ខេត្តកំពង់ឆ្នាំង៖ យោងការឯកភាពចុះថៃ្ងទី១៥ ខែកុម្ភៈ ឆ្នាំ២០១៦ របស់ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងនៅរសៀលថៃ្ងទី១៦ ខែកុម្ភៈ ឆ្នាំ២០១៦ ឯកឧត្តម ហ៊ី ណាត អភិបាលរងខេត្តកំពង់ឆ្នាំង រួមដំណើរដោយលោកឧកញ៉ាឱសុវណ្ណរ័ក្ស ប្រធានក្រុមហ៊ុនអគ្គីសនីខេត្តកំពង់ឆ្នាំង លោក អ៊ុក រស់ ប្រធានមន្ទីររ៉ែនិងថាមពលខេត្ត និងអាជ្ញាធរស្រុក ឃុំ បានចុះដោះស្រាយសំណូមពររបស់ លោក ឃឹម ឡុង ជាប្រ ជាពលរដ្ឋនៅឃុំសែបស្រុកកំពង់ត្រឡាច ដែលបានសំណូមពររឿងកុងទ័រភ្លើងដើរលឿនខុសប្រក្រតី និងសុំប្តូរកុងទ័រថ្មី និងបុគ្គលិកក្រុមហ៊ុននិយាយពាក្យគ្មានសុជីវធម៌។
ពាក់ព័ន្ធនិងករណី លោក ឃីម ឡុង បានសំណូមពរ លោកឧកញ៉ា ឱ សុវណ្ណរ័ក្ស ប្រធានក្រុមហ៊ុនអគ្គីសនីខេត្តកំពង់ឆ្នាំងបានលើកឡើងថា៖ កុងទ័រភ្លើងកាលណាមានភាពមិនប្រក្រតីគឺវាបណ្តាលពីបញ្ហាឆ្លងខ្សែភ្លើងមានគំនាបទៅនិងអ្វីមួយដែលនៅជិតវា ជាពិសេសប្រព័ន្ធខ្សែដែលតប្រើប្រាស់នៅក្នុងផ្ទះក៏អាច បណ្តាលអោយវាឆ្លងដែរ និងធ្វើអាចអោយកុងទ័រដើរលឿន កន្លងមកពេលក្រុមហ៊ុនរកឃើញក៏បានជួយចេញខាតជូនប្រជាពលរដ្ឋពាក់កណ្តាផងដែរ។ ចំពោះកុងទ័រអេឡិចត្រូនិចអាជ្ញាធរអគ្គីសនី បានអោយប្តូរចោលទាំងអស់ ដោយដាក់កុងទ័រថ្មី២ប្រភេទ គឺម៉ាក្សមីស៊ុយមីស៊ី និងម៉ាក្សអ៊ីផៅវើដែលមានការធានាពីក្រុមហ៊ុននិងមានការទទួលស្គាល់ពីអាជ្ញាធរអគ្គីសនី។ ចំណែកបុគ្គលិកដែលមានពាក្យសំដីគ្មានសុជីវធម៌ជាមួយអតិ ថិជន សុំអោយប្រជាពលរដ្ឋរាយការណ៍ចំៗឈ្មោះ មកក្រុមហ៊ុ ននិងធ្វើការបញ្ឈប់ចោលភ្លាម ដែលថ្មីៗនេះក្រុមហ៊ុនក៏បានបញ្ឈប់បុគ្គលិកគ្មានសុជីវធម៌ចំនួន២នាក់រួចមកហើយដែរ។ ចំពោះ បុគ្គលិកណាយកសេវាលើសតម្លៃអាជ្ញាធរអគ្គីសនីកំណត់ គឺសុំរាយការណ៍មកក្រុមហ៊ុនអោយបានទាន់ពេលវេលា ក្រុមហ៊ុននិងធ្វើការព្រមានបើមិនស្តាប់និងបញ្ឈប់ចោលភ្លាម។
ចំពោះករណីលោក ឃីម ឡុង លោកមិនបានដឹងទេ តែបើមានករណីដូចខាងលើលោកឧកញ៉ា សុំអោយក្រុមជំនាញ ពិនិត្យស្រាវជ្រាវមើលសិនថាកុងទ័រដើរលឿនមកពីមូលហេតុអ្វី ពេលមានបញ្ហាទើបដូរកុងទ័រជូនថ្មី ដោយភាគីក្រុមហ៊ុននិងម្ចាស់ផ្ទះត្រូវពិនិត្យមើល ដើម្បីដោះស្រាយអោយមានតម្លាភាពនិងទទួលយកបានទាំងអស់គ្នា។
លោក ហ៊ី ណាត អភិបាលរងខេត្តនិងជាប្រធានក្រុមការងារចំរុះខេត្ត បានអរគុណដល់លោកឧកញ៉ាឱ សុវណ្ណរក្ស ប្រធានក្រុមហ៊ុនអគ្គីសនីខេត្តកំពង់ឆ្នាំង និងលោក ឃីម ឡុង ដែលបានដោះស្រ យបញ្ហាដោ យមានការយោគយល់គ្នាទៅវិញទៅមក ឈរលើមូលដ្ឋានច្បាប់និងមានតម្លាភាពអាចទទួលយកបានទាំងអស់គ្នា។ លោកបាន ផ្តាំផ្ញើសុំអោយប្រជាពលរដ្ឋបើមានករណីបែបនេះកើតឡើង ត្រូវរាយការណ៍អោយក្រុមហ៊ុនអគ្គីសនី និងអាជ្ញាធរដែនដី ដើម្បីរួម
គ្នាដោះស្រាយអោយយបានត្រឹមត្រូវតាមផ្លូវច្បាប់ជូនប្រជាពលរដ្ឋដែលជាអតិថិជន៕
