ខេត្តពោធិ៍សាត់៖ រថយន្តធុនធំមួយគ្រឿង បានប្រើប្រាស់ល្បឿនលឿនលើទ្រូងផ្លូវជាតិលេខ០៥ មិនបានគិតពីឧបសក្កនៅខាងមុខ ក៍ត្រូវបានចាំងភ្លើងហ្វារថយន្តបុកបញ្ច្រាស់ទិស ក៍បានទៅបុកគោយន្តកន្ត្រៃនៅពីមុខបណ្ដាលឲ្យធ្លាក់ផ្លូវដាច់គោយន្តជាច្រើនកំណាត់ហើយស្លាប់
ម្ចាស់គោយន្តពេលដឹកដល់មន្ទីពេទ្យ ហេតុការនេះបានកើតឡើងកាលពីវេលាម៉ោង៥នឹង០០នាទីព្រឹកថ្ងៃទី២៦ ខែកុម្ភៈ ឆ្នាំ២០១៦ ស្ថិតក្នុងភួមិតាកែវលើ ឃុំត្នោតជុំ ស្រុកក្រគរ ខេត្តពោធិ៍សាត់។លោក ទ្រឿង ណារិទ្ធ នាយប៉ុស្ត៍រដ្ឋបាលត្នោតជុំបានប្រាប់ថា ជនរងគ្រោះដែលជួបឧប្បហេតុនេះរបួសធ្ងន់រហូតដល់ស្លាប់ពេលដឹកទៅដល់មន្ទីពេទ្យនោះឈ្មោះ សេម សាវិ អាយុ២៧ឆ្នាំជាអ្នកបើកគោយន្តមានទីលំនៅភួមិត្បែងជ្រុំ ឃុំកើតហេតុខាងលើ។
លោកបន្តថា បើតាមសាក្សីនៅក្បែរនោះបានឃើញពីហេតុការនេះបាននិយាយឲ្យលោកដឹងគឺ ដំបូងបុរសរងគ្រោះបើកគោយន្តកន្ត្រៃដឹកអុសម្នាក់ឯង ក្នុងដំណើរទិសដៅពីកើតទៅលិច ដោយបើកបរក្នុងផ្លូវអទិភាព ។ ស្របពេលជាមួយគ្នានោះដែរក៍មានរថយន្តមួយគ្រឿងធុនធំព័ណ៍សពាក់ស្លាកលេខ តាកែវ 3A-23.01 បានចរាចរណ៍មកពីក្រោយស្របទិសគ្នា ដោយអ្នកបើកបរថយន្តធំនោះប្រើប្រាស់ល្បឿនលឿន មកដល់ចំនុចគីឡូម៉ែត្រលេខ១៧៣និង១៧៤ ទីតាំងកន្លែងកើតហេតុខាងលើ ក៍មានរថយន្តផ្សេងចរាចរណ៍មកច្រាស់ទិសបើកភ្លើងហ្វាចាំងភ្នែកតាកុងបើករថយន្តធំនោះ ក៍ទៅបុកគោយន្តកន្ត្រៃដឹកអុសពីក្រោយមួយទំហឹងដែលបុរសរងគ្រោះកំពុងបើកខាងមុខបម្រុងនឹងបត់ចូលផ្លូវលំទៅខាងស្ដាំហើយ ក៍ធ្លាក់ទៅស្រែខាងជើងផ្លូវជាតិ ខូចខាតរថយន្តនឹងដាច់គោយន្តកន្ត្រៃនោះពីបីកំណាត់ ហើយអ្នកបើកបរគោយន្តនោះក៍បានរងរបួសធ្ងន់ធ្ងរពេលដឹកទៅសង្គ្រោះដល់មន្ទីពេទ្យដាច់ខ្សល់ស្លាប់តែម្ដង ដោយឡែកអ្នកបើកបរបង្ករថយន្តធំរត់គេចបាត់ស្រម៉ោល។
នគរបាលចរាចរណ៍ផ្លូវគោក ស្រុកក្រគរទៅដល់ទីតាំងនោះ ហើយបានទៅពិនិត្យកន្លែងកើតហេតុដើម្បីចាប់យកវត្ថតាងវាស់វែងយកមករក្សាទុក្ខនៅនគរបាលចរាចរណ៍ផ្លូវគោក ដើម្បីដោះស្រាយផ្លូវច្បាប់ពេលក្រោយ ។ ដោយក្នុងករណីនេះមន្ត្រីនគរបាលចរាចរណ៍បាននិយាយថា៖ គឺបង្ករឡើងដោយរថយន្តធុនធំនោះតែម្ដង គឺប្រើប្រាស់ល្បឿនលឿន ដោយមិនមើលឧប្បសក្កនៅខាងមុខ ក៍ទៅបុកគោយន្តទាំងកម្រោលបណ្ដាលឲ្យមានមនុស្សស្លាប់ម្នាក់និងខូចខាតមធ្យោបាយទាំងសងខាងតែម្ដង៕
