កំពង់ធំៈ មានករណីប្លន់ទៀតហើយ ក្រោមចោរប្រដាប់ដោយ អាវុធ មិនច្បាស់ចំនួន បាននាំគ្នាសំរុកចូលប្លន់ផ្ទះ វេលុយ វីង ស្ថិតនៅភូមិសានគ ឃុំសានគរ ស្រុកកំពង់ស្វាយ កាលពីវេលាម៉ោង ៧.៤៥នាទី យប់ថ្ងៃទី ១៥ ខែ កុម្ភះ ឆ្នាំ ២០១៦ ហើយបានប្រមូលលុយ ចំនួន ១៣០០០ដុល្លា ក្រោយពីក្រុមចោរធ្វើសកម្មភាពប្លន់រួច បានដាក់មេប្រូចបាត់ស្រមោល ។តាមប្រភពពត័មានពីកន្លែងកើត បានប្រាប់អោយដឹងថាជនសង្ស័យមានគ្នា៣នាក់ ជាក្មេងស្ទាវ ប្រដាប់ដោយអាវុធ ២ដើម ខ្លី១ដើម និងAKវែង ១ដើម ដែកគាស់១ដើម ជនល្មើសទាំងអស់ក្រោយពីធ្វើសកម្មភាពប្លន់រួចបានធ្វើដំណើរទៅទិសខាងជើងភូមិ ។
ក្រោយពីមានករណីប្លន់រួច សមត្ថកិច្ចបានដាក់កម្លាំងគ្រប់ចំនុចសំខាន់ ដើម្បីស្ទាក់ចាប់មុខសញ្ញាចោរប្លន់ទាំងនេះ តែរហូតមកដល់វេលាម៉ោង ១២.០០នាទី យប់ដដែល សមត្ថកិច្ចកំពុងតែដុតដៃដុតជើង គ្រប់ស្រុកក្រុង ដើម្បីធ្វើការ ស៊ើបអង្កេតតាមរកមុខសញ្ញាចោរប្លន់ទាំងនេះ។
ម្ចាស់ផ្ទះឈ្មោះ ប៊ួយ សុលីន ជាប្ដី អាយុ ៥១ឆ្នាំនិងប្រពន្ធឈ្មោះ កែ វ៉ាន់ឆាង ជាប្រពន្ធ អាយុ ៤៤ឆ្នាំ រស់នៅក្នុងភូមិ ឃុំ កើតហេតុខាងលើ បានបាត់បង់ ទ្រព្យសម្បត្តិ រួមមាន ខ្សែជើងផ្លាកទីន ១ខ្សែ លុយចំនួន ១៣០០០ដុល្លា ទូស័ព្ទ ៣គ្រឿង Note 2 ១គ្រឿង Note 3 ១គ្រឿង លោក ហង្ស ថុល មេបញ្ចាការកងរាជអាវុធហត្ថខេត្ត បានបញ្ជាក់ថា ចោរបានចូលមកពីក្រោយផ្ទះ ដែលម្នាក់ៗសុទ្ធតែបិទម៉ាស់ជិត ហើយគំរាមទៅជនរងគ្រោះថា កុំឲ្យមើលមុខ វារួចប្រមូលយកលុយដុល្លារ និងលុយខ្មែរ អស់ចំនួន១៣,០០០ដុល្លារ រួមជាមួយនឹង ខ្សែជើងផ្លាកទីន១ខ្សែ បណ្ណបើកបរ ១សន្លឹក និង អត្តសញ្ញាណប័ណ្ណ របស់ឈ្មោះ ឈូ វិទ្យា ភេទប្រុស ១សន្លឹក មុនពេលរត់គេចខ្លួនបាត់។ ជនរងគ្រោះមិនបានរងរបួសធ្ងន់ធ្ងរនោះឡើយ ដោយក្រុមចោរគ្រាន់ភ្ជង់ប៉ុណ្ណោះ មិនបានបាញ់នោះទេ។
សូមបញ្ជាក់ដែរថា ករណីដែលបង្ករឲ្យមានចោតប្លន់ នេះគឺបណ្តាលមកពី ស្រុកកំពង់ស្វាយ សំបូរទៅដោយល្បែងស៊ីសង បៀ អាប៉ោង កន្ទុយលេខ បានលេងយ៉ាងអានាធិបតេយ្យ ជាក់ស្តែងល្បែងស៊ីសងបាននាំគ្នាលេងទាំងកណ្តាលថ្ងៃនៅចំនុចបេនឡាន អាណាធិបតេយ្យ ផ្លូវបំបែកកំពង់ធំ ព្រះវិហារ តែពុំមានសមត្ថកិច្ចណាម្នាក់យកចិត្ត ទុកដាក់នោះទេ តែឃើញមានតែសមត្ថកិច្ចបើកឡានសារ៉ែន មកយកលុយ ពីក្រុមលេងល្បែងហើយបើកទៅបាត់ នៅព្រឹក ថ្ងៃទី ១៥ ខែកុម្ភះ ឆ្នាំ ២០១៦វេលាម៉ោង ១១.២០នាទី ។
រីឯចំនែកព័ត៌មានករណីប្លន់នេះ អ្នកសារព័ត៌មានកំពុងតែ តាមប្រម៉ាញ់ព័ត៌មានបន្ថែម ។
ដោយ ប៊ុន រដ្ឋា
