ភ្នំពេញ ៖ ជនរងគ្រោះ០២នាក់កំពុងជិះម៉ូតូតាមផ្លូវត្រូវជនសង្ស័យជិះម៉ូតូមកពីក្រោយឆក់យកទូរសព្ទ័ដៃមួយគ្រឿងម៉ាកសាំសុងកាឡាក់ស៊ីណូតធូ ជិះគេចខ្លួនចូលក្នុងផ្ទះមួយកន្លែងហើយជនរងគ្រោះប្តឹងសមត្ថកិច្ចធ្វើការឆែកឆេបង្កការភ្ញាក់ផ្អើលទាំងយប់។ ហេតុការណ៏នេះកើតឡើងនៅ
វេលាម៉ោង ៧និង៣០នាទីយប់ ថ្ងៃទី១៤ ឧសភា ២០១៤ នៅចំណុច មុខវត្តទួលទំពូង តាមផ្លូវម៉ៅសេទុង ស្ថិតនៅក្នុងសង្កាត់ទួលទំពូងមួយ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញជនរងគ្រោះ០២នាក់ជិះម៉ូតូសង់ប៊ិច ពណ៌ក្រហម អត់ស្គាល់ស្លាកលេខ ធ្វើដំណើរតាមផ្លូវម៉ៅសេទុងក្នុងទិសដៅពីកើតទៅលិច ស្រាប់តែមកដល់ចំណុចកើតហេតុក៏មានជនសង្ស័យជិះស្របទិសគ្នាជាមួយជនរងគ្រោះ ហើយបានធ្វើសកម្មភាពឆក់យកទូរសព្ទ័ដៃម៉ាក សាំសុងកាឡាក់ស៊ីណូតធូ ពីជនរងគ្រោះជិះគេច ខ្លួន ប៉ុន្តែជនរងគ្រោះបានជិះដេញតាមជនសង្ស័យពីក្រោយជាប់ ។ពេលនោះជនសង្ស័យក៏បានជិះចូលទៅក្នុងផ្ទះលេខ៣៨c ផ្លូវ១២៣ ហើយជនរងគ្រោះឃើញក៏ជិះទៅប្តឹងសមត្ថកិច្ចឱ្យជួយអន្តរាគមន៏។
សមត្ថកិច្ចបានសុំម្ចាស់ផ្ទះដែលសាក្សីឃើញជនសង្ស័យជិះចូលប៉ុន្តែម្ចាស់ផ្ទះមិនឱ្យចូលទេថែមទាំងប្រើពាក្យនសម្តីមើលងាយសមត្ថកិច្ចទៀតផង តែដោយសារតែមានមនុស្សមកច្រើនៗទៅនោះទើបម្ចាស់ផ្ទះឱ្យចូលឆែកឆេ ។បើតាមសាក្សីថាបានឃើញជនសង្ស័យជនសង្ស័យជិះម៉ូតូស្កុបពី ពណ៌ក្រហម តែពេលឆែកទៅបែជាឃើញម៉ូតូស្កុបពី ពណ៌សទៅវិញនិងអត់មានឃើញជនសង្ស័យទេ ។
បន្ទាប់ពីធ្វើការឆែកឆេមិនមានឃើញជនសង្ស័យនោះ ស្ត្រីម្ចាស់ផ្ទះចង់ប្តឹងទៅជនរងគ្រោះវិញតែដោយសារតែមិនចង់មានបញ្ហាច្រើនជនរងគ្រោះក៏បញ្ចប់គិតពីរឿងហ្នឹងហើយទាំងសមត្ថកិច្ចនិងជនរងគ្រោះបានបំបែកគ្នាទៅផ្ទះរៀងៗខ្លួន៕
