ខេត្តកំពង់ឆ្នាំង៖ រឿងដែលនឹកស្មានមិនដល់អ្នកប្រើប្រាស់ថ្នាំញៀន២០នាក់ ក្នុងចំណោម៦០នាក់ ត្រូវបានសមត្ថកិច្ចចាប់ឃាត់ខ្លួន ក្នុងរយះពេលតែ១២ម៉ោង បន្ទាប់ពីពួកគេបានទូរសព្ទ័មកសុំទិញថ្នាំពីមេចែកចាយថ្នាំញៀន២នាក់ដែលសមត្ថកិច្ចបានចាប់ខ្លួន។ ករណីបង្ក្រាបនិងចាប់ខ្លួនខាងលើនេះ បានធ្វើឡើងនៅរសៀល និងយប់ថ្ងៃទី២៣ ខែកុម្ភះ ឆ្នាំ២០១៦ នៅក្នុងទីក្រុងកំពង់ឆ្នាំង ខេត្តកំពង់ឆ្នាំង ហើយសមត្ថកិច្ចបង្ហាញមុខពួកគេទាំង២២នាក់ និងវត្ថុតាងអោយអ្នកកាសែតថតរូបនៅល្ងាចថ្ងៃទី២៤ ខែកុម្ភះនេះ។
លោក ជុន ថារិទ្ធ ស្នងការរងនគរបាលខេត្ត និងជាប្រធានការិយាល័យកណ្តាលប្រឆាំង
បទល្មើសខេត្ត បានអោយដឹងថា៖ ករណីដំបូងសមត្ថកិច្ចនគរបាលប្រឆាំងគ្រឿងញៀនខេត្ត សហការជាមួយសមត្ថកិច្ចនគរបាលក្រុងកំពង់ឆ្នាំង ចាប់បានមេចែកចាយថ្នាំញៀន២នាក់ នៅម៉ោង១១និង៣០នាទី ថ្ងៃទី២៣ ខែកុម្ភះ នៅក្នុងភូមិកណ្តាល សង្កាត់កំពង់ឆ្នាំង ដែលមាន៖១ឈ្មោះ យាន សុវណ្ណចិត្រា អាយុ២១ឆ្នាំ រស់នៅក្នុងភូមិកំពង់អូស សង្កាត់កំពង់ឆ្នាំង ក្រុងកំពង់ឆ្នាំង ២.ឈ្មោះ លឹម សំបុណ្យ អាយុ២៣ឆ្នាំ រស់នៅក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ដោយដកហូតបានថ្នាំញៀនម៉ាទឹកកចំនួន៧កញ្ចប់តូច និងទូរសព្ទ័២គ្រឿង។
បន្ទាប់មកចាប់ពីម៉ោង១២ថ្ងៃត្រង់ដល់ម៉ោង១២យប់ ថ្ងៃដដែល អ្នកប្រើប្រាស់ថ្នាំញៀនដែ
លជាម៉ូយរបស់មេចែកចាយថ្នាំញៀនទាំង២នាក់ខាងលើ ចំនួន៦០នាក់បានទូរសព្ទ័មកសុំទិញថ្នាំញៀនជាបន្តបន្ទាប់ ហើយត្រូវបានសមត្ថកិច្ចសហការគ្នាស្ទាក់ចាប់បានជាបន្តបន្ទាប់ចំនួន
២០នាក់ នៅក្នុងក្រុងកំពង់ឆ្នាំង ដែលពួកទាំងនោះ មានមកពីស្រុករលាប្អៀរចំនួន៥នាក់ ស្រុកជលគីរីចំនួន២នាក់ ខេត្តកំពង់ស្ពឺ១នាក់ និងនៅក្នុងក្រុងកំពង់ឆ្នាំងចំនួន១៨នាក់។
វត្ថុតាងដែលសមត្ថកិច្ចដកហូតបានក្នុងករណីខាងលើនេះរួមមាន៖ ថ្នាំញៀនចំនួន៧កញ្ច
ប់តូច ទូរសព្ទ័ដៃ១០គ្រឿង ម៉ូតូ៨គ្រឿង លុយធ្នាក់១២ម៉ឺនរៀល ដាវនិងកាំបិតស្នៀត២ដើម ស្នាប់ដៃ១ និងសំភារះសំរាប់ជក់ថ្នាំញៀនមួយចំនួនទៀត។
លោក ជុន ថារិទ្ធ បានអោយដឹងទៀតថា៖ តាមការប្រជុំឯកភាពរបស់លោកស្នងការជាមួ
យ លោកព្រះរាជអាជ្ញាលាសាដំបូងខេត្ត គឺមេចែកចាយថ្នាំញៀន២នាក់ និងវត្ថុតាងត្រូវកសាងសំណុំរឿងបញ្ជូនទៅកាន់តុលាការខេត្ត ផ្តន្ទាទោសតាមបញ្ញាត្តិច្បាប់។ ដោយឡែកអ្នកប្រើប្រា ស់ថ្នាំញៀនទាំង២០នាក់ មួយចំនួនត្រូវបញ្ជូនទៅមជ្ឈមណ្ឌលបន្សាបគ្រឿងញៀន មួយចំនួនទៀតនិងធ្វើការអប់រំដោយស្ថិតក្នុងការគ្រប់គ្រងរបស់សមត្ថកិច្ច។ ព្រោះថាបើយកពួកគេទាំងអស់ទៅដាក់ក្នុងពន្ធនាគារខេត្តគ្មានកន្លែងដាក់ទេ ម្យ៉ាងទៀតទោសនៃការប្រើប្រាស់ថ្នាំញៀនមានរយះពេលខ្លីតែប៉ុណ្ណោះនឹងត្រូវដោះលែងវិញហើយ និងបើគេបានជួបបងធំនៅក្នុងគុកពួកគេចេញមកវិញអាចនិងក្លាយជាអ្នកចែកចាយថ្នាំញៀនជាមិនខាន៕
