សៀមរាប៖ ពិធីសម្ពោធទីស្នាក់ការ អនុសាខា កាកបាទក្រហមកម្ពុជា បានធ្វើឡើងនៅព្រឹកថ្ងៃទី១១ ខែកុម្ភៈឆ្នាំ២០១៦ ក្នុងពិធីនេះដែរដោយមានការចូលរួមពីសំណាក់ ឯកឧត្តម ឃឹម ប៊ុនសុង អភិបាល នៃគណៈអភិបាលខេត្តសៀមរាបនិងជាប្រធានគណៈកម្មាធិការសាខាកាកបាទ
ក្រហមកម្ពុជា ខេត្តសៀមរាបនិងមានវត្តមាន ឯកឧត្តមអ្នកឧកញ៉ា សៀង ណាំ ប្រធានកិត្តិយសសាខាកាកបាទក្រហមកម្ពុជា ខេត្តសៀមរាម និងលោកជំទាវ ព្រមទាំងមន្ត្រីរាជការផងដែរ ។
ពិធីសម្ពោធអគារទីស្នាក់ការអនុសាខាកាកបាទក្រហមកម្ពុជា ស្រុកក្រឡាញ់ ស្ថិតនៅភូមិត្រពាំងច្រាំង ឃុំក្រឡាញ់ ស្រុកក្រឡាញ់ ខេត្តសៀមរាប និងមាន តាជី យាយជី អ្នកស្ម័គ្រចិត្ត យុវជនកាកបាទក្រហមកម្ពុជា យុវកាយរិទ្ធិជាតិកម្ពុជា និងបងប្អូនប្រជាពលរដ្ឋ សរុបប្រមាណ ៦៥៧នាក់។
លោកជឿង ជាង ប្រធានគណៈកម្មាការធិការអនុសាខាកាកបាទក្រហមកម្ពុជា ស្រុកក្រឡាញ់ ខេត្តសៀមរាប បានអានរបាយការណ៍សាងសង់អគារ ទីស្នាក់ការអនុសាខាកាកបាទក្រហមកម្ពុជា ស្រុកក្រឡាញ់ ចាប់ផ្តើមសាងសង់នៅថ្ងៃទី១២ ខែមករា ឆ្នាំ២០១៥ និងបញ្ចប់ការសាងសង់នៅថ្ងៃទី២១ ខែសីហា ឆ្នាំ២០១៥ អាគារនេះសង់ពីឥដ្ឋ ដំបូលប្រក់ក្បឿង មានបណ្តោយ១៦ម៉ែត្រ ទទឹង៧ម៉េត្រ ភ្ជាប់នឹងយ៉ខាងមុខបណ្តោយ ៦ម៉ែត្រ ទទឹង៤ម៉ែត្រ សរុបផ្ទៃអគារមាន១៣៦ម៉ែត្រក្រឡា។
ឯកឧត្តម ឃឹម ប៊ុនសុង ថ្លែងក្នុងពិធីសម្ពោធទីស្នាក់ការអនុសាខា កាកបាទក្រហមកម្ពុជា បានលើកឡើង បច្ចុប្បន្នកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយសកាកបាទក្រហមកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា គឺជាស្ថាប័នមនុស្សធម៏ធំជាងគេក្នុងប្រទេសកម្ពុជា ដែលធ្វើប្រតិបត្តិការមនុស្សធម៏ជួយសង្គ្រោះ និងសម្រាលទុក្ខលំបាក់របស់ប្រជាពលរដ្ឋរងគ្រោះ និងងាយរងគ្រោះស្របតាមប្រធានបទជាសកលរបស់ ចលនាអន្តរជាតិកាកបាទក្រហម អឌ្ឈចន្ចក្រហម គឺ សង្ក្រោះជីវិត ផ្លាស់ប្តូរផ្នត់គំនិត។ដើម្បីចូលរួមអនុវត្តយុទ្ធសាស្ត្រឆ្នាំ ២០១១-២០២០ របស់កាកបាទក្រហមកម្ពុជាដែលក្នុងនោះបានកំណត់នូវ ទស្សនវិស័យ គឺ រួមចំណែកពន្លឿនការកាត់បន្ថយភាពក្រីក្រ ការពារសេចក្តីថ្លៃថ្នូររបស់មនុស្សជាតិ និងការពារតម្លៃមនុស្សធម៏របស់ជនរងគ្រោះស្របតាមវិស័យស្នូល៤រួមមាន ការគ្រប់គ្រងគ្រោះមហន្តរាយ សុខភាពនិងការថែទាំសុខភាពក្នុងសហគម៏ លើកកម្ពសគោលការណ៍គ្រឹះ និងតម្លៃមនុស្សធម៏របស់ចលនា ការអភិវឌ្ឈស្ថាប័ននិងអភិវឌ្ឈធនធាន។
នៅក្នុងពិធីនេះដែរ ឯកឧត្តមអ្នកឧកញ៉ា សៀង ណាំ ប្រធានកិត្តិយសសាខាកាកបាទក្រហមកម្ពុជា ខេត្តសៀមរាម និងលោកជំទាវ បានឧបត្ថម្ភទឹកប្រាក់ចំនួន(១ពាន់ដុល្លា)និងសប្បុរសជនសាខាកាកបាទក្រហមកម្ពុជា សរុបទឹកប្រាក់ដុល្លា(៣៧៤៥ដុល្លា)និងប្រាក់រៀលចំនួន(៣លាន៨សែនរៀល) សំរាប់ទីស្នាក់ការអនុសាខា កាកបាទក្រហមកម្ពុជាស្រុកក្រឡាញ់៕
វេហាស៍
