កំពត៖ បុរសម្នាក់ត្រូវបានសមត្ថកិច្ចឃាត់ខ្លួននាំមកកាន់ការិយាល័យព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្ត បន្ទាប់ពីបុរសរូបនេះមានជម្លោះជាមួយប្រពន្ឋរបស់ខ្លួន ហើយម្តាយក្មេកទៅឃាត់ ត្រូវបុរសជាកូនប្រសាររូបនេះវាយម្តាយក្មេករងរបួសធ្ងន់បញ្ជូនទៅសង្គ្រោះនៅមន្ទីរបង្អែក ខេត្តតាកែវបានប៉ុន្មានម៉ោងក្រោយមកជនរងគ្រោះជាម្តាយក្មេកបានស្លាប់បាត់បង់ជីវិតនៅក្នុងមន្ទីរពេទ្យ ។លោកវរៈសេនីយត្រីហ៊ន ប៊ុនស៊ីដេត អធិការនគរបាលស្រុកអង្គរជយ័ឲ្យដឹងថាៈនៅល្ងាចថ្ងៃទី២៣ ខែកុម្ភះ ឆ្នាំ ២០១៦ ប្តីឈ្មោះទ្រឹនដូច និងប្រពន្ឋឈ្មោះ អ៊ុំ ស្រីអូន ពីរនាក់ប្តីប្រពន្ឋនេះបានឈ្លោះប្រកែកគ្នា ហើយត្រូវម្តាយក្មេកឈ្មោះសាក់ ញ៉ឹងទៅជួយកូនស្រី ក៍ត្រូវកូនប្រសារប្រុសវាយឲ្យរងរបួសធ្ងន់លុះដល់ម៉ោង១២.០០នាទីយប់ថ្ងៃដដែល បានយកទៅព្យាបាលនៅមន្ទីរពេទ្យខេត្តតាកែវ។
លុះដល់ម៉ោង៣.០០នាទីទៀបភ្លឺឈានចូលថ្ងៃទី២៤ ខែកុម្ភះ ឆ្នាំ២០១៦ ដោយសារតែស្ថានភាពជម្ងឺធ្ងន់ធ្ងរស្ត្រីរងគ្រោះជាម្តាយក្មេកក៍បានដាច់ខ្យល់ស្លាប់ក្នុងមន្ទីរពេទ្យយ៉ាងអណោចអធម័។លោកអធិការបានបន្តទៀតថាៈ ក្រោយពីក្រុមគ្រួសារដឹកសាកសពមកដល់ផ្ទះវិញកំលាំងសមត្ថកិច្ចក៍ទៅពិនិត្យសាកសពហើយក៍បានចាប់ឃាត់ខ្លួនជនដៃដល់ជាកូនប្រសារឈ្មោះទ្រឹន ដូចភេទប្រុស អាយុ៣៥ឆ្នាំនាំមកកាន់ស្នងការខេត្តដើម្បីសាកសួរ ។
នៅព្រឹកថ្ងៃទី២៥ ខែ កុម្ភះ ឆ្នាំ២០១៦ជនសង្ស័យឈ្មោះ ទ្រឹន ដូច ជាជនដៃដល់នៅពេលសមត្ថកិច្ចការិយាលយ័ព្រហ្មទណ្ឌកំរិតធ្ងន់ស្នងការដ្ឋាននគរបាលខេត្តធ្វើការសាកសួរខ្លួនបានសារភាពប្រាប់សមត្ថកិច្ចថាៈ នៅវេលាម៉ោង៥.០០នាទី ថ្ងៃទី២៣.០២.២០១៦ខ្លួនបានឈ្លោះប្រកែកគ្នាជាមួយប្រពន្ឋខ្លួន ពេលនោះស្ត្រីឈ្មោះ សាក់ ញ៉ឹងជាម្តាយក្មេកបានរត់ទៅជួយកូនព្រមទាំងវាយខ្លួនចំនួនពីរដំបងផងដែរ ពេលនោះខ្លួនក៍បានវាយតមវិញមួយដៃដួលក្បែរគល់ដូងខាងត្បូងផ្ទះចម្ងាយប្រហែលជា៥ម៉ែត្រ។ លុះដល់ម៉ោង១២.០០នាទីរំលងអាធ្រាតថ្ងៃដដែលដោយស្ថានភាពជម្ងឺធ្ងន់ធ្ងរក៍ត្រូវ
ក្រុមគ្រួសារដឹកទៅសង្គ្រោះនៅមន្ទីរពេទ្យតាកែវ នៅវេលាម៉ោង៣.០០នាទីទៀបភ្លឺថ្ងៃទី២៤ឯ ខែកុម្ភះ ឆ្នាំ២០១៦គាត់ក៍បានដាច់ខ្យល់ស្លាប់នៅមន្ទីរពេទ្យនោះតែម្តងទៅ ។
លោករវៈសេនីយត្រីលក ញ៉ាវនាយរងការិយាលយ័ព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តបានឲ្យដឹងថាៈជនសង្ស័យក្រោយពីសមត្ថកិច្ចធ្វើការសាកសួរហើយបានសារភាពប្រាប់សមត្ថកិច្ចរួច សមត្ថកិច្ចក៍បានកសាងសំណុំរឿងបញ្ជូនទៅតុលាការនៅរសៀលថ្ងៃទី២៥ដើម្បីចាត់ការតាមនីតិវិធី ៕
