ខេត្តកំពង់ឆ្នាំង ៖មន្ត្រីយោធាពាក់សក្តិ៣ម្នាក់នៅក្នុងកងពលតូចលេខ៧០ បានស្លាប់ ដោយសារត្រូវរថយន្តកូរ៉េមួយគ្រឿងបុកម៉ូតូគាត់ពេលជិះឆ្លងថ្នល់ជាតិពេញទំហឹង។ ហេតុការណ៍នេះបានកើតឡើងនៅវេលាម៉ោង ៧ និង២០នាទីយប់ថ្ងៃទី២២ ខែកុម្ភៈ ឆ្នាំ២០១៦ លើកំណាត់ផ្លូវជាតិលេខ៥ ស្ថិតក្នុង ភូមិជ្រៃបាក់ ឃុំជ្រៃបាក់ ស្រុករលាប្អៀរ ។ ចំណែករថយន្តបង្ក ក្រោយពេលកើតហេតុ បានបើកគេចជាង២៥គីឡូម៉ែត្រ ក៏បានក្រឡាប់បះជើងព្រោះតែបើកគេចខ្លួនលឿនពេក ហើយអ្នកបើកបរ និងព្រូត្រូវសមត្ថកិច្ចតាមចាប់ខ្លួនបាន។
មន្ត្រីនគរបាលចរាចរណ៍ ស្រុករលាប្អៀរបានអោយដឹងថា៖ មុនពេលកើតហេតុមានរថយន្តមួយគ្រឿងម៉ាក ហ៊ីយ៉ានដាយ ពណ៌ខៀវពាក់ស្លាកលេខ សៀមរាប 2A. 5451បើកបរដោយបុរសឈ្មោះ ថៃ ឆាយហ៊ី អាយុ៣៤ឆ្នាំ មានទីលំនៅ ភូមិ៣ សង្កាត់ទួលទំពូង២ ខណ្ឌ័ចំការមន រាជធានីភ្នំពេញ ក្នុងល្បឿ
នលឿន ក្នុងដំណើរពីខេត្តកំពង់ឆ្នាំ ទៅភ្នំពេញ លុះមកដល់សំណុច កើតហេតុ បានបើកវ៉ាជែងរថយន្តមួយគ្រឿងទៀត ក៏ជ្រុលទៅបុកម៉ូតូជនរងគ្រោះ ម៉ាកវ៉េវ ពណ៌ក្រហម គ្មានស្លាកលេខ យ៉ាងពេញទំហឹង នៅពេលជនរងគ្រោះឆ្លងថ្នល់ជាតិជិតផុតទៅហើយ បណ្តាលអោយ ជាអ្នកបើកម៉ូតូ ឈ្មោះ ព្រហ្ម វុទ្ឋី អា
យុ៤៤ឆ្នាំ ជាមន្ត្រីយោធាសក្តិ៣ នៅអង្គភាព កងពលតូចលេខ៧០ បានស្លាប់នៅនឹងកន្លែងកើតហេតុតែម្តង និងដែលគាត់មានទីលំនៅក្នុងភូមិឃុំកើតហេតុ ។
ប្រភពដដែលបានបានអោយដឹងទៀតថា៖ ក្រោយពេលកើតហេតុរថយន្តបង្ក បានបើករត់គេចក្នុងល្បឿនយ៉ាងលឿន លុះមកដល់ចំណុចភូមិក្បាលថ្នល់ ឃុំសែប ស្រុកកំពង់ត្រឡាច ដែលមានចម្ងាយ ប្រមាណ២៥គីឡូម៉ែត្រពីកន្លែងកើតហេតុ ក៏បានក្រឡាប់បះជើង តែម្តង ភ្លាមៗនោះសមត្ថកិច្ច កំពុងដេញតាមក៏បានចាប់ខ្លួនអ្នកបើកបររថយន្ត និងព្រូដែលគ្រាន់តែរងរបួសស្រាល រួមរថយន្តបង្ក យកមកកាន់អធិការដ្ឋានកសាងសំណុំរឿងតាមនិតិវិធី ។
សមត្ថកិច្ចនគរបាលបានបញ្ចាក់ថា ជនរងគ្រោះជាមន្ត្រីយោធា មានឈ្មោះ ព្រហ្ម វុទ្ឋី ពាក់សក្តិ
៣ នៅកងពលតូចលេខ៧០ បញ្ជាការអង្គរក្ស មានអត្តលេខ ០៣១៥០៧ មានប្រពន្ឋឈ្មោះ តេង ផាន្នី ធ្វើជាគ្រូបង្រៀន មានទីលំនៅភូមិឃុំកន្លែងកើតហេតុ សូមអំពាវដល់អង្គភាពជួយចាត់ចែងបុណ្យស តាមប្រពៃណីផង ព្រោះតែក្រុមគ្រួសារទំនាក់ទំនងតាមទូរសព្ទ័ទៅអង្គភាពមិនចូល ៕
