សៀមរាប៖ ។បើកកិច្ចសន្និបាតបូកសរុបលទ្ធផលការងារប្រចាំឆ្នាំ២០១៥ និងលើកទិសដៅការងារឆ្នាំ២០១៦ របស់មជ្ឈមណ្ឌលជាតិប្រយុទ្ធនិងជំងឺគ្រុនចាញ់ប៉ារ៉ាស៊ីតសាស្ត្រនិងបាណកសាស្ត្រ ខេត្តសៀមរាប នៅព្រឹកថ្ងៃទី0១-០២ ខែមិនា ឆ្នាំ២០១៦ ស្ថិតនៅក្នុងបន្ទប់ប្រជុំនៃសណ្ឋាគារប៉ារ៉ាឌីខេត្តសៀមរាប។ ដោយមានវត្តមានអញ្ជើញចូលរួមក្រោមគណ: អធិបតីភាព លោក វិជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល និង លោក គឹម ឆៃហៀង អភិបាលរងខេត្តសៀមរាប ព្រមទាំងបណ្តាភ្នាក់ងារអង់ការសហប្រជាជាតិ អង់ការសុខភាពពិភពលោក និងអង់ការនានា ស្ថាប័នពាក់ព័ន្ធគ្រប់ខេត្ត អញ្ជើញចូលរួមផងដែរ។
ក្នុងនោះ លោក វិជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល បានមានប្រសាសន៏ទាក់ទងទៅនិងកិច្ចប្រជុំបូកសរុបលទ្ធផលការងារប្រចាំឆ្នាំ២០១៥ និងទិសដៅការងារឆ្នាំ២០១៦ របស់មជ្ឈមណ្ឌលជាតិប្រយុទ្ធនិងជំងឺគ្រុនចាញ់ប៉ារ៉ាស៊ីតសាស្ត្រនិងបាណកសាស្ត្រ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ ធ្វើយ៉ាងណាឲ្យមាននិរន្តភាពនៅការពង្រឹងនិងពង្រីកលទ្ធភាពការងារផ្នែកសុខភាពឲ្យសមស្រប់ទៅតាមគោលនយោបាយឈ្នះៗនិងមានជោគជ័យល្អប្រសើរ រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជានិច្ចកាលបានយកចិត្តទុកដាក់យ៉ាងខ្លាំង និងឧបត្ថម្ភ គាំទ្រដល់ក្រសួង សុខាភិបាល អំពីសុខភាពរបស់ប្រជាពលរដ្ឋយើង ជាពិសេសក្នុងការអនុវត្តន៏ឲ្យបានសម្រេចនូវផែនការយុទ្ធសាស្ត្រជាតិលុបបំបាតជំងឺគ្រុនចាញ់ឆ្នាំ២០១១ដល់ឆ្នាំ២០២៥ ការប្រយុទ្ធនឹងជំងឺគ្រុនឈាម និងជំងឺដង្កូវព្រូនជាដើម។ 
ចំពោះការខិតខំប្រឹងប្រែងក្រុមការងារបានអនុវត្តគោលការណ៏យុទ្ធសាស្ត្រ និងកិច្ចសហការទាំងអស់ខាងលើ បានធ្វើឲ្យអត្រាអាំងស៊ីដង់ ជំងឺគ្រុនចាញ់បានធ្លាក់ចុះពី ៤.៣២ នាឆ្នាំ២០១១ មកនៅ ២.២៦ករណីក្នុងចំណោមមនុស្ស ១.០០០នាក់ នាឆ្នាំ២០១៥ និងអត្រាស្លាប់០.៦៧នាក់ នាឆ្នាំ២០១១ (ស្លាប់៩៤ករណី) មកនៅ០.០៦នាក់ (ស្លាប់១០ករណី)ឆ្នាំ២០១៥ ក្នុងចំណោមមនុស្ស១០០ពាន់នាក់ ដើម្បីលុបបំបាតនិងកាត់បន្ថយនៅអត្រា ឆ្លង ឈឺ និងគ្រោះថ្នាក់ដោយជំងឺគ្រុនចាញ់ ជំងឺគ្រុនឈាម និងជំងឺដង្កូវព្រូន ជាពិសេសសម្រេចទិសដៅក្នុងការលុបបំបាត់នៃជំងឺគ្រុនចាញ់ទាំងស្រុងនោឆ្នាំ២០២៥ខាងមុខ។ ជាមូលដ្ឋានគ្រិះនៃការអភិវឌ្ឍន៏ប្រទេសជាតិដ៏សំខាន់សម្រាប់ទៅក្នុងថ្ងៃអានាគត ក្នុងគោលបំណងស្តានិងអភិវឌ្ឍន៏ប្រទេសឲ្យកាន់តែរីកចំរើនទាំងផ្នែកសេដ្ឋកិច្ចនិងសុខភាព។
