ខេត្តសៀមរាប ពិធីប្រកាសតែងតាំងមុខតំណែងថ្មីប្រធាននិងអនុប្រធានព្រមទាំងសមាជិកក្រុមការងារថ្នាក់ជាតិចុះមូលដ្ឋានស្រុកប្រាសាទបាគង ដើម្បីត្រូតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលកម្ពុជានៅខេត្តសៀមរាបយោងតាមសេចក្តីប្រកាសព្រះរាជក្រមលេខ នស/រកម/០៣០១/០៥ ចុះថ្ងៃទី១៩ ខែមីនា ឆ្នាំ២០០១ ដែលប្រកាសឲ្យប្រើច្បាប់ស្តីពីការគ្រប់គ្រងរដ្ឋបាល ឃុំ សង្កាត់ កាលពីព្រឹកថ្ងៃទី១២ ខែកុម្ភ ឆ្នាំ២០១៦ស្ថិតនៅក្នុងរដ្ឋបាលស្រុកប្រាសាទបាគង ខេត្តសៀមរាប ការប្រកាសតែងតាំងមុខតំណែងថ្មី ប្រធាននិងអនុប្រធានព្រមទាំងសមាជិកក្រុមការងារថ្នាក់ជាតិចុះមូលដ្ឋានស្រុកប្រាសាទបាគងដែលមានសមាសភាពចំនួន៦០រូប។ 
ពិធីប្រកាសនេះបានប្រព្រឹត្តទៅ ក្រោមអធិបតីភាពឯកឧត្តម បណ្ឌិត ឃឹម ប៊ុន សុង អភិបាលនៃ គណៈអភិបាលខេត្ត និងឯកឧត្តម ស៊ុំ សំណាង អគ្គនាយក អគ្គនាយកដ្ឋានភស្តុភារ ហិរញ្ញវត្ថុក្រសួងការពារជាតិ និងឯកឧត្តម នូ ផល្លា ប្រធានក្រុមប្រឹក្សាខេត្ត ព្រមទាំង អស់លោក លោកស្រីជានាយកដ្ឋាន ថ្នាក់ដឹកនាំមន្ទីរ ក្រុង ស្រុក នៅរដ្ឋបាលសាលាខេត្តសៀមរាបបានអញ្ជើញចូលរួមផងដែរ។លោក បណ្ឌិត ឃឹម ប៊ុនសុង អភិបាលខេត្តក៏បានលើកឡើងអំពីបញ្ហានានាជុំវិញខេត្តដែលបានកើតឡើងកន្លង ក៏ដោយកត្តាសំខាន់ៗ៤យ៉ាង រួមមានៈកត្តាសន្តិសុខ , ច្បាប់ និង ក្របខ័ណ្ឌគោលនយោបាយ , កត្តាសម្បត្តិវប្បធម៌ និង កត្តាអភិវឌ្ឍន៍ខេត្ត ។
កត្តាទាំងនេះខេត្តបានធ្វើ ការសម្របសម្រួល កិច្ចសហការ និង ជម្រុញការអនុវត្តពីផ្នែកពាក់ព័ន្ធទាំងអស់ ដើម្បីភាពរីកចម្រើនលើគ្រប់វិស័យ ប្រកបដោយនិរន្តរភាព។ក្នុងនោះដែរដើម្បីអនុវត្តនូវតួនាទីភារកិច្ចរបស់ខ្លួនក្នុងការដឹកនាំមន្ត្រីក្រោមឱវាទរបស់ខ្លួនឲ្យទទួលបានលទ្ធផលល្អ ។ លោកស៊ុំ សំណាងអគ្គនាយក អគ្គនាយកដ្ឋានភស្តុភារ ហិរញ្ញវត្ថុក្រសួងការពារជាតិបានមានប្រសាសន៏ថា ដើម្បីឲ្យមានការរីកចំរើនប្រកបដោយចិរភាពនិងមានប្រសិទ្ធិភាពខ្ពស់នោះ លុះត្រាតែយើងមានការទំនាក់ទំនងល្អជាមួយគ្នា ហើយអាចផ្តល់ពត៏មាននិងបញ្ហាផ្សេងៗដែលបានកើតឡើងដាក់ជូនទៅថ្នាក់ដឹកនាំភូមិ ឃុំសង្កាត់ ក្រុងខេត្ត ដើម្បីរកដំណោះស្រាយរួមជូនពួកគាត់ ដូចជាបញ្ហា ទនាស់ដីធ្លី និងការសាងសង់ឬបញ្ហាទាក់ទងទៅនិងសង្គមនៃការរស់នៅជាដើមហើយរាល់បញ្ហាសំណូមពររបស់ប្រជាពលរដ្ឋដែលយើងមិនអាចដោះស្រាយបាន ត្រូវស្នើរទៅក្រសួង ស្ថាប័នពាក់ព័ន្ធ ឬដាក់ជូនប្រមុខរាជរដ្ឋាភិបាល ដើម្បីធ្វើការដោះស្រាយជូនម្ចាស់សំណូមពរឲ្យទាន់ពេលវេលា៕
