បន្ទាយមានជ័យ ៖ លើកឡើងក្នុងពិធីជួបសំណះសំណាលជាមួយមន្ត្រីនៃមន្ទីរពាណិជ្ជកម្ម និងកាំកុងត្រូលខេត្តបន្ទាយាមានជ័យ កាលថ្ងៃទី១១ កុម្ភះ ២០១៦ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម ដោយមានការចូលរួមពីលោក លី សារី អភិបាលរងខេត្តផងនោះ សូម
អោយមន្ត្រីពាណិជ្ជកម្ម ទាំងអស់ត្រូវធ្វើជាអ្នកបម្រើប្រជាពលរដ្ឋ មិនមែនធ្វើជាចៅហ្វាយប្រជាពលរដ្ឋឡើយ ។ការលើកឡើងដូច្នេះបន្ទាប់ពីការឆ្លើយតបទៅនឹងការលើកឡើងរបស់លោក លី សារី អភិបាលរងខេត្តបន្ទាយមានជ័យ តំណាងអោយលោក គោស៊ុំ សារឿង អភិបាលខេត្ត បានសំណូមពរអោយមន្ត្រីជំនាញនៃមន្ទីរពាណិជកម្មខេត្តបន្ទាយមានជ័យ ក៏ដូចជាសភាពាណិជ្ជកម្ម ធ្វើយ៉ាងណាសាមគ្គីភាពផ្ទៃក្នុង កុំបង្កើតបក្ខពួកក្នុងមន្ទីរ ហើយត្រូវជំរុញរកទីផ្សារកសិផលក្នុងស្រុកអោយបានផុសផុល និងផ្តល់សេវាសាធារណៈពាក់ព័ន្ធនឹងជំនាញអោយបានទាន់ពេល ព្រមទាំងធ្វើអំពើរល្អជាមួយពលរដ្ឋដោយគិតថា ខ្លួនជាអ្នកបម្រើពលរដ្ឋ ។
ក្រៅពីការលើកឡើងទាំងនេះឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងពាណិជ្ជកម្ម ក៏បានសំណូមពរដល់មន្ទីរពាណិជ្ជកម្ម និងសភាពាណិកម្មខេត្តធ្វើយ៉ាងណាជំរុញអោយអាជីវករដែលធ្វើពាណិជ្ជកម្មកម្ម ត្រូវចុះបញ្ជីរពាណិជ្ជកម្ម ដើម្បីដឹងថា អាជីវករទាំងនោះមានក្រុមហ៊ុនពិតប្រាកដ ។ យ៉ាងទៀតត្រូវជំរុញពរដ្ឋខ្មែរអោយចេះប្រើប្រាស់ និងទិញផលទ្ធផលខ្មែរ ក្នុងគោលបំណងទប់ស្កាត់ការនាំចូលផលទ្ធផលក្រៅប្រទេស ។ ហើយបន្ថែមពីលើនឹងទៅទៀតលោកក៏សមណូមពរដល់មន្ត្រីកាំកុងត្រូលពង្រឹងលើការត្រួតពិនិត្យទំនិញនាំចូលពីក្រៅប្រទេស ដូចជាទំនិញខូចគុណភាព ទំនិញហួសកាលបរិច្ឆេទ ទំនិញដែលច្បាប់ហាមឃាត់ទៅតាមស្តង់ដាបច្ចេកទេសដែលច្បាប់កំណត់ ។
ឆ្លើយតបនឹងសំណូមពររបស់ឯកឧត្តមទេសរដ្ឋមន្ត្រី លោក ថោង ធីណា ប្រធានមន្ទីរពាណិជ្ជកម្មខេត្តបន្ទាយមានជ័យ បានសន្យាថា នឹងអនុវត្តន៍អោយបានទៅតាមការណែនាំ ជាពិសេសធ្វើអោយបាននូវសាមគ្គីភាពផ្ទៃក្នុងដើម្បីឈានទៅសម្រេចអោយបាននូវផែនការនានា ដែលរដ្ឋាភិបាលក៏ដូចជាក្រសួងបានដាក់ចុះ ៕
