ឧត្តរមានជ័យ៖កាលពីព្រឹកថ្ងៃទី២៦ ខែកុម្ភះ ឆ្នាំ២០១៦ នៅមន្ទីរពេទ្យខេត្ត មានរៀបចំពិធី សន្ធិបាតសុខាភិបាល លើកទី១៣និងការពិនិទ្យរួមគ្នា សមិទ្ធិផលសុខាភិបាលឆ្នាំ២០១៥និងលើកទិសដៅឆ្នាំ២០១៦ ក្រោមអធិបតីភាពលោកលៀម សុដា អភិបាលរងខេត្តឧត្តរមានជ័យនិងលោកវេជ្ជ ឃ្លោក ហួត ប្រធានមន្ទីរពេទ្យខេត្តឧត្តរមានជ័យនិងមន្ត្រីរាជការនៅក្នុងខេត្តនិងកំលាំងប្រដាប់អាវុធទាំងបីប្រភេទទៀតផង។នាឱកាសនោះ ដែលវេជ្ជ ឃ្លោក ហួត ប្រធានមន្ទីរពេទ្យខេត្ត សន្ថរកថា និងរបាយការណ៍ស្វាគមន៍ ក្នុងពិធីនោះថា វត្តមានរបស់គណះអធបតី ភ្ញៀវកិត្តិយសទាំងអស់នាឱកាសនេះ គឺជាការលើកទឹកចិត្តយ៉ាងធំធេងនិងបង្ហាញពីសក្ខីភាព បញ្ជាក់ពីសន្ថានចិត្តស្រឡាញនិងជួយគាំទ្រដល់មន្ទីរសុខាភិបាលខេត្ត ជាពិសេសមន្ត្រីរាជការសុខាភិបាលគ្រប់លំដាប់ថ្នាក់និងធ្វើអោយមន្ទីរពេទ្យសុខាភិបាលខេត្តឧត្តរមានជ័យទាំងមូលមានមោទនភាពយ៉ាងក្រៃលែងជាទីបំផុត។
ឆ្លៀតឱកាសដ៏មហោឡារឺកនេះ ខ្ញុំបាទ ជួសមុខអោយថ្នាក់ដឹកនាំមន្ទីរសុខាភិបាលខេត្ត ព្រមទាំងមន្ត្រីរាជការគ្រប់លំដាប់ថ្នាក់ និងតាំងនាមខ្ញុំបាទផ្ទាល់ ខ្ញុំបាទសូមអនុញ្ញាតជំរាបជូនពី របាយការណ៍សង្ខេបស្តីពីសមិទ្ធផលសុខាភិបាល ដែលសំរេចបានក្នុងឆ្នាំ២០១៦នេះ។បច្ចុប្បន្នមន្ទីរសុខាភិបាលខេត្តគ្របដណ្តប់លើស្រុកប្រតិបត្តិតែមួយ គឺស្រុកប្រតិបត្តិសំរោងដែលមានអង្គភាពផ្តល់ សេនាសុខភាពសំខាន់ៗចំនួន៣កន្លែង ក្នុងនោះមានមន្ទីរពេទ្យបង្អែកចំនួន២ គឺមន្ទីរពេទ្យបង្អែកខេត្តឧត្តរមានជ័យនិងមន្ទីរពេទ្យបង្អែកអន្លង់វែងនិងមានមណ្ឌលសុខភាពទាំងអស់ចំនួន៣០(ផ្អែកតាមផែនការគ្របដណ្តប់សុខាភិបាលឆ្នាំ២០១៥)បច្ចុប្បន្ន មន្ទីរសុខាភិបាលមានធនធានមនុស្សដែលជាវេជ្ជបណ្ឌិត ទន្តបណ្ឌិត គ្រូពេទ្យមធ្យម ឆ្មប គីលានុប្បដ្ឋាក គីលានុប្បដ្ឋាកយិការនិងមន្ត្រីសុខាភិបាល ជាច្រើនរូបទៀតសរុប៣៥៩នាក់ ស្រី១៨១នាក់។
មន្ទីរសុខាភិបាលមានដៃគូរអភិវឌ្ឍន៍វិស័យសុខាភិបាលចំនួន១២ដៃគូរ រួមទាំងអាជា្ញធរនិងមន្ទីរពាក់ពន្ធ័ដ៏ទៃទៀត។នាឱកាសនោះ លោកលៀម សុដា អភិបាលរងខេត្ត បានមានប្រសាសន៍ថា ជំរុញឲ្យលុបបំបាត់ឲ្យអស់រាល់សេវា សុខាភិបាលខុសច្បាប់ ជាទិសដៅនិងសំណូមពរ សុំឲ្យអធិការ ក្រុង ស្រុកនិងប៉ុស្តិ៍នគរបាលរដ្ឋបាលឃុំ សង្កាត់ ជួយ ពិនិត្យរាល់សេវាសុខាភិបាលចល័ត(ដើរចាក់ថ្នាំ លក់ថ្នាំតាមផ្ទះ)បើគ្មានឯកសារបញ្ជាក់សូមជួយឃាត់ផ្តល់ព័ត៍មានដល់មន្ទីរសុខាភិបាលខេត្ត ជាបន្ទាន់តាមរយះលេខទូរស័ព្ទ០១២៧២៣១២១ដើម្បីមានវិធានការបញ្ឈប់ ឫអនុវត្តតាមនិតិវិធីច្បាប់៕
