កំពង់ធំៈ មហាជនទូទៅ ក៏ដូចជាថ្នាក់ដឹកនាំនៅក្នុងខេត្តកំពង់ធំ ព្រមទាំងមន្ត្រីក្រោមឳវាទ បានចាត់ទុកមេបញ្ជាការ តំបន់ប្រតិបត្តិការសឹករងកំពង់ធំ គឺជាថ្នាក់ដឹកនាំដ៏ឆ្នើម និងជាគំរូល្អ សម្រាប់យុវជន យុវនារី រួមទាំងពលទាហាន ជំនាន់ក្រោយយកគំរូតាម ដោយសារការលះបង់ ទាំងកំលាំងចិត្ត និងកំលាំងកាយ ដោយមិនខ្លាចនឿយហត់ សម្រាប់ ការរួមរស់ជាមួយ ថ្នាក់ដឹកនាំ និងមន្ត្រីក្រោមឳវាទ ក្នុងនាមជាបេះដូងខេមរៈភូមិន្ទ នៃវិស័យការពារជាតិ។
សន្ទុះនៃការរីកចម្រើនរបស់អង្គភាពតំបន់ប្រតិបត្តិការសឹករងកំពង់ធំ បានបង្ហាញពីស្នាដៃនៃការខិតខំប្រឹងប្រែងរបស់ឯកឧត្តម ប្រៀបបាននិងមេមាន់គ្រប់ដណ្តប់កូនមាន់ សុខចិត្តឲ្យតែកូនចៅបានសុខ មេមាន់សុខចិត្តហាលភ្លៀង ត្រូវខ្យល់ក៏សុខចិត្ត ជាក់ស្តែងនៅវរៈសេនាតូចលេខ១ ត្រូវបានសាងសង់អាគារថ្មីជាច្រើន សម្រាប់តម្រូវការរបស់កងទ័ព និងជាកន្លែងសម្រាប់បណ្តុះបណ្តាលយុទ្ធសាស្ត្រ ចេតសាស្ត្រដល់កងកម្លាំង ក្រៅពីការងារសាងសង់បន្ទាយ ឯកឧត្តម សោម ស៊ុន តែងតែប្រជុំសំណេះសំណាល ផ្តល់ឳវាទល្អ និងពង្រឹងគុណភាពដល់កងកម្លាំងដល់ផ្នែកសឹករងគ្រប់ស្រុកក្រុង នូវវិន័យនិងសេចក្តីថ្លៃថ្នូររបស់អង្គភាព ដើម្បីឲ្យវិស័យកងទ័ពក្លាយជាមិត្តភាពជិតស្និទ្ធជាមួយប្រជាពលរដ្ឋ ដោយមានការគាំទ្រយ៉ាងពេញទំហឹងរបស់ ឯកឧត្តម អ៊ុត សំអន អភិបាលខេត្តកំពង់ធំ ។
ក្នុងនោះដែរឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ត្រូវបាន រាជរដ្ឋាភិបាល ផ្តល់នូវទំនុកចិត្ត តែងតាំងជា ប្រធានសមាគមន៍អតីតយុទ្ធជនកម្ពុជា ខេត្តកំពង់ធំ ឯកឧត្តម បានជម្រុញអោយមន្ត្រីក្រោមឳវាទ គ្រប់ផ្នែកសឹករងស្រុកក្រុង ចុះជួយច្រូតកាត់ ដកស្ទូងជូនប្រជាពលរដ្ឋ ដែលមានការខ្វះខាត រួមទាំងការងារមនុស្សធម៌ ដោយមិនប្រកាន់និតិការនយោបាយ ចំពោះក្រុមគ្រួសារទី ទាល់ក្រ ជាពិសេសក្រុមគ្រួសារអតីតយុទ្ធជន ក្រៅពីការងារសាងសង់បន្ទាយ និងការងារមនុស្សធម៌ ឯកឧត្តម បានចាត់តាំងបើកវគ្គហ្វឹកហ្វឺន ហ្វឹកហាត់ យុទ្ធដំណើរ នូវក្បួនយុទ្ធសាស្ត្រក្នុងវិស័យការពារជាតិ មាតុភូមិ ដើម្បីពង្រឹងគុណភាពទាំងចិត្ត និងកាយ ឲ្យមានភាពរ៉ឹងមាំ ស័ក្កសមជាកងកម្លាំង ដែលពោរពេញទៅដោយ ចំណេះដឹងនិង ភាពក្លាហាន ត្រៀមគ្រប់នាទី សម្រាប់ការបញ្ជាពីថ្នាក់លើ ដើម្បីការពារជាតិមាតុភូមិ ក្នុងការបោះជំហ៊ានទៅ សមរភូមិមុខ នៃប្រាសាទព្រះវិហារ និងមិនបណ្តែតបណ្តោយឲ្យពលទាហានណាម្នាក់ មានភាពទន់ខ្សោយនោះទេ ។
ជាក់ស្តែងក្នុងរសៀលថ្ងៃទី ១១ ខែកុម្ភះ ឆ្នាំ ២០១៦នេះ ផងដែរ ឯកឧត្តម ឧត្តមសេនីយ៍ត្រី សោម ស៊ុន បាន ប្រគល់ការូចំនួន ៤០កេស ជូនដល់លោកវរៈសេនីយ៍ ថត ស៊ីសក្តា មេបញ្ជាការវរៈសេនាតូចរៀបរយលេខ ១ សម្រាប់ការរៀបចំសាងសង់ អាគាកងការពារ ដែលកំពុងតែសាងសង់បាន៨០ភាគរយ ក្រោមការជំនួយឧបត្ថម្ភរបស់សម្បុរជន ។
ដោយ ប៊ុន រដ្ឋា
