ខេត្តកំពង់ឆ្នាំង៖ ព្រះអង្គ ព្រហ្ម នរៈសិដ្ឋ ព្រះចៅអធិការវត្តយាយទេពក្រុងកំពង់ឆ្នាំង បានមានសង្ឃដីការផ្តាំផ្ញើដល់ក្មួយៗសិក្សានុសិស្សអោយខិតខំរៀនសូត្រ ដើម្បីតបស្នងសងគុណ ដល់មាតាបិតាដែលខិតខំថែរក្សាជួយចិញ្ចឹមអោយក្មួយៗបានរៀនសូត ដើម្បីក្លាយជាទំពាំងស្នងឬស្សីសម្រាប់ប្រទេសជាតិ និងក្រុមគ្រួសារទៅអនាគត ហើយត្រូវចូលរួមគោរពច្បាប់ចរាចរណ៍ផ្លូវគោកថ្មី និងសូមជៀសអោយឆ្ងាយពីគ្រឿងញៀនដែលបំផ្លាញខ្លួន បំផ្លាញគ្រួសារ និងសង្គមជាតិ។ 
ព្រះអង្គព្រហ្មនរៈសិដ្ឋព្រះចៅអធិការវត្តយាយទេពក្រុងកំពង់ឆ្នាំងបានមានសង្ឃដីការបែបនេះនៅរសៀលថៃ្ងទី២៧ ខែកុម្ភះ ឆ្នាំ២០១៦ ក្នុងពេលនិមន្តចុះសាកសួរសុខទុក្ខ និងនាំយកសំភារៈសិក្សាទៅចែ កជូនដោយផ្ទាល់ដៃជូនសិស្សនុសិស្សចំនួន២០០ នៅសាលាបឋមសិក្សា ហ៊ុនសែន កំពង់អុសស្ថិតក្នុងភូ មិកំពង់អុស ឃុំកំពង់អុស ស្រុកជលគីរី ខេត្តកំពង់ឆ្នាំង ដែលជាអំណោយរបស់សប្បុរសជនក្នុងខេត្តនិងក្រៅខេត្ត ដោយមានការចូលរូមលោក វ៉ាន់ សុទ្ធី អនុប្រធានមន្ទីរធម្មការខេត្ត លោក ចក់ កែវចំរើន តំ ណាងមន្ទីរសង្គមកិច្ចខេត្ត លោកនាយកសាលា លោកគ្រួអ្នកគ្រូ និងអាជ្ញាធរមូលដ្ឋានផងដែរ។
លោក កែវ សារឹមថា នាយកសាលាបឋមសិក្សាហ៊ុនសែនកំពង់អុសបានអោយដឹងថា៖ សិស្សដែលបានមកទទួលអំណោយសំភារៈសិក្សានៅថ្ងៃនេះ មានចំនួន២០០នាក់ លោកគ្រូអ្នកគ្រូចំនួន៥នាក់ដោយ សិស្សម្នាក់ៗទទួលបានសៀវភៅ៣ក្បាល, ប៊ិច២ដើម មី១កញ្ចាប់ ចំណែកព្រះសង្ឃលោកគ្រូអ្នកគ្រូនិងអាជ្ញាធរមូលដ្ឋានចំនួន១៤អង្គ/នាក់ក្នុងមួយអង្គនិងម្នាក់ទទួលបានបច្ច័យ និងថវិកា៤ម៉ឺនរៀលផងដែរ។ដោយឡែកព្រះចៅអធិការវត្តយាយទេព ក៏បានឧបត្ថម្ភអង្ករចំនួន១៥០គីឡូក្រាម គ្រឿងឧបភោគបរិភោគមួយចំនួនដល់គ្រូដែលស្នាក់នៅបង្រៀនក្នុងសាលាសំរាប់ហូបចុកប្រចាំថ្ងៃ និងឧបត្ថម្ភស៊ីម៉ង់ត៍ចំនួន១តោនសំរាប់សាងសង់សាលាមត្តេយ្យកំពង់អុស និងសំភារៈសិក្សាមួយចំនួនទៀតសំរាប់ទុកប្រើប្រាស់នៅទីចាត់ការសាលាផងដែរ។
លោក វ៉ាន់ សុទ្ធី អនុប្រធានមន្ទីរធម្មការនិងសាសនាខេត្ត បានលើកឡើងថា ៖ ប្រទេសកម្ពុជាក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន បានធ្វើអោយប្រទេសជាតិមានស្ថេភាព សុខសន្តិភាព នៅគ្រប់ទីកន្លែងកត្តាទាំងអស់នេះបានធ្វើអោយប្រទេសជាតិមា នអភិវឌ្ឍន៍លើគ្រប់វិស័យ នៅក្នុងនោះវិស័យអប់រំសិក្សាធិការ និងព្រះពុទ្ធសាសនាដែលជាសាសនារបស់ជាតិក៏មានការរីកចំរើនគួរអោយមោទនះផងដែរ។ 
នៅក្នុងពិធីចែកអំណោយនេះ លោកសូមថ្លែងអំណរគុណយ៉ាងជ្រាលជ្រៅដល់លោកគ្រូចៅអធិ ការវត្តយាយទេព និងសប្បុរសជនជាម្ចាស់អំណោយទាំងអស់ ដែលបានលះបង់នៅថវិការនិងធនធាន ក្នុងការជួយឧបត្ថម្ភដល់សិស្សានុសិស្ស លោកគ្រូអ្នកគ្រូ ដើម្បីលើកស្ទួយដល់វិស័យអប់រំ សំដៅបង្កើនធនធានមនុស្សសំរាប់កសាងប្រទេសជាតិអោយមានការរីកចំរើនទៅអនាគត៕
