មណ្ឌលគិរី៖ពលរដ្ឋរថា រថយន្តប្រភេទសាំយ៉ុងនៅក្នុងខេត្តមណ្ឌលគិរី បច្ចុប្បន្ននេះកំពុងតែលួចបង្គប់ឈើប្រណិតដែលជ្រៀកជាបន្ទះដោយមិនទាន់កែឆ្នៃដូចជាទ្វា និងបង្អួច ហើយនឹងគ្រឿងផ្សេងៗ ហើយរថយន្តនេះដឹកចេញខេត្តមណ្ឌលគិរី យកទៅលក់នៅខេត្តត្បូងឃ្មុំ ដោយឆ្លងកាត់ កន្លែងយាមកាមរបស់សមត្ថកិច្ច មិនដែលឃើញមានការបង្ក្រាប់នោះទេ។
ពលរដ្ឋបានឲ្យដឹងទៀតថា រថយន្តប្រភេទសាំយ៉ុងនេះ លួចបង្គប់ឈើប្រណិតខាងលើ មានជារៀងរាល់ថ្ងៃ គេសង្កេតឃើញនៅក្នុងរថយន្តដឹកសុទ្ធតែឈើដែលជ្រៀករួច ដឹកទៅយ៉ាងរលូន ដោយបង់លុយឲ្យសមត្ថកិច្ចនៅពេលដែលគេហៅឈប់ឆែកឆេរ ។ ជាក់ស្ដែងដូចក្នុងរូបភាពនេះដែលពលរដ្ឋថតបាននៅចំណុចដើមស្រល់ មុខស្នាក់ការរបស់ប៉ូលិសសេដ្ឋកិច្ចក្រសួងមានថតជាប់ទាំងរូបប៉ូលិសទៀតផង ដែលប្រចាំការនៅក្រុងសែនមនោរម្យនៃខេត្តមណ្ឌលគីរី បានត្រឹមតែរាប់ក្បាលឡានយកលុយ។ ពលរដ្ឋបញ្ជាក់ថា ប៉ូលិសសេដ្ឋកិច្ចក្រសួងដែលមានស្នាក់ការនៅកន្លែងនោះតែម្ដង គេមិនដែលឃើញមន្ត្រីរូបនោះបង្ក្រាប់ម្តងណាឡើយ៕
ដោយ` ប៊ូស្រា
