ខេត្តព្រះវិហារ ៖ គួរអោយអនិច្ចារ្យ ជីវិតអ្នកក្រីក្រ អ្នកស្រែ អ្នកចំការភាគច្រើន បានត្រឹមតែខ្ញុំគេ ជាប់គុកជាប់ច្រវ៉ាក់ក៏ជាប់ជំនួសគេ តែនាយទុនបែរជាដេកអេះពោះ គ្រាន់តែបញ្ជាមានសេនាឆ្វេងស្តាំ ចាំបញ្ជា ចាំ ចង្អុល តែអ្នកក្រីក្រតែហ៊ានលូកដៃក្នុងព្រៃឈើ និងត្រូវមានទោសទាន់ជាពុំខានឡើយ ។
ជាក់ស្តែងកាលពីថ្ងៃទី ១៥ ខែ ឧសភា ឆ្នាំ ២០១៤ ប្រជាពលរដ្ឋក្រីក្រ សុំមិនបញ្ជេញឈ្មោះ បានស៊ីឈ្នួល ដឹកឈើធ្នងចេញពីព្រៃ ស្ថិតនៅក្នុងភូមិសង្គមថ្មី ស្រុកសង្គមថ្មី ខេត្តព្រះវិហារ តាមរយះគោយន្តកន្ត្រៃ ក្នុង១ ជើងទទួលបានប្រាក់ ៦ម៉ឺនរៀល បានដឹកជញ្ជូនមកកន្លែង ស្តុបឈើជាច្រើនរយម៉ែត្រគូប របស់ក្រុមហ៊ុនទ្រី ភាព ដែលជាកន្លែងលើកឈើប្រណិតទាំងនេះដាក់លើរថយន្ត ដោយរថយន្តស្ទូចឡើង ដែលបានបញ្ជាក់ ឲ្យឃើញថា សកម្មភាពរបស់ក្រុមហ៊ុនទ្រីភាព មិនមានសមត្ថកិច្ចណា ហ៊ានចេញមុខក្អកនោះទេ បែរជា នាយអធិការខាងជើងបឹងទន្លេសាប និងនាយខណ្ទព្រះវិហារ ខ្លាចឡើងរួញ បណ្តែតបណ្តោយឲ្យក្រុមហ៊ុន នេះធ្វើសកម្មភាព ដោយគ្មានមានជំនាញណាមកមើលឡើយ ។
សកម្មភាពលើកឈើរាប់រយម៉ែត្រគូប លើកដាក់លើឡានរបស់ក្រុមហ៊ុនទ្រីភាព ដែលមានតែមេការ ខាងឡាន ឈ្មោះ មាស ឈរចាំបញ្ជាឲ្យកម្មករលើកឈើប្រណិតដាក់លើឡាន ដោយពុំព្រឺរោមបន្តិចឡើយ ដោយសារតែក្រុមហ៊ុននេះ បានអែបអាងធ្វើអជីវកម្មឈើនៅក្នុងក្រុមហ៊ុន តែផ្ទុយទៅវិញ រថយន្តដឹកជញ្ជូន របស់ក្រុមហ៊ុនទ្រីភាព ដាក់កំលាំងឲ្យចាំប្រមូលទិញឈើ ពីក្នុងព្រៃគ្រប់គោលដៅ ក្នុងទឹកដីខេត្តព្រះវិហារ ហើយបានលើកឈើទាំងនោះដាក់ឡាន តែឯងៗដោយមិនរំខានដល់ សមត្ថកិច្ចកងរាជអាវុធហត្ថ ប៉ូលិស និងមេព្រៃ បរិស្ថាន ដែលសកម្មភាពទាំងនេះ ពុំមានការវាស់ឈើ និងកាត់ប៉េសេអ្វីទាំងអស់ ។
សកម្មភាពនេះវាបានផ្ទុយពីអ្នកក្រីក្រ តូចតាច ចងបានផ្ទះឈើមួយខ្នង ទិញផ្ទះចាស់អ្នកភូមិ មុនហ្នឹងលើ ផ្ទះចាស់នោះឡើងឡាន ទាល់តែមានមេព្រៃ មកថតរូប វាស់ផ្ទះ កាត់ចេញជាចំនួនម៉ែត្រ តែហ៊ានលាយឈើ ថ្មីត្រឹមតេ១០ សម្រាប់ធ្វើផ្ទះ អស់លោកមេព្រៃ និងទាំងអ្នកជំនាញ មិនអ្នកមិនមែនជំនាញ មករោមជញ្ជក់ ឈាមរករឿងដាក់គុកដាក់ច្រវ៉ាក់ ដែលមាបឆ្លុះបញ្ជាំងឲ្យឃើញពីសកម្មភាព ក្រុមហ៊ុនរបស់លោក ទ្រីភាព ដែលលើកឈើប្រណិត រាប់រយម៉ែត្រគូប និងសុទ្ធតែជាឈើមានតំលៃ តែបែរជាគ្មានជំនាញណាមកមើល ។ តាមប្រភពពត៌មានបានឲ្យដឹងថា មិនមែនត្រឹមតែស្រុកសង្គមថ្មីនោះទេ គឺមានស្រុកជាច្រើនទៀតក្នុងខេត្ត ព្រះវិហារ ក៏ដូចជាស្រុកដ៏ទៃ ក៏ដូចជាខេត្តដ៏ទៃដែរ គឺក្រុមហ៊ុននេះ បានធ្វើសកម្មភាពមិនខុសគ្នានោះទេ ចំនែកបណ្តាញសារពត៌មាន ក្នុងស្រុកត្រូវបានគេបិទមាត់អស់ហើយ ខ្លះបានតិច ខ្លះបានច្រើន តាមតែមេកា កិបកេង ពីបីជាន់ពីលើទៀត សូមរងចាំភាគបន្ត ពត៌មាន ក្រុមហ៊ុនជាប់លំដាប់ថ្នាក់ បំផ្លាញព្រៃឈើ ។ 
