ខេត្តស្វាយរៀង៖ក្នុងឱកាសបុណ្យចូលឆ្នាំចិន វៀតណាមភ្ញៀវទេសចរណ៍ដែលចេញចូលតាមច្រកទ្វារអន្តរជាតិបាវិតជាធម្មតាពុំមានកើនទ្បើងច្រើនទេបើប្រៀបធៀបទៅនិងឆ្នាំកន្លងទៅនេះបើយោងតាមការអោយដឹងពីសមត្ថកិច្ចនៅច្រកព្រំដែនអន្តរជាតិនេះ៕សមត្ថកិច្ចនៅច្រកទ្វារអន្តរជាតិបាវិតបានអោយដឹងទៀតថាភ្ញៀវដែលចូលមកក្នុងឱកាសចូលឆ្នាំចិន វៀតណាមតាមច្រកទ្វារនេះភាគច្រើនជាជនជាតិវៀតណាមមកទស្សនាកំសាន្តក្នុងប្រទេសយើងហើយក៍វិលត្រលប់ទៅវិញជាបន្តបន្ទាប់ដែរ។បើតាមមន្ត្រីច្រកទ្វារនេះក៍បានអោយដឹងដែរថាភ្ញៀវចេញចូលនៅដើមឆ្នាំ២០១៦នេះគឺមានជាធម្មតាប្រៀបនិងឆ្នាំ២០១៥ពុំកើនទ្បើងច្រើនទេ។សូមបញ្ជាក់ថាភ្ញៀវដែលចូលនិងចេញតាមច្រកទ្វារអន្តរជាតិបាវិតនេះមាន ចិន វៀតណាម អាមេរិច អូស្រាលី កូរ៉េ បារាំង។ល។ចំណែកឯមន្ត្រីដែលបំរើការនៅទ្វារនេះក៍មានការសំរួលបែបបទឯកសារផ្សេងៗជូនភ្ញៀវបានល្អប្រសើរផងដែរ។
