បន្ទាយមានជ័យ: លោកយាយជាទុរគត់ជនមានជម្ងឺប្រចាំកាយ និងចៅកំព្រាប្រុសស្រី ២នាក់ទៀត ដែលត្រូវឱពុកបោះបង់ចោលទៅមានស្រីថ្មីទៀត ត្រូវបានក្រុមការងារចុះជួយខេត្ត និងអជ្ញាធរមូលដ្ឋាន នាំអំណោយជាគ្រឿងបរិភោគ និងថវិការព្យាបាល និងលើស្ទួយជីវភាពប្រចាំថ្ងៃ។
លោក សួន បវរ អភិបាលរងខេត្តបន្ទាយមានជ័យ លោក លីសារីប្រធានកាកបាទក្រហមខេត្ត សមាគមន៍មហាមិត្ត បន្ទាយមានជ័យ និងសប្បរស់ជនក្នុងខេត្តចុះជួយឧបត្ថមនិង សួរសុខទុក្ខនាថ្ងៃទី ២១ កុម្ភះ ២០១៦។
អ្នកជិតខាងនិយាយថា: លោកយាយជាទុរគត់ជនមានជម្ងឺប្រចាំកាយ មានឈ្មោះ ប៉ាល់ អឿត មានអាយុ ៧៤ឆ្នាំ និងចៅប្រុសឈ្មោះ រស់ ប្រុស អាយុ១២ ឆ្នាំ ចៅស្រី រស់ ស្រីណយ អាយុ១៤ឆ្នាំ កំពុងសិក្សានៅសាលាគំរូ រស់នៅលើដីចំណីផ្លូវ ក្នុងភូមិ ៨ សង្កា់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ ចៅទាំងពីត្រូវបានម្តាយស្លាប់ចោលច្រើនឆ្នាំ ហើយឱពុកទៅរកស៊ីជាកម្មករ នៅជាយដែនមិនដែលមកមើលថែ ទើបត្រូវរស់នៅជាមួយជីដូនជរាមានជម្ងឺប្រចាំកាយរហូតដល់សព្វថ្ងៃ។
ក្រុមការងារខេត្តចុះជួយមូលដ្ឋាននិងយាយថា: អំណោយដែលនាំមកនាថ្ងៃនេះសរុបមាន អង្ករ១០០ គីឡូក្រាម មី២កេស ទឹកត្រីទឹកស៊ីអ៊ីវ ត្រីខ ទឹកសុទ្ធ សម្ភារះសិក្សារ២កំភ្លេ កង់១ និងថវិការ ៦៣ម៉ឺនរៀល។ ហើយក្រុមការងារនិងបន្តជួយគ្រួសារមួយនេះ រហូតក្មេងតូចៗអាចចិញ្ចឹមខ្លួនឯងបាន៕ដោយ: ឃិន គន្ធា
