ដោយ វេហាស៍
សៀមរាប៖ រសៀលថ្ងៃទី១៦ ខែកុម្ភះ ឆ្នាំ២០១៦ លោវរសេនីយ៍ឯក ភឹង ចិន្តារ៉េត នាយការិយាល័យព្រហ្មទណ្ឌកំរឹតស្រាល នៃស្នងការដ្ឋាននគរបាលខេត្តសៀមរាប ដឹកនាំកំលាំងចុះបង្ក្រាបដោយផ្ទាល់ ដោយមានការចូលរួម សហការណ៍ដោយលោកអធិការរងទទួលបន្ទុក
ការងារព្រហ្មទណ្ឌនៃអធិការដ្ឋាននគរបាលក្រុងសៀមរាប។
ដឹកនាំកំលាំង រួមគ្នាចុះ បង្ក្រាបទីតាំង លេងល្បែងស៊ីសង ខុសច្បាប់(ភ្នាល់កន្ទុយលេខ)ចំនួន ០២ទីតាំងធំផ្សេងៗគ្នា និងឃាត់ខ្លួនបាន មេឆ្នោតចំនួន ០២នាក់ ក្រោមការចង្អុលបង្ហាញយ៉ាងយកចិត្តទុកដាក់ ពីសំណាក់ លោកឧត្តមសេនីយ៍ទោ សត ណាឌី ស្នងការនៃស្នងការដ្ឋាននគរបាលខេត្តសៀមរាប និងលោកស្នងការរង ទទួលបន្ទុកការងារព្រហ្មទណ្ឌ ម្ចាស់ទីតាំងទី១ មានឈ្មោះ អេង ចំរើន ភេទប្រុស អាយុ៣២ឆ្នាំ ស្ថឹតក្នុងភូមិភ្នំក្រោម សង្កាត់សៀមរាប ក្រុងសៀមរាបនិងទីតាំងទី០២ មានឈ្មោះ យិន វណ្ណនី ភេទ ស្រី អាយុ ៥២ឆ្នាំ ស្ថឹតក្នុងភូមិកក្រាញ់ សង្កាត់សៀមរាប ក្រុងសៀមរាប (អ្នកទាំង០២ជាម្ចាស់ទីតាំង ) ។
លោកវរសេនីយ៍ឯកភឹង ចិន្តារ៉េត នាយការិយាល័យព្រហ្មទណ្ឌកំរិតស្រាល បានសូមធ្វើការអំពាវនាវដល់ប្រជាពលរដ្ឋទាំងអស់ ដែលកំពុងលួចលាក់ ប្រកបមុខរបរជា មេឆ្នោតសូមដកខ្លួនចេញជាបន្ទាន់ ព្រោះវាជា អំពើខុសច្បាប់ អសន្តិសុខក្នុងសង្គម មិនតែប៉ុណ្ណោះក៍ធ្វើឲ្យខាតថវោការក្នុងរវង់គ្រួសារ ហើយអង្គភាពលោក នឹងបន្តសហការណ៍អនុវត្តឲ្យខានតែបានដូចភ្លៀងរលឹម។
លោកបន្តថាបច្ចុប្បន្នជនសង្ស័យអ្នកទាំងពីរ ដែលជាមេឆ្នោតត្រូវបានលោកព្រះរាជអាជ្ញាបញ្ជារ អោយឃាត់ខ្លួនព្រមទាំងវត្ថុតាំងមានលុយមួយចំនួនព្រមទាំងសម្ភារៈ នឹង កសាងសំនុំរឿងបញ្ចូនទៅតុលាការ ព្រឹកថ្ងៃស្អែកទី១៧ខែកុម្ភៈឆ្នាំ២០១៦នេះ៕
