បន្ទាយមានជ័យ ៖ បន្ទាប់ពីទទួបានជោគជ័យក្នុងការបង្ក្រាបក្រុមចោរប្លន់ប្រដាប់អាវុធទាំងសំបុក លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យនៅតែបន្តការប្រុងប្រយ័ត្ន និងសូមអោយនគរបាលគ្រប់ការិយាល័យ និងស្រុកក្រុងទូទាំងខេត្តបន្តបន្ថែមការបម្រើរសេវា និងការពារសន្តិសុខសណ្តាប់ជូនប្រជាពលរដ្ឋ ។
ការលើកឡើងដូច្នេះធ្វើឡើងការពីព្រឹកថ្ងៃទី២៩ កុម្ភះ ២០១៦ ក្នុងពិធីគោរពទង់ជាតិនៅនឹងស្នងនគរបាលខេត្ត ។
ក្រៅពីការលើកឡើងដូច្នេះលោកក៏បានធ្វើការណែនាំ ទៅដល់ការិយាល័យចរាចរធ្វើយ៉ាងណាផ្សព្វផ្សាយច្បាប់ចរាចរដល់គ្រប់មជ្ឈដ្ឋាន និងត្រូវចុះត្រួតពិនិត្យអនុវត្តន៍ច្បាប់ចរាចរ ហើយគួរតែដាក់ត្រួតពិនិត្យជាតិអាកុលនៅទីតាំងដែលជិតនឹងកន្លែងស៊ីផឹក ដែលតែងតែបង្ករគ្រោះថ្នាក់ ។ ព្រោះថា បញ្ហាចរាចរនេះគឺថ្នាក់ដឹកនាំបានផ្តោតជាសំខាន់ ដូច្នេះធ្វើយ៉ាងណាអោយមានអនុវត្តនេះមានប្រសិទ្ធភាព ។
ដោយឡែកទាក់ទងទៅនឹង បញ្ហាគ្រឿងញៀនលោកក៏បានស្នើរដល់ការិយាល័យជំនាញធ្វើយ៉ាងណាបន្តការបង្ក្រាបអោយកាន់តែខ្លាំង ។
លោកបន្តទៀតថា នៅក្នុងឱកាសបុណ្យចូលឆ្នាំថ្មីប្រពៃណីជាតិខាងមុខ ការគប់ទឹកជះទឹកដែកបង្ករការគ្រោះថ្នាក់ និងជាទំលាប់ដ៏អាក្រក់ លោកនឹងចាត់អោយការិយាល័យជំនាញធ្វើស្លាយ និងប៉ាណូផ្សព្វផ្សាយមិនអោយមានការគប់ទឹក និងត្រៀមកម្លាំងទប់ស្កាត់តាមដងផ្លូវ ។
ជាមួយគ្នានេះផងដែរ លោកក៏បានកោតសរសើដល់លោកស្នងការរង អធិការនិងមេបញ្ជាការវរៈការពារព្រំដែន ព្រមទាំងមន្ត្រីនគរបាលដែលបានខិតខំបំពេញបេសកម្មបានយ៉ាជោគជ័យ លើការបង្ក្រាបក្រុមចោរប្លន់ប្រដាប់អាវុធ ប្លន់អាជីវករលក់មាសនៅប៉ោយប៉ែត ហើយត្រូវបានបង្ក្រាបទាំងសំបុកក្នុងរយៈប្រមាណជា៣០ម៉ោង ធ្វើអោយប្រជាពលរដ្ឋអាជីវករមានភាពកក់ក្តៅ និងកោតសរសើរមិនដាច់ពីមាត់ ដែលការកោតសរសើរនេះជាកម្លាំងលើកទឹកចិត្តយ៉ាងខ្លាំងដល់មន្ត្រីនគរបាលយើង ។ តែកុំដាច់ខាតកុំប្រហែសអោយសោះ គឺត្រូវតែបន្តការងារដោយយកចិត្តទុកដាក់ ធ្វើយ៉ាងណាបម្រើរសេវាជូនប្រជាពលរដ្ឋដូចជាការធ្វើ អត្តសញ្ញាណប័ន សៀវភៅគ្រួសារ ដោះស្រាយនូវបញ្ហានានាដែលពលរដ្ឋប្តឹង ៕
