ខេត្តរឧត្តរមានជ័យ៖ ក្មេងទំនើង៩នាក់ ត្រូវបាននគរបាលស្រុកបន្ទាយអំពិល ធ្វើការ ឃាត់ខ្លួនយកទៅសួរនាំ ក្រោយពីបានធ្វើសកម្មភាពបង្ហោះម៉ូតូនិងរ៉ោសំឡេងម៉ូតូស្រែកឡឡា រំខានគេ ឯងនិងប្រជាពលរដ្ឋនៅតាមថ្នល់ជាតិ នឹងក្នុងភូមិ នៅពេលកណ្តាលយប់ កាលពីវេលាម៉ោង២២និង១០នាទីយប់ ថ្ងៃទី២៤ ខែកុម្ភះ ឆ្នាំ២០១៦។
ក្មេងទំនើង ដែលត្រូវនគរបាលស្រុកបន្ទាយអំពិល ធ្វើការចាប់ឃាត់ខ្លួនចំនួន៩នាក់ បានជិះម៉ូតូ បង្ហោះនិងរ៉ោសំឡេងខ្លាំងៗ ស្រែកឡឡារំខានដល់ប្រជាពលរដ្ឋនៅពេលយប់. នៅចំណុចតាមថ្នល់ជាតិនិងក្នុងភូមិ នៅចំណុចភូមិអំពិល ឃុំអំពិល ស្រុកបន្ទាយអំពិល ខេត្តឧត្តរមានជ័យ សមត្ថកិច្ចយើងតាមចាប់ឃាត់ខ្លួន។
លោកវរសេនីយ៍ទោ ហម ភិរម្យ អធិការនគរបាលស្រុកបន្ទាយអំពិល បានឲ្យដឹងថា ត្រូវនឹងសមត្ថកិច្ចយើងបាន ចេញល្បាតតាមគោលដៅសំខាន់ៗ ហើយក៏បានជួបប្រទះ ក្មេងទំនើងទាំងអស់នេះបានជិះម៉ូតូ បង្ហោះ រ៉ោសំឡេងទ្លាំងៗ ហើយ ស្រែកឡឡារំខានប្រជាពលរដ្ឋនៅពេលយប់ មានសភាពស្រវឹងជក នៅតាមបណ្តោយផ្លូវជាតិ នៅភូមិ ឃុំខាងលើ ធ្វើអោយប៉ះពាល់ដល់សណ្តាប់ធ្នាប់ សាធារណះក្នុងភូមិសាស្ត្រ។លោកវរសេនីយ៍ទោហម ភិរម្យ អធិការនគរបាលស្រុក បានបន្តទៀតថា ក្មេងទំនើងទាំង៩នាក់នេះ ត្រូវបានធ្វើការអប់រំនិងកិច្ចសន្យា អោយវិលត្រឡប់ទៅលំនៅឋានវិញ៕. 
