កំពង់ធំៈ ក្រុមគ្រួសារអតីតយុទ្ធជនចំនួន ៥គ្រួសារ បានទទួលការយកចិត្តទុកដាក់ ពីឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងជាប្រធានសមាគមអតីតយុទ្ធជនកម្ពុជាខេត្តកំពង់ធំ បាននាំយកអំណោយចែកជូន គ្រួសារអតីតយុទ្ធជន ដែកកំពុងតែជួបនូវការខ្វះខាត កាលពីព្រឹកថ្ងៃ ទី ៩ ខែ កុម្ភះ ឆ្នាំ ២០១៦ ស្ថិតនៅភូមិ ពោធិតាអ៊ុន សង្កាត់ ស្រយ៉ូវ ក្រុងស្ទឹងសែន ខេត្តកំពង់ធំ។
ក្រុមគ្រួសារអតីតយុទ្ឋជនគ្រប់រូប ពិសេសជនពិការដោយសារភ្លើងសង្គ្រាមស៊ីវិល ក្នុងទសវត្សរ៏1970-1990 ត្រូវបានការយកចិត្តដាក់ខ្ពស់ពីសំណាក់សម្តេចអគ្គមហាសេនាបតីតេជោ ហ៊ុន សែន ដែលជាប្រធានសមាគមអតីតយុទ្ឋជនកម្ពុជា សម្តេចតែងតែដាស់តឿនថ្នាក់ដឹកនាំគ្រប់លំដាប់ថ្នាក់ត្រូវតែយកអស់លទ្ឋភាពក្នុងការជួយដោះស្រាយរាល់ការលំបាកដល់អតីតយុទ្ឋជនយើង ដែលបានលះបង់សាច់ស្រស់ ឈាមស្រស់ ចូលរួមចំណែកធ្វើឲ្យប្រទេសជាតិមានសុខសន្តិភាពដូចសព្វថ្ងៃនេះ។
ជាក់ស្តែងឧត្តមសេនិយត្រីសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងជាប្រធានសមាគមអតីតយុទ្ឋជនកម្ពុជាខេត្តកំពង់ធំ បានបន្តចុះសួរសុខទុក្ខអតីតយុទ្ឋជនដែលជាជនពិការចំនួន5នាក់នៅភូមិ ពោធិតាអ៊ុន សង្កាត់ ស្រយ៉ូវ ក្រុងស្ទឹងសែន ខេត្តកំពង់ធំ និងបានចែកអំណោយដល់ គ្រួសាតយោធិនពិការចំនួន០៥នាក់ ក្នុងនោះមាន ទី១ ជនពិការ ឈ្មោះ តឹប គី អតីតវរសេនាតូចលេខ៣ យោធាខេត្តកំពង់ធំទី២ ជនពិការ ឈ្មោះ ហួន សារ៉ន អតីតវរសេនាតូចលេខ២ យោធាខេត្តកំពង់ធំ ទី៣ ជនពិការ ឈ្មោះ លី ញូត អតីតកងពលធំលេខ២ វរសេនធំលេខ៥ ទី ៤ ជនពិការ ឈ្មោះ ហឿន ហេន អតីតវរសេនាតូចលេខ២ យោធាខេត្តកំពង់ធំ ទី៥ ជនពិការ ឈ្មោះ ពឹម រឿន អតីតស្រុកប្រាសាទសំបូរយោធាខេត្គកំពង់ធំ អ្នកទាំង៥នាក់នៅក្នុងសង្កាត់ស្រយូវ ក្រុងស្ទឹងសែន អំណោយផ្តល់ជូននៅពេលនេះ រួមមានក្នុងម្នាក់ៗទទួលបាន អង្ករ 22គីឡូ មី1កេស ទឹកត្រី1យួរ ទឹកស៊ីអ៊ីវ 1យួរ ប៊ីចេងកន្លះគីឡូ និង ថវិកា ចំនួន៥០០០០ រៀល។
ឯកឧត្តម សោម ស៊ុន បានឲ្យដឹងថា ក្នុងនាមឯកឧត្តម មានតួនាទី និងភារៈកិច្ច ជាប្រធានសហគមន៍ អតីត យុទ្ធជនកម្ពុជា ខេត្តកំពង់ធំ និងបន្តប៉េសកម្មក្នុងការចុះ សួរសុខទុក្ខដល់ក្រុមគ្រួសារ អតីតយុទ្ធជន ដែលកំពុងតែជួបប្រទះនូវភាពខ្វះខាត និងមើលថែរមិនបណ្តោយឲ្យរស់នៅឯកកោម្នាក់ឯង ដោយគ្មានការយកចិត្តទុកដាក់នោះទេ ទោះជាអតីតយុទ្ធជន អស់តួនាទី ក្នុងការបំរើជាតិមាតុភូមិក្តី តែពួកគាត់គឺជាគ្រូនិងពោពេញទៅដោយបទពិសោអន៍ ដែលជាងជួយការងារផ្តល់យោបល់ ផ្នែកយុទ្ធសាស្ត្រ និងចេត្តសាស្ត្រ ក្នុងវិស័យការពារជាតិយ៉ាងល្អទៀតផង។
