សៀមរា៖ ដីព្រៃរបស់រដ្ឋ កំពុងតែត្រូវបានរុករាន្ទ យ៉ាងអានាធិបតេយ្យ ដោយពុំការរំខានដល់សមត្ថកិច្ចមេព្រៃ និងសមត្ថកិច្ចពាក់ព័ន្ឋឡើយ ខណៈពេលដែលឈ្មួញ យកគ្រឿងចក្រមកឈូសឆាយដីព្រៃរបស់រដ្ឋ សំលេងលាន់រំពោងពេញព្រៃកាលពីថ្ងៃទី ២៤ ខែកុម្ភះ ឆ្នាំ ២០១៦ ។
សកម្មភាពរបស់លោក ទេព ប៊ុនស៊ិន ភេទប្រុស អាយុ ៣២ ឆ្នាំ ដែលត្រូវបានគេដឹងថា ជាអ្នកយកគ្រឿងចក្រមកឈូសឆាយដីព្រៃ ដោយមានអ្នកកាងនៅពីក្រោយឈ្មោះឌឹម ឌិនស្ថាននះ ជាមេភូមិ ត្រពាំងថ្ម បានឈូសឆាយដីនៅចំនុច ស្ពានក្មេង ឃុំ តាសៀម ស្រុកស្វាយលើ ខេត្តសៀមរាប នៅលើផ្ទៃដី៨ហិតា ហើយបានលក់អោយទៅឈ្មោះ សយ គឹមហួយ ជាអ្នករស់នៅឯភ្នំពេញ ក្នុងតំលៃមួយហិតា ២០០ដុល្លាអារិក មិនត្រឹមតែប៉ុណ្ណុះបានរំលោភយកដី របស់ប្រជាពលរដ្ឋ ឈ្មោះញៀន ដៀប ភេទ ស្រី អាយុ ៤២ឆ្នាំរស់នៅ ចំណុចស្ពាន ក្មេង ឃុំ តាសៀម ស្រុកស្វាយលើខេត្ត សៀមរាប ដែលមានផ្ទៃដី សរុបចំនួន៥ហិតា។
អ្នកស្រី យៀន ឌៀប អាយុ ៤២ឆ្នាំ ដែលត្រូវបានគេរំលោភដី បានឲ្យដឹងថា ដីនេះគាត់បានកាន់កាប់ដីនេះមក៥ឆ្នាំហើយ ស្រាបតែមកដល់ពេលនេះ ឈ្មោះទេព ប៊ុនស៊ិន បានយកគ្រឿងចក្រមកឈូសឆាយដីរបស់ គាត់ ដោយមិនខ្វល់ពីច្បាប់បន្តិចឡើយ ដោយសារតែមេឈ្មួញម្នាក់នេះ អាងលោក មេភូមិបណ្តោះអាសន្ន នៅពីក្រោយនៃការឈូសឆាយដីព្រៃ និងការឈូសឆាយដីរបស់រដ្ឋ ។
ចំណែកលោក ធី ម្ចាស់ត្រាក់ទ័រ រស់នៅភូមិ បោបតាសេក ស្រុកមង្គោលបូរី ខេត្ត បន្ទាយមានជ័យ បានឲ្យដឹងថា គាត់ចូលមកឈូសឆាយដីព្រៃ នៅចំណុចស្ពានក្មេងនេះគឺឈ្មោះ ទេព ប៊ុនស៊ិន បានជួលឲ្យមកឈូសឆាយនឹងភ្ជូររាសនៅចំណុចស្ពានក្មេងនេះ ក្នុងមួយហិចតាតំលៃ១០០ដុល្លា ក្នុងនោះដែរក៏មានការផ្តាំផ្ញើរឲ្យ លោកឈូសឆាយឲ្យរួចរាល់ កុំខ្លាចនិងចាប់អារម្ម៍ពីអ្នកណាឲ្យសោះ ព្រោះដីនេះជាដីរបស់រដ្ឋទេ ហើយយើង មានលោក ឌឹម ឌិនស្ថាននះ ជាមេភូមិ ត្រពាំងថ្មបណ្តសអាសន្ន អនុញ្ញាតិឲ្យឈ្មួញឈ្មោះ ទេព ប៊ុនស៊ិនទី២ លោក អ៊ុំ មន្ថា ទី៣ ឈ្មោះ អ៊ុយ អាង ឈូសឆាយដីនៅ ឃុំតាសៀម ស្រុកស្វាយលើ ខេត្តសៀមរាប។
លោក យ៉ាន ស៊ីវ៉ាត់ បានឲ្យដឹងថា បញ្ហាការរុករាន្ទដីព្រៃនៅចំណុច ស្ពានក្មេងនេះ លោកពុំហ៊ានដោះស្រាយ ឬធ្វើអន្តរាគមន៍នោះទេ ដោយសារតែដីនេះ ជាដីនៅខាងខេត្តព្រះវិហារ ការឆ្លើយបែបនេះ គ្រាន់តែលេសឆ្លើយយករួចខ្លួន ឲ្យរួចផុតតែពីមាត់ ដោយសារតែលោក មិនដែលស្គាល់ទីតាំងភូមិសាស្ត្រទឹកដីស្រុកស្វាយ លើច្បាស់នោះទេ ។
លោក ស៊ិ ប៊ុនស៊ិន អភិបាលស្រុកស្វាយលើ មានប្រសាសន៍ថា លោកបានទទួលពត៍នេះរួចហើយ អំពីការឈូសឆាយដីព្រៃ របស់រដ្ឋនៅចំណុចស្ពានក្មេង វាស្ថិតនៅព្រំប្រទល់ខេត្ត ព្រះវិហារ និងខេត្តសៀមរាប ប៉ុន្តែចំនុចដីមានបញ្ហានេះ គឺដីនៅចំណុចស្ពានក្មេងគឺស្ថិតនៅចំណុច ឃុំតាសៀម ស្រុកស្វាយលើ ខេត្តសៀមរាបលោកនិងឲ្យមន្ត្រីចុះត្រួតពិនិត្យ ដើម្បីទប់ស្កាត់ការរុករន្ទដីព្រៃរបស់រដ្ឋយកមក ធ្វើជាកម្មសិទ្ធ តែបើពិនិត្យឃើញថា ឈ្មួញមានការឃុបឃិតគ្នាជាមួយ មេភូមិ បង្ករសកម្មភាពឈូសឆាយដីព្រៃរបស់រដ្ឋពិតមែននោះ លោកនិងចាត់ឲ្យជំនាញចាត់វិធានការតាមផ្លូវច្បាប់ ។ ដោយ ឡាន់ វិចិត្ត
