កំពង់ធំៈ ឯកឧត្តមស៊ុនចាន់ថុលទេសរដ្ឋមន្ត្រីក្រសួងពាណិជ្ជកម្ម បានបញ្ជាក់ពីតួនាទី របស់ប្រធាន អនុប្រធាន និងថ្នាក់ដឹកនាំ ឲ្យយកចិត្តទុកដាក់លើ ចំពោះប្រជាពលរដ្ឋ ពីព្រោះក្នុងតួនាទី ក្នុងការបំរើប្រជាពលរដ្ឋ ត្រូវតាំងខ្លួនជាអ្នក បំរើ មិនមែនជានាយរបស់ប្រជាពលរដ្ឋនោះទេ ដោយសារការជាប់ជារដ្ឋមន្ត្រី ជាប្រធាន ឬអនុប្រធាននិងមន្ត្រី គឺបានមកពីប្រជាពលរដ្ឋជាអ្នកបោះឆ្នោតអោយ ដូច្នេះត្រូវតែបំរើប្រជាពលរដ្ឋវិញ ប្រសាសន៍ នេះត្រូវបានលើកឡើង ក្នុងពិធី សំណេះសំណាលជាមួយមន្ត្រីរាជការសភាពិណិជ្ជកម្មក្នុងខេត្តកំពង់ធំ នៅព្រឹកថ្ងៃទី ១០ ខែ កុម្ភះ ឆ្នាំ ២០១៦ ។
ឯកឧត្តម គង់ វិមាន អភិបាលរងខេត្តកំពង់ធំ បានឲ្យដឹងដែរថា ខេត្តកំពង់ធំ មានសក្តានុពលក្នុងការវិនិយោគក្នុងវិស័យ កសិកម្ម ឧស្សាហកម្ម ដ៏ធំទូលាយ និងជាខេត្តមួយស្ថិតនៅចំកណ្តាលនៃព្រះរាជាណាចក្រកម្ពុជា មានផ្ទៃដីសរុប ១៥,០៦១គ.ម ក្រឡា ស្មើនឹង១,៥០៦,១៩៧ហិចតា ក្នុងនោះមានផ្ទៃដីបង្ករបង្កើនផល ៣៤៣,៥៤៧ ហ.តផ្ទៃដីចំការ ៣៩០.៧៤៣ហ.ត ស្ថានភាពដីក្នុងខេត្តកំពង់ធំ មាន២តំបន់ គឺតំបន់ខ្ពង់រាប ជាតំបន់ព្រៃអាចដាំដុះដំណាំកសិកម្ម កសិឧស្សាហកម្ម ដំណាំកៅស៊ូ ស្វាយចន្ទី ដំឡូងមី ពោត សណ្តែក ចំណែកប៉ែកខាងវាលទំនាប មានបឹងបួរ ត្រពាំង ជាតំបន់សម្រាប់ដាំដុះស្រូវ ប្រាំង ស្រូវវស្សា និងស្រូវប្រដេញទឹក សក្តានុពលសេដ្ឋកិច្ចសំខាន់ៗរបស់ខេត្តកំពង់ធំ មានវិស័យទេសចរណ៍ កសិកម្ម ឧស្សាហកម្ម នេសាទ វប្បធម៌ និងធនធានធម្មជាតិ រីឯផ្ទៃដីស្រូវវស្សា២២០.៧៣០ ហ.ត ស្រូវប្រាំង៤៦.១៨៩ហ.ត ស សរុបផលស្រូវទាំងប្រាំងនិងស្រូវវស្សា ៦៩០.៤៨១ តោន ក្នុងនោះនាំចេញ ២៩៨.៤១៩តោន ក្នុងនោះឯកឧត្តម គង់ វិមាន បានសំណូមពរ ឲ្យឯកឧត្តម ទេសរដ្ឋមន្ត្រីជួយរកដៃគូរអភិវឌ្ឍន៍ ក្រុមហ៊ុនវិនិយោគ ដូចជាស្រូវ អង្ករ ដំឡូងមី ស្វាយចន្ទី កៅស៊ូ និងសំណាំកសិឧស្សហកម្មដ៍ទៃទៀត ខណៈបច្ចុប្បន្នប្រជាពលរដ្ឋកំពុងជួប នូវបញ្ហាកង្វះទីផ្សារលក់កសិផល។
ឯកឧត្តម ស៊ុន ចាន់ថុល ទេសរដ្ឋមន្ត្រីរដ្ឋមន្ត្រី ក្រសួងពាណិជ្ជកម្ម បានសង្កត់ធ្ងន់ទៅលើការ ក្រុមអជីវករ បើកហាងលក់វត្ថុអនុស្សាវរីយ៍ មួយចំនួនបានធ្វើឲ្យខូចកេរិ៍ឈ្មោះរបស់ប្រទេសខ្មែរ ដោយការលក់របស់កាឡៃឲ្យទៅភ្ញៀវ ដោយការភូតកុហកនោពេលដែលភ្ញៀវយកទៅដល់ស្រុកគេរបស់ហ្នឹងគឹសុទ្ធតែក្លែងក្លាយ សំណូមពរឲ្យអ្នកទាំងអស់គ្នាថែរក្សាកេរិ៍ឈ្មោះ ផ្លាកយីហោ របស់ខ្មែរ គោរពច្បាប់ទាំងអស់គ្នា ក្រសួងបានខិតខំរកម៉ាកយីហោអង្ករខ្មែរ ពោតខ្មែរ ដំឡូងខ្មែរ ឲ្យមានភាពច្បាស់លាស់ មិនមែនខ្មែរអ្នកលក់ តែផលិតផលចារបស់ថៃ របស់វៀតណាម ដូច្នេះត្រូវស្វាស់ស្វែងរកផលិតផលខ្មែរពិតៗ ដើម្បីងាយស្រួលក្នុងការនាំចេញទៅទីផ្សារងន្តរជាតិ ចំពោះទំនិញរបស់ប្រជាពលរដ្ឋដែលជយបនិងផលពិបាកនេះ រដ្ឋាភិបាលបានដឹង. ទាំងអស់ហើយកំពុងតែយកចិត្តទុកដាក់ ក្នុងជួយដល់ប្រជាកសិករ ដូចជាដំឡុងមី ស្រូវអង្ករពោត និងផលិតផលជាច្រើនទៀត ឆ្នាំនេះគឺជាឆ្នាំដែលជម្រុញឲ្យខ្មែរប្រើផលិតផលខ្មែរ ផលិតផលក្នុងស្រុក កាត់បន្ថយការប្រើប្រាស់ផលិតផល ទំនិញមកពីបរទេស ដើម្បីជួយខ្មែរ គាំទ្រផលិតផលខ្មែរ ទាំងឧបករណ៍ប្រើប្រាស់ និងគ្រឿងឧបភោគបរិភោគខ្មែរ ដែលនិងត្រូវបានអនុវត្នក្នុងឆ្នាំ២០១៦ និងសូមឲ្យប្រពន្ឋផ្សព្វផ្សាយលើការប្រើប្រាស់ផលិតផលរបស់ខ្មែរ។
ក្នុងនោះឯកឧត្តម. បានសំណូមពរឲ្យកាំកុងត្រូល តាំច្រកអន្តរជាតិ ព្រំដែន ពង្រឹងការពិនិត្យផលិតផលដែលនាំចូលពីបរទេស ចៀសវាងការនាំផលិតផលខូចគុណភាពចូលមកប្រើប្រាស់ ក្នុងប្រទេសដែលនាំអោយខាត់បង់ប្រាក់ និងខូចសុខភាពដល់ប្រជាពលរដ្ឋ ។
ដោយ ប៊ុន រដ្ឋា
