ខេត្តស្ទឹងត្រែងៈ លទ្ធផលនៃការត្រួតពិនិត្យរថយន្តយីឌុបបីគ្រឿងដឹកឈើដេញថ្លៃពីក្រសួងបរិស្ថានបានបង្ហាញថាមានការដាក់ឈើលើកំរិតបរិមាណច្បាប់របស់រដ្ឋបាលព្រៃឈើជាង៦៨ម៉ែត្រគូបជំនាញរដ្ឋបាលព្រៃឈើប្រកាសឲ្យអតិថិជនឈ្មោះ ព្រំ ថន ចូលខ្លួនបង់ផាកពិន័យ
អន្តរកាលបបើពុំដូច្នោះត្រូវបញ្ជូនសំណុំរឿងទៅតុលាការដេញដីការកោះហៅ។
តាមទិន្នន័យរបស់សមត្ថកិច្ចចម្រុះដោយមានចូលរួមត្រួតពិនិត្យពីលោកស្រី ស៊ុន យ៉ើត ព្រះរាជអាជ្ញារងអមសាលាដំបូងខេត្តរយៈពេល៥ថ្ងៃនៅក្នុងស្នងការដ្ឋាននគរបាលខេត្តស្ទឹងត្រែងបានស្ទូចឈើដែលផ្ទុកក្នុងរថយន្តទាំងបីគ្រឿងនោះមកធ្វើការវាស់វែងជាថ្មី
ក្រោយរដ្ឋបាលព្រៃឈើនៅកស្រុកសៀមប៉ាងបានវាស់វែងបាញ់ថ្នាំនិងចេញLPនិងPCឲ្យ
ទៅអតិថិជនដេញថ្លៃឈើប្រណិតពីក្រសួងបរិស្ថានជាថ្មីឃើញជាលទ្ធផលឈើដែលមានក្នុងលិខិតច្បាប់មានតែជាង៥៣ម៉ែត្រគូបប៉ុន្តែក្រោយការវាសវែងរួចឈើដែលលើសក្នុងលិខិតច្បាប់មានជាង៦៨ម៉ែត្រគូបឯណោះ។
ទាក់ទងក្នុងបញ្ហាខលើនេះលោក លី គន នាយផ្នែករដ្ឋបាលព្រៃឈើសៀមប៉ាងបានបញ្ជាក់ថាជំនាញបារធ្វើការវាស់វែងនិងចេញលិខិតអនុញ្ញាតដឹកជញ្ជូនផលអនុផលព្រៃឈើឲ្យទៅក្រុមហ៊ុនដេញថ្លៃខាងលើត្រឹមត្រូវតាមបច្ចេកទេសតែក្រុមហ៊ុនពេលបានលិខិតអនុញ្ញាតនិងដឹកជញ្ជូនផលអនុផលព្រៃឈើចេញពីស្រុកហើយនោះក៍ទៅដាក់ឈើបន្ថែមនៅតាមផ្លូវដែលជាហេតុបង្ករឲ្យមានការកើនឡើងលើសពីកំរិបរិមាណដែលរដ្ឋបាលព្រៃឈើចេញលិខិតអនុញ្ញាតទៅវិញ។
លោក វន គុណ នគរបាលប្រឆាំងបទល្មើសក្រសួងមហាផ្ទៃប្រចាំខេត្តស្ទឹងត្រែងបានបញ្ជាក់ថារថយន្តដឹកឈើដេញថ្លៃពីក្រសួងបរិស្ថានទាំងបីគ្រឿងខាងលើបានដាក់ឈើប្រណិតលើសPCដែលរដ្ឋបានព្រៃឈើចេញលិខិតអនុញ្ញាតដឹកជញ្ជូនផលអនុផលព្រៃឈើ ដែលនៅក្នុងPC រថយន្តទី១ពាក់ស្លាក់លេខ៣A.៣០៨០មានច្បាប់អនុញ្ញាតដឹកចំនួន៥៥ដុំស្មើចំនួន១៤,៥៤២ម៉ែត្រគូប តែជាក់ស្តែងក្រោយរើវាស់វែងជាថ្មីក្នុងរថយន្តបាន
ផ្ទុកឈើប្រណិតធ្នង់ចំនួន១២១ដុំស្មើ ៤០,៥៩៧ម៉ែត្រគូប គឺលើស៦៦ដុំស្មើ២៦,០៥៥ម៉ែត្រគូប។ចំណែករថយន្តទីពីពាក់ស្លាក់លេខ៣A.២៧៣៧ មានមានច្បាប់អនុញ្ញាតដឹកចំនួន៥៥ដុំស្មើ ២០,៤២២ម៉ែត្រគូប តែជាក់ស្តែងក្រោយរើវាស់វែងជាថ្មីក្នុងរថយន្តបានផ្ទុកឈើប្រណិតធ្នង់ចំនួន១១៤ដុំស្មើ៤០,៦០៨ម៉ែត្រូបគឺលើស៥៩ដុំស្មើ២០,១៨៦ម៉ែត្រគូប។ចំណែករថយន្តទី៣ពាក់ស្លាក់លេខ៣A.៧៧៥៥ មានមានច្បាប់អនុញ្ញាតដឹកចំនួន៥៥ដុំស្មើ១៨,៦៩២ម៉ែត្រគូប តែជាក់ស្តែងក្រោយរើវាស់វែងជាថ្មីក្នុងរថយន្តបានផ្ទុកឈើប្រណិតធ្នង់ចំនួន១១៣ដុំស្មើ៤០,៩០៦ម៉ែត្រគូប គឺលើស៥៨ដុំស្មើ ២២,២១៤ម៉ែត្រគូប។ជាលទ្ធផលសរុបមករថយន្តទាំងបីគ្រឿងខាងលើនេះបានដាក់ឈើចំនួន៣៤៨ដុំស្មើ១២២ម៉ែត្រគូបគឺ លើសPCចំនួន១៨៣ដុំ ស្មើ៦៨,៤៥៥ម៉ែត្រគូប ។
ទាក់ទងករណីខាងលើនេះលោក ស្រស សារិន នាយរងផ្នែករដ្ឋបាលព្រៃឈើសៀមប៉ាងបានបញ្ជាក់ថាឈើដែលអតិថិជនដេញថ្លៃពីក្រសួងបរិស្ថានមានចំនួនជាង៨០ម៉ែត្រគូប។ចំណែករថយន្តទាំងបីគ្រឿងខាងលើនេះមានរថយន្តមួយគ្រឿងផ្ទុកឈើធ្នង់ជិត២១ម៉ែត្រគូបរថយន្តទី២ផ្ទុកឈើធ្នង់ជិត១៩ម៉ែត្រគូបនិងរថយន្តទី៣ផ្ទុកឈើធ្នង់ជាង១៤ម៉ែត្រគូប។សរុបទាំងបីរថយន្តគឺមានចំនួនជាង៥៣ម៉ែត្រគូបគឺត្រូវបានវាស់វែងនិងចេញលិខិតច្បាប់អនុញ្ញាតដឹកជញ្ជូនដោយ ជំនាញរដ្ឋបាលព្រៃឈើស្រុកសៀមប៉ាងដើម្បីដឹកជញ្ជូនទៅកាន់
ភូមិព្រែសំរោង សង្កាត់តាខ្មៅ ក្រុងតាខ្មៅ ខេត្តកណ្តាល។
លោក សួន ម៉េងលី មន្ត្រីរដ្ឋបាលព្រៃឈើផ្នែកស្ទឹងត្រែងបានបញ្ជាក់ថាឈើដែលកម្លាំងចម្រុះធ្វើការវាស់វែងគឺមានចំនួន៣៤៨ដុំស្មើ១២២ម៉ែត្រគូបគឺ លើសចំនួន១៨៣ដុំ ស្មើ៦៨,៤៥៥ម៉ែត្រគូប។ហើយឈើដែលលើសខាងលើនេះគឺជំនាញប្រកាសឲ្យអតិថិជនដេញថ្លៃខាងលើចូលខ្លួនបង់ផាកពិន័យអត្តរកាលតាមច្បាប់តែប្រសិនជាម្ចាស់មិនចូលខ្លួន
គឺត្រូវបញ្ជូនសំណុំរឿងទៅតុលាការបន្ត។ចំណែករថយន្តនិងឈើដែលស្របច្បាប់គឺប្រគល់ឲ្យទៅអតិថិជនវិញគឺដកហូតតែចំនួនឈើដែលលើសកំរិតបរិមាណតែប៉ុណ្ណោះ។ហើយឈើដែលដកហូតទាំងនោះគឺរក្សាទុកនៅស្នងការដ្ឋាននគរបាលខេត្តជាបណ្តោះអាសន្នសិន៕
