កំពង់ធំ= ឯកឧត្តមអ៊ុតសំអនអភិបាលខេត្តកំពង់ធំបានដឹកនាំមន្ដ្រីក្រោមឪវ៉ាទចុះពិនិត្យការប្រមូលផលស្រូវរបស់ប្រជាពលរដ្ន និងពិនិត្យប្រព័ន្ធធារាសាស្ដ្រដែលកំពុងសាងសង ក្នុងនោះដែរឯកឧត្តមបានយកចិត្តទុក្ខដាក់ចំពោះការលំបាក់របស់ប្រជាពលរដ្ននិងស្វែងយល់ពីភាពកង្វល់ដែលប្រជាពលរដ្នកំពុងប្រឈមមុខនិងតំលៃស្រូវដែលធ្លាក់ថ្លៃ ការចុះពិនិត្យនេះបានធ្វើឡើងនូវព្រឹកថ្ងៃអាទិត្យទី១៤ កុម្ភះ ឆ្នាំ២០១៦នៅចំនុចវាលក្រោម ក្នុងសង្កាត់ស្រយ៉ូវនិងសង្កាតអូរកន្ទូរក្រុងស្ទឹងសែន ក្នុងនោះក៏មានការចូលរួមពីប្រធានមន្ទីរកសិកម្ម ប្រធានមន្ទីរប្រៃណី និង នាយខ័ណ្ឌជលផល ព្រមទាំងមន្ដ្រីជាច្រើនអ្នកទៀត។
ក្នុងនោះដែរលោកធីវ វណ្ណធី ប្រធានមន្ទីរកសិកម្មខេត្តកំពង់ធំបានវាយតំលៃនៃការប្រមូលផលស្រូវប្រាំងនិងស្រូវប្រដេញទឹកក្នុងឆ្នាំនេះថា ក្នុង១ហិចតាយើងអាចទទួលបានផល ៣តោនកន្លះទៅ៤តោនកន្លះ ចំណែកផ្ទៃដីសរុបមាន៤៣៩៩៨ហិចតា លោកបានបន្ថែមថាថ្វីត្បិតតែភ្លៀងបានធ្លាក់រាយប៉ាយទៅតាមស្រុក ក្រុង នៅដើមឆ្នាំរហូតដល់ ពាក់កណ្ដាលឆ្នាំពុំសូវមានភ្លៀងក្ដី តែពុំបានប៉ះពាលដំណាំកសិកម្មយើងឡើយ ដូច្នេះក្នុងការធ្វើស្រែក្នុង១ឆ្នាំយើងអាចធ្វើបាន២ដង ។
ទាក់ទិននិងការប្រមូលស្រែប្រាំងនេះប្រជាពលរដ្នមានកង្វល់ត្រង់តំលៃស្រូវធ្លាក់ចុះដែលពួកគាត់ពុំអាចលក់ចេញបាន ដោយសារ ថ្លៃជី ថ្លៃទឹក ថ្លៃជួលដី ថ្លៃប្រេង និងថ្លៃជួលកម្មករ ហើយទិន្នផលពុំទានទទួលបានផលខ្ពស់នៅឡើយទេ តែត្រូវបានចំណាយលុយអស់ច្រើន ស្ទើរតែពុំអាចទូទាត់គ្នារួច ព្រោះប្រជាពលរដ្នភាគច្រើន បានខ្ចីលុយពីធានាគារ ពីអង្គការ យកមកប្រើប្រាស់ក្នុងការធ្វើស្រែ ហើយសង្ឃឹមពេលប្រមូលផលនិងអាចលក់បានកំរៃចំណេញខ្លះ តែផ្ទុយទៅវិញស្រូវចុះថ្លៃថោក ហើយដលខែថ្ងៃដែលត្រូវបង់ការប្រាក់កម្ចីទៀតផងដូច្នេះពួកគាត់បានសំណូមពរអោយរដ្ឋាភិបាលជួយរកទីផ្សារណាដែលអាចលក់បានតំលៃថ្លៃសមរម្យសំរាប់ប្រជាកសិករផង។ 
ឯកឧត្តមអ៊ុតសំអន អភិបាលខេត្តកំពង់ធំបានមានប្រសាសន៍ថាដោយមានការយកចិត្តទុកដាក់ពីសំណាក់រាជរដ្ឋាភិបាលក្នុងការនាំចេញស្រូវអង្ករក្នុង១ឆ្នាំ១លាននោះទើបអាជ្ញាធរខេត្តបានខិតខំប្រឹងប្រែរស្វះស្វែងជួយប្រជាពលរដ្ន ក្នុងការសាងសងប្រព័ន្ធធារាសាស្ដ្រ ការផ្ដល់ពូជ ការផ្ដល់បច្ចេកទេស ការថែទាំ ដើម្បីអោយប្រជាពលដ្នទទួលបានទិន្នផលស្រូវខ្ពស់ទាំងបរិមាណទាំងគុណភាពសំរាប់នាំចេញទៅរកទីផ្សាអន្ដរជាតិនាពេលខាងមុខ តែប្រជាពលរដ្នកំពុងមានកង្វលចំពោះការរកទីផ្សារពុំទានបានល្អស្រូវចុះថោកតែនេះជាកង្វលរបស់រាជ
រដ្ឋាភិបាលដែលកំពុងតែគិតគូរជួយដោះស្រាយជូនប្រជាពលរដ្នជាបណ្ដើរៗហើយ ដូច្នេះក្នុងឆ្នាំនេះ ពួកគាត់កំពុងខ្វះទឹក ខ្វះប្រព័ន្ធធារាសាស្ដ្រតែអាជ្ញាធរកំពុងសាងសងប្រព័ន្ធធារាសាស្ដ្រជាបណ្ដើរៗ រហូតដល់ឆ្នាំ២០១៧ខាងមុខយើងនិងមានប្រព័ន្ធធារាសាស្ដ្រគ្រប់គ្រាន់ពេលនោះតំលៃទឹកថោកប្រជាពលរដ្នចំណាយលុយតិច ទទួលបានទិន្នផលស្រូវច្រើន លក់បានថ្លៃ និងធ្វើអោយជីវភាពប្រជាកសិករយើងធូរធារ ឡើងវិញ៕
