ខេត្តពោធិ៍សាត់៖ ម៉ូតូពីគ្រឿងបានបើកបប៉ះទង្គិចគ្នាលើផ្លូវជាតិលេខ០៥ជនបង្កររងរបួសស្រាលឯម្ខាងទៀងដែលចរាចរណ៍លើផ្លូវអទិភាពបានរងរបួសឪពុកធ្ងន់បាក់ជើងនិងកូនអង្គុយខាងក្រោយរបួសស្រាលចំណែករយន្តដែលព្យាយាមបើកគេក្នុងឧប្បហេតុនេះ ខូចទាំងរថយន្ត
ត្រូវបាននគរបាលរឹបអូសទៅអធិកាទាំងអស់។ ហេតុការណ៍នេះបានកើតឡើងកាលពីវេលាម៉ោង១១និង០០នាទីព្រឹកថ្ងៃទី០៦ ខែកុម្ភះ ឆ្នាំ២០១៦ ស្ថិតក្នុងភួមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់។លោកខៀវ សុខា មេប៉ុស្ត៍នគរបាលក្បាលត្រាចបានប្រាប់ពីអត្តសញ្ញាណជនរងគ្រោះនោះថា ទី១ឈ្មោះ កង យុីម អាយុ៤៩ឆ្នាំ រងរបួសធ្ងន់បាក់ជើងខាងស្ដាំ ទី២ឈ្មោះ យីុម សុខរី អាយុ១៦ឆ្នាំភេទស្រី អាយុ១៦ឆ្នារបួសស្រាលត្រូវជាកូន អ្នកទាំងពីរស់នៅភួមិខ្សាច់ល្អិត ឃុំអន្សាចំបក់ ស្រុកក្រគរ ខេត្តពោធិ៍សាត់។ ដោយឡែកក្មេងស្រីបង្ករឈ្មោះ ហួន បិច អាយុ១៧ឆ្នាំភេទស្រី រងរបួសស្រាល រស់នៅភួមិកើតហេតុខាងលើ។
បើតាមពលរដ្ឋនៅភួមិកំពង់លើដែលឃើញនៅហេតុការណ៍នេះបាននិយាយ គឺដំបូងមានបុរសម្នាក់អាយុជិត៥០ឆ្នាំបានជិះម៉ូតូហុងដាទ្រីមព័ណ៍ខ្មៅពាក់ស្លាក់លេខកំពុងឆ្នាំ1B 59-47 ឌុបកូនស្រីគាត់អាយុប្រហែល១៦ឆ្នាំអង្គុយខាងក្រោយដោយចរាចរណ៍ពីលិចទៅកើតលើផ្លូវអទិភាពខាងស្ដាំដៃដោយប្រើល្បឿនត្រូវនិងច្បាប់ចរាចរណ៍ ។ សាក្សីបន្តថាពេលដែលឪពុកនិងកូនបើកឌុបគ្នាសុខៗស្រាប់តែមានក្មេងស្រីម្នាក់ទៀតវ័យប្រហែល១៧ឆ្នាំ បានបើកម៉ូតូហុងដាទ្រីមព័ណ៍ខ្មៅពាក់ស្លាក់លេខពោធិ៍សាត់1G 07-10 ដែរ ចរាចរណ៍ពីកើតទៅលិចច្រាស់ទិសគ្នា មកដល់ចំនុចកើតហេតុខាង ត្រងចន្លោះគីឡូមែ៉ត្រលេខ១៥២និង១៥៣ មិនមើលពីម៉ូតូនោះកំពុងបើកមកច្រាស់ទិសផ្លូវរបស់គេសោះ ក៍បានបត់ឆ្លងផ្លូវពីជើងទៅត្បូង ទៅប៉ះនិងដៃចង្កូតម៉ូតូបុរសឌុបកូននោះ។ បណ្ដាលឲ្យបុរសវ័យជិត៥០ឆ្នាំនោះ ដួលម៉ូតូខ្ទៀតទៅខាងជើងផ្លូវនៃខាងឆ្វេងដៃ ស្របពេលនោះក៍មានរថយន្តមួយគ្រឿងព័ណ៍សប្រភេទប្រូសពាក់ស្លាក់លេខភ្នំពេញ 2AB.44-49 បើកពីកើតទៅលិច ដែលកំពុងព្យាយាមបន្ថយល្បឿនគេចគ្រោះថ្នាក់នេះក៍ម៉ូតូនោះបោកត្រូវផ្ទាល់រថយន្តខាងមុខផ្នែកខាងស្ដាំបណ្ដាលឲ្យខូចខាតមួយចំនួន ហើយបុរសជិះម៉ូតូនោះបានរងរបួសបាក់ជើងខាងស្ដាំយាឫ៉ងធ្ងន់ធ្ងរ ដោយកូនស្រីអង្គុយខាងក្រោយនិងជនបង្ករគ្រាន់តែរបួសស្រាលប៉ុណ្ណោះ។
សាក្សីដដែលនេះបានរាបរាប់រាងហួសចិត្តនិងក្រវីក្បាល ដោយសុំឲ្យលាក់ឈ្មោះនិយាយបន្តថា៖ ក្រោយកើតហេតុនគរបាលចរាចរណ៍ស្រុកក្រគរបានទៅដល់ទីតាំងកើតហេតុនោះភ្លាម បញ្ជូនជនរងគ្រោះទៅសង្គ្រោះ ។ ហើយអ្វីដែលរូបគាត់ជាសាក្សីហួសចិត្តនោះគឺនគរបាលក្រោយពេលវាស់វែងរូចក៍បានរឹបអូសវត្ថុតាងទាំងម៉ូតូទាំងរថយន្ត យកទៅអធិការស្រុកទាំង រថយន្តនោះមិនមែនជាអ្នកបង្ករ ហើយខូចរថយន្តទៀត។
កម្ពុជាថ្មីបានចុចទូរស័ព្ទទៅនគរបាលចរាចរណ៍សណ្ដាប់ធ្នាប់នៅស្រុក្រគរសួរនាំពីករណីនេះដែរ ទំនងជាជាប់រវល់អត់មានអ្នកលើ តែមន្ត្រីនគរបាលចរាចរណ៍ថ្នាក់ទាប់ម្នាក់បាននិយាយថា នគរបាលត្រូវតែយកវត្ថុតាងកន្លែងកើតហេតុនោះមករក្សាទុកបណ្ណោះអាសន្នទាំងអស់សិនហើយ ព្រោះវាជាករណីពាក់ព័ន្ធនិងកន្លែងហេតុ ហើយនិងបន្ដរកហេតុផលច្បាស់លាស់ដើម្បីដោះស្រាយតាមផ្លូវច្បាប់៕
