(កណ្តាល): ស្ថិតនៅបរិវេណតុលាការខេត្តកណ្តាល រសៀលថ្ងៃទី១២កុម្ភះ ២០១៦នេះ អ្នកសារព័ត៏មានជាច្រើននាក់ បាននិងកំពុងរងចាំប្រមា៉ញ់រូបភាពលោកអាំង មាលតី អតីតប្រធានតុលាការក្រុងភ្នំពេញ ជាលើកទី៣ ខណ:ជនជាប់ចោទរូបនេះត្រូវបានចាប់ក្រៀករត់យា៉ងប្រញាប់ប្រញាលចេញពីរថយន្តឆ្ពោះមកកាន់បន្ទប់សាវនការ ដើម្បីសួរជាថ្មីម្តងទៀត ។
ក្រោយបញ្ចប់សវនាការ ប្រមាណជា២០នាទី លោកអាំង មាលតី ត្រូវបានមន្ត្រីយុត្តិធម៏ចាប់ក្រៀកនិងបញ្ជូនឡើងរថយន្តអ្នកទោសយកទៅឃុំខ្លួននៅពន្ធនាគារខេត្តកណ្តាល នៅក្នុងសវនាការរយះពេល២០នាទីនោះ ប្រធានអង្គជំនុំជម្រះ លោក ងួន វុទ្ធី បានប្រកាសថា ជនជាប់ចោទអាំងមាលតី ត្រូវបានចោទពីបទ” កេងយកប្រយោជន៍ដោយខុសច្បាប់ “តាមមាត្រា
៥៩៧-៥៩៨នៃក្រមព្រហ្មទណ្ឌ ដោយសម្រេចផ្តន្ទាទោស៣ឆ្នាំ ប៉ុន្តែអនុវត្តន៍ទោស ២ឆ្នាំ ដោយព្យួរទោស១ឆ្នាំ និងពិន័យប្រាក់៥លានរៀល ចូលរដ្ឋ។
លោកទេព បញ្ញា មេធាវី ជនជាប់ចោទ អាំង មាលតីបានឆ្លើយបំភ្លឺប្រាប់អ្នកសារព័ត៏មានថា លោកនិងពិចារណា ជុំវិញការបណ្តឹងជំទាស់ទៅឧទ្ធរណ៍។សូមបញ្ជាក់ថា កាលពីពេលកន្លងទៅ លោក អាំង មាលតី បាននិយាយក្នុងពេលសវនាការ កាលពីព្រឹកថ្ងៃទី២៨ ខែមករា ឆ្នាំ២០១៦ ថា លោកពិតជាបានប្រព្រឹត្តដូចការចោទប្រកាន់មែន ដែលកំហុសទាំងនេះកើតចេញពីការធ្វេសប្រហែសរបស់លោក ។ លោក អាំង មាលតី ក៏បានស្នើឲ្យតុលាការប្តូរបទចោទប្រកាន់ និងបន្ធូរបន្ថយទោសដល់លោកផងដែរ ។
លោក អាំង មាលតី ជំហា៊នដំបូងជាប់ចោទពីបទបទបំផ្លាញដោយចេតនា និង គៃបំបាត់ដោយទុច្ចរិត ពាក់ព័ន្ធការដោះលែងមេខ្លោងជួញដូរគ្រឿងញៀនឈ្មោះ ថាវ ថាវី ជាថ្នូរនឹងរថយន្តម៉ាកអូឌីមួយគ្រឿងតម្លៃជិត១០ម៉ឺនដុល្លារ ។ បទល្មើសនេះកំណត់ការផ្ដន្ទាទោសពី៥ឆ្នាំទៅ១០ឆ្នាំ តាមមាត្រា៦០១នៃក្រមព្រហ្មទណ្ឌ ។ខាត់ សុឃឿន
