(ភ្នំពេញ)៖ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ នារសៀលថ្ងៃទី២៩ ខែកុម្ភៈ ឆ្នាំ២០១៦នេះ បាននឹងប្រារព្ធពិធីបិទអង្គប្រជុំបូកសរុបលទ្ធផលការងារឆ្នាំ២០១៥ និងទិសដៅការងារឆ្នាំ២០១៦។
កិច្ចប្រជុំនេះបានធ្វើឡើងក្រោមអធិបតីភាព នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និង ឯឧ ប៉ា សុជាតិរង្ស អភិបាលរាជធានីភ្នំពេញ ព្រមទាំងមានការអញ្ជើញចូលរួមពី ថ្នាក់ដឹកនាំក្រុមប្រឹក្សារាជធានី មេបញ្ជាការ មេបញ្ជាការរង ស្នងការ និងមន្ត្រីពាក់ព័ន្ធជាច្រើននាក់ផ្សេងទៀត។:
មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រា៊ង បានមានប្រសាសន៏ថា ក្នុងឆ្នាំ២០១៥មកនេះ 
នៅរាជធានីភ្នំពេញ បទល្មើសព្រហ្មទណ្ឌកើតឡើង៧៦៥លើក ក្នុងនោះ អាវុធហត្ថរាជធានីភ្នំពេញ បង្ក្រាបបានបទល្មើសព្រហ្មទណ្ឌ៤៤ករណី ស្មើ៣៤៩លើក និងឃាត់ខ្លួនជនសង្ស័យ៦៦១នាក់ ។
អភិបាលរាជធានីភ្នំពេញ ឯឧ បា៉ សុជាតិវង្ស បានមានប្រសាសន៏ ចំៗថា បញ្ហាគ្រេឿងញៀនជាចំណុចរសើបដែលអាជា្ញធនិងសមត្ថកិច្ចត្រូវបង្ការទប់ស្កាត់និងបង្ក្រាប ។
ឯឧ អភិបាលក្រុងភ្នំពេញបញ្ជាក់ថា ” មេខ្លោងគ្រេឿងញៀនដ៏ធំនៅក្នុងពន្ធនាគារទេ ” ។
ក្រៅពីនោះឯឧបានរំលេចពីសភាពការណ៍បទល្មើសនិងការសំអន្តរាគមន៍ដោះលែង ពីព្រោះរេឿងខ្លះជារេឿងសុីសំណូកសូកបា៉ន់ ។
នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេស បានលើកឡើងថា មានប្រទេសជាច្រើនចង់រៀនពីអាវុធហត្ថកម្ពុជា ក្នុងនោះមានប្រទេសថៃផងដែរ។
បើតាមនាយឧត្តមសេនីយ៍ ” ខ្ញុំមិនស្រលាញ់ទេ ចំណុចខ្សោយ ប៉ុន្តែបើរកមិនឃើញចំណុចខ្សោយក៍មិនអាចសម្រេចការងារបានផងដែរ” ។ នាយឧត្តមសេនីយ៍ សៅ សុខា បានបញ្ជាក់ ថា អាវុធហត្ថគឺមានភារកិច្ចចូលរួមសហការជាមួយអាជា្ញធនិងសមត្ថកិច្ចពាក់ព័ន្ធ ដើម្បីបង្ការទប់ស្កាត់បទល្មើស ។ ដោយ ប៊ុន ធី
