បន្ទាយមានជ័យ ៖ ថ្ងៃ១៤ កុម្ភះ ២០១៦ ដែលជាថ្ងៃនៃពិធីបុណ្យនៃក្តីស្រឡាញ់ ដែលជាប្រពៃណីរបស់បរទេស និងកំពុងរៀលដាលពេញនិយមសម្រប់ស្រទាប់យុវវ័យនៅកម្ពុជា ដែលយលច្រឡំទៅជាថ្ងៃនៃបុណ្យសង្សា ហើយនាំគ្នាប្រព្រឹត្តប្រាស់ចាកពីប្រពៃណីខ្មែរ ដោយ
ទិញផ្កា និងណាត់ជួបគ្នា ត្រូវបានអាជ្ញាធរ និងសមត្ថកិច្ចខេត្តបន្ទាយមានជ័យយកថ្ងៃនេះមកសាងសង់ផ្ទះឈើប្រកស័ង្កសី និងចែកអំណោយជូនប្រជាពលរដ្ឋក្រីក្រ និងពលរដ្ឋដែលមានលំនៅដ្ឋានមិនសមរម្យ ដើម្បីបង្ហាញពីក្តីស្រឡាញ់ ។
សកម្មភាពសាងសង់ផ្ទះជូនប្រជាពលរដ្ឋនៅថ្ងៃ១៤ កុម្ភះ នេះរួមមាន នៅស្រុកមង្គលបូរី មន្ត្រីនៃការិយាល័យនគរបាលអន្តោប្រវេសន៍នៃស្នងការនគរបាលខេត្តបន្ទាយមានជ័យ តាមការណែនាំ របស់លោកឧត្តតមសេនីយ៍ទោ អត់ ខែម ជាស្នងការនគរបាលខេត្ត បានសាងសង់ផ្ទះឈើប្រកស័ង្កសីមួយខ្នង ជូនពលរដ្ឋក្នុងភូមិតាម៉េងប៉ូក ឃុំសំបួរ ជំនួសផ្ទះដ៏តូចមួយប្រកស្បូវ ។
ចំណែកនៅស្រុកអូរជ្រៅ និងក្រុងប៉ោយប៉ែតលោក ឡាយ គឹមលី សមាជិកគណៈកម្មាធិការកណ្តាលចុះជួយខេត្តបន្ទាយមានជ័យ លោក សួន បវរ លោក អ៊ុំរាត្រី អភិបាលរងខេត្តបន្ទាយមានជ័យ ព្រមទាំងលោក ឈើយ ចាន់ណា ប្រធានមន្ទីរអប់រំខេត្ត រួមទាំងនគរបាលប៉េអឹម បានសង់ផ្ទះចំនួន៣ខ្នងជូនពលរដ្ឋ៣គ្រួសារ ដែលមានជីវភាពក្រីក្រ និងបាននាំយកអំណោយ និងសដំណះសំណាលជាមួយពលរដ្ឋ៥០គ្រួសារ ។
ក្នុងការចុះសាងសង់ផ្ទះ សំណះសំណាលចែកអំណោយជូនប្រជាពលរដ្ឋខាងលើ ថ្នាក់ដឹកនាំ អាជ្ញាធរ សមត្ថកិច្ច បានស្នើរសុំដល់ប្រជាពលរដ្ឋ ក៏ដូចជាប្រជាការពារភូមិត្រូវហ៊ានរាយការណ៍ នូវសកម្មភាព ចែកចាយ និងប្រើប្រាស់ គ្រឿងញៀន ដល់អាជ្ញាធរ និងសមត្ថកិច្ច ហើយក៏សំនូមពរដល់ប្អូនៗជាយុវវ័យ កុំជ្រួលជ្រឺមភ្លើតភ្លើនទៅតាមប្រពៃណីនៃជាតិសាសន៍គេ ៕
