សៀមរាប៖ ទិដ្ឋភាពទីក្រុងទេសចរណ៍ ផ្លូវភេទក្នុងក្រុងសៀមរាប ពិតសមត្ថកិច្ចក្នុងខេត្តសៀមរាប ពុំមានសមត្ថភាពក្នុងការហាមឃាត់ឬបិទរួមទាំងលុបបំបាត់ នារីប៉ោយដៃ ជ្រកក្រោមផ្លាកម៉ាស្សានោះទេ ដែលគេសង្កេតឃើញមាន ត្រៀមត្រា ក្នុងផ្លូវ៣០ម សង្កាត់គោកចក ក្រុងសៀមរាប ខេត្តសៀមរាប ។
ទីតាំងនារីបោយដៃ ដើម្បីបំរើផ្លូវភេទ ត្រូវបានគេប្រទះឃើញជាច្រើនកន្លែង កន្លែងខ្លះ ដាក់ស្លាកយីហោម៉ាស្សា កន្លែង ខ្លះពុំមានស្លាកយីហោ ជ្រកក្រោមភ្លើងពណ៌ក្រហមព្រេញៗ និងមាននារីសម្រាប់បំរើតណ្ហាជាច្រើននាក់ អង្គុយលក់វត្ថុកេរ្តិ៍ម៉ែចែកអោយ យ៉ាងត្រៀបត្រា ដោយពុំមានការអៀនខ្មាស់ ចាប់ពីម៉ោង ៨.០០នាទីយប់ រហូតដល់ម៉ោង២យប់ សកម្មភាពទាំងនេះ គឺកំពុងតែប្រឡងប្រណាំនិងការរីកចម្រើនរបស់ខេត្តសៀមរាប ដែលកំពុងតែបោះជំហ៊ានផ្នែក ទេសចរណ៍ពិភពលោក ដែលកំពុងតែជាប់លំដាប់ថ្នាក់លេខ១ ក្នុងពិភពលោក ។
លោក ស៊ូ ផ្លាតុង អភិបាលក្រុងសៀមរាប ធ្លាប់មានប្រសាសន៍ថា លោកនិងលុបបំបាត់ចោលទាំងស្រុង មិនឲ្យមាន ការបើកទីតាំងបំរើផ្លូវភេទ ហើយលោកនឹងចាត់វិធានការក្នុងការ បង្ក្រាប់ទុបស្កាត់រាល់សកម្មភាព ជួយដូរផ្លូវភេទ ដែល វាបានធ្វើឲ្យខូចសណ្តាប់ធ្នាប់ និងបាត់បង់សោភ័ណភាព ទីក្រុងទេសចរណ៍ ជំហានដំបូងលោក និងបង្ក្រាបតាមផ្លូវ ៣០ ម៉ែត្រ ទី២ គឺតាមបណ្តោយផ្លូវជន្លង់ ហើយនិងហៅម្ចាស់ហាង ឬស្រីបំរើផ្លូវភេទ ទាំងនោះមកធ្វើកិច្ចសន្យាបញ្ឈប់។
ជាក់ស្តែងសកម្មភាពបង្ក្រាបទីតាំងស្ត្រីរកស៊ីផ្លូវភេទ កន្លងមកនេះ មុននឹងសមត្ថកិច្ចចុះបង្ក្រាប គេសង្កេតឃើញថា មានទីតាំងជាច្រើនកន្លែងដែលបានបើកសេវាកម្មបំរើផ្លូវភេទ បានបិទទ្វារអស់ គ្រប់កន្លែងមុនពេល ដែលមានសមត្ថកិច្ចចុះទៅដល់ ជាហេតុធ្វើឲ្យមានការសង្ស័យថា ធុរៈកិច្ចរបស់អ្នកបើកសេវាកម្មផ្លូវភេទមិន ធម្មតា មានបណ្តាញសម្ងាត់សម្រាប់ប្រាប់ឲ្យបិទទ្វារ នៅពេលមានសមត្ថកិច្ចចុះទៅដល់ ទើបការបង្ក្រាបធ្វើឲ្យមានការខកខាន ។
ក្នុងនោះប្រជាពលរដ្ឋជាច្រើន បានសំណូមពរ ឲ្យលោក ឃឹម ប៊ុនសុងអភិបាលខេត្តសៀមរាប និងលោក សត ណាឌី ស្នងការនគរបាលខេត្តសៀមរាប រួមទាំងលោក ស៊ូ ផ្លាតុង ជួយលុបបំបាត់ បញ្ហាស្ត្រីរកស៊ីផ្លូវភេទផង ដោយសារតែខេត្តសៀមរាប ពោពេញទៅដោយកន្លែង ទេសចរណ៍ វប្បធ៌ម អរិយធ៌ម ប្រវត្តិសាស្ត្រ មានភ្ញៀវជាតិនិងអន្តរជាតិ មកទស្សនាប្រាងប្រាសាទជាច្រើន ដែលចង់ដឹងចង់ឃើញ ពីស្នាដៃបុព្វបុរសខ្មែរ ដែលបានសាងសង់អង្គរ ក្នុងនោះក៏មានការអៀនខ្មាស់ដែល ទឹកដីមហាអង្គរដ៏បឋរ លាយឡំពោពេញទៅដោយ ស្ត្រីរកស៊ីផ្លូវភេទ។
ដោយ ប៊ុន រដ្ឋា
