ្ធជនដែលជួបប្រទះនិងភាពខ្វះខាត ឲ្យទទួលបានការឧបត្ថម្ភគាំទ្រា និងផ្សារភ្ជាប់នូវចំណងមិត្តភាព។
ជាក់ស្តែងឯកឧត្តម ឧត្តមសេនីយ៍ត្រី សោម ស៊ុន ប្រធានសមាគមន៍អតីតយុទ្ធជនកម្ពុជា និងលោក ប៉ែន វណ្ណរិទ្ធ ប្រធានចលនាយុទ្ធជនកម្ពុជាសាខាកំពង់ធំ ក្រុម១៥៧ រួមទាំងមន្ត្រីក្រោមឳវាទ ចុះប្រគល់ផ្ទះមួយខ្នងដែលមានទំហំ (៥ម៉x៧ម៉)សាងសង់ពីឈើ ប្រកស័ង្កសី បានចំណាយទឹកប្រាក់ចំនួន 6.878.000រៀល ស្ថិតនៅភូមិកំពង់គោលើ ឃុំកំពង់គោស្រុកកំពង់ស្វាយ ខេត្តកំពង់ធំ នៅព្រឹកថ្ងៃទី០៨ ខែកុម្ភៈ ឆ្នាំ២០១៦ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានឲ្យដឹងថានេះជាការ ចែករំលែកនូវទុក្ខលំបាក ដល់ក្រុមគ្រួសារអតីតយុទ្ធជន ឈ្មោះ ផាប់ ភា និងក្រុមគ្រួសារដែលកន្លងមក ធ្លាប់ជាកងកម្លាំងចំណុះឲ្យតំបន់ប្រតិបត្តិការសឹករងកំពង់ធំ និងជាកម្លាំងដែលមានស្នាដៃក្នុងការបំពេញ ភារៈកិច្ច ខាងវិស័យការពារជាតិ មាតុភូមិ លុះក្រោយមកក៏បានចូលនិវត្តន៍ ដោយឃើញថា ក្រុមគ្រួសារនេះ មានភាពខ្វះខាតនូវជម្រកស្នាក់នៅ និងមានជីវភាពក្រខ្សត់ ទើបតំបន់ប្រតិបត្តិការសឹករងកំពង់ធំ បានគៀងគ សម្បុរស់ជនជួយសាងសង់លំនៅដ្ឋានហើយបានប្រគល់ជូនក្នុងថ្ងៃនេះ ។
ឯកឧត្តម សោម ស៊ុន បានថ្លែងអំណរគុណដល់ លោក ប៉ែន វណ្ណរិទ្ធ ប្រធានចលនាយុវជន ក១៥៧ ប្រចាំខេត្តកំពង់ធំ បានឧបត្ថម្ភថវិការ១លានរៀនសម្រាប់ការសាងសង់ផ្ទះ ព្រមទាំងបាននាំយកអំណោយមកជូន គ្រួសារអតីតយុទ្ឌជន មានថវិកាចំនួន២០០០០០រៀល (ម្ភៃម៉ឺន) អង្ករ៥០គីឡូក្រាម ទឹកត្រី១យួរ ទឹកស៊ីអ៊ីវ១យួរ ភូយ១ អំបិល១គីឡូក្រាម ប៊ីចេង១គីឡូក្រាម សាប៊ូ១
កញ្ចប់ និងស្ករស១គីឡូក្រាម ដើម្បីជួយរំលែកនូវ ភាពខ្វះខាត ។
ឈ្មោះ ផាប់ ភា និងក្រុមគ្រួសារ បានសម្តែងនូវក្តីរំភើបរីករាយ រកនិយាយមិនត្រូវ ខណៈពេលដែលធ្លាប់តែ រួមនៅក្នុងជម្រកខ្ទមដ៏តូចមួយ តែពេលនេះដោយការយកចិត្តទុកដាក់ ពីសំណាក់អតីតថ្នាក់ដឹកនាំដែលធ្លាម រួមរស់ជាកងកម្លាំង ហើយថ្ងៃនេះបានទទួលផ្ទះថ្មី ពិតៗដោយមិនមែនជាសុបិន្ត ហើយមិនដែលគិតមកពីមុន តែពេលនេះបានទទួលពិតៗ ហើយក៏សូមថ្លែងអំណរគុណដល់ ឯកឧត្តម សោម ស៊ុន មេបញ្ជាការតំបន់ប្រតិបត្តិ ការសឹករងកំពង់ធំ និងលោក ប៉ែន វណ្ណរិទ្ធ ប្រធានចលនាយុវជន ក១៥៧ រួមទាំងមន្ត្រីក្រោមឳវាទ ជួបតែសេចក្តីសុខ និងសម្រេចការងារបានជោគជ័យ គ្រប់ភារៈកិច្ច ។
ដោយ ផន សុជាតិ
