ភ្នំពេញ ៖រថយន្តកុងតឺន័រដឹកស៊ីទែនខ្នាតធំមួយគ្រឿងបានធ្វើដំណើរតាមបណ្ដោយផ្លូវវ៉េងស្រេង លុះមកដល់ចំណុចការដ្ឋានស្ថាបនាផ្លូវក្បែរផ្សារឯករាជ៣ ស្ថានភាពផ្លូវមានរថយន្តកុងតឺន័រ ដឹកទំទំនិញឆ្លងកាត់ច្រើនមានការស្រុត ទើបបណ្ដាលអោយរថយន្តផ្អៀងបោកទៅប៉ះនិងបង្គោលភ្លើង បាក់អស់មួយដើម និងដាច់ខ្យែរភ្លើងរប៉ាត់រប៉ាយបង្កអោយមានការកកស្ទះចរាចរជាច្រើនម៉ោងដែលហេតុការណ៍នេះបានកើតឡើងកាលពីវេលាម៉ោង៩និង២០នាទីយប់ថ្ងៃទី១៣ខែកុម្ភៈឆ្នាំ២០១៤ ស្ថិតក្នុងភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ។
ប្រភពព័ត៌មានពីប្រជាពលរដ្ឋនៅក្បែរកន្លែងកើតហេតុបានឱ្យដឹងថា គេបានឃើញរថយន្តកុងតឺន័រ មួយគ្រឿងមានដឹកស៊ីទែនខ្នាតធំមួយ ពណ៌ស ពាក់ស្លាកលេខកំពង់ស្ពឺ 3A-0010 ធ្វើដំណើរតាមបណ្តោយផ្លូវវ៉េងស្រេងក្នុងទិសដៅពីលិចទៅកើត លុះមកដល់ចំណុចកើតហេតុខាងលើបានរេ
ចង្កូតផ្អៀងបោកប៉ះបង្គោលភ្លើងបាក់អស់១ដើមនិងខូចខាតចំនួន២ដើមទៀត ថែមទាំងដាច់ខ្សែរភ្លើង រប៉ាត់រប៉ាយពេញផ្លូវកកស្ទះចរាចរជាច្រើនមក។ បន្ទាប់ពីកើតហេតុសមត្ថកិច្ចមូលដ្ឋានបានចុះមកជួយអន្តរាគមន៍ សំរួលចរាចរនិងបានទំនាក់ទំនង ទៅសមត្ថកិច្ចជំនាញមកធ្វើការត្រួតពិនិត្យវាស់វែង យករថយន្តទៅរក្សាទុកនៅការិយាល័យចរាចរណ៍ ផ្លូវគោករាជធានីភ្នំពេញ ដើម្បីធ្វើការដោះស្រាយនៅពេលក្រោយ៕ 
