ខេត្តកំពង់ឆ្នាំង៖ បុរសចំណាស់ម្នាក់បានស្លាប់នៅក្នុងមន្ទីរពេទ្យខេត្ត បន្ទាប់ពីបានដើរដួលរបួសធ្ងន់ត្រូវបានសមត្ថកិច្ចជួយដឹកមកដល់មន្ទីរពេទ្យ។ ហេតុការណ៍នេះបានកើតឡើង
នៅម៉ោង៩និង៣០នាទីយប់ នៅក្នុងភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង ដោយគេសង្ស័យថាគាត់មានជម្ងឺលើសឈាម។សមត្ថកិច្ចនគរបាលក្រុងកំពង់ឆ្នាំងបានអោយដឹងថា៖ បុររងគ្រោះមានឈ្មោះ នៅតឿ អាយុ៦៥ឆ្នាំ មានស្រុកកំណើតនៅក្នុងខេត្តតាកែវ សព្វថ្ងៃរស់នៅជាមួយកូនធម៌នៅក្នុងភូមិផ្សារលើផង សង្កាត់ផ្សារឆ្នាំង និងមានកូនធម៌ នៅភូមិទ្រា ឃុំស្រែថ្មី ផង។
សមត្ថកិច្ចបានបញ្ពាក់អោយដឹងថា៖ នៅពេលគាត់ដើរដួលសន្លប់បែកមុខមាត់តាម
ផ្លូវលំមួយក្នុងភូមិកោះក្របីមក មានបុរសប្តីប្រពន្ធ២នាក់ជិះម៉ូតូមកឃើញគាត់ដេកផ្កាប់
មុខសន្លប់ ក៏បានរាយការណ៍ទៅវិទ្យុ អេ ប៊ី ស៊ី ជូនដំណឹងអោយសមត្ថជួយពិនិត្យស្រាវ
ជ្រាវពីឧប្បត្តិហេតុដែលកើតឡើងចំពោះរូបគាត់ និងស្វែងរកក្រុមគ្រួសារ។
បន្ទាប់មកសមត្ថកិច្ចនគរបាលប៉ុស្តិផ្សារឆ្នាំង ក៏បានមកដល់កន្លែងកើតហេតុសួររក
ក្រុមគ្រួសារ ទើបបានដឹងថា បុរសរងគ្រោះមានកូនធម៌នៅភូមិផ្សារលើ ក្នុងពេលនោះដែរ
សមត្ថកិច្ចក៏បានដោះខ្សែកមាសទម្ងន់៦ជី ពីជនរងគ្រោះប្រគល់អោយកូនធម៌រូបនោះ ដោ
យបានថតរូបទុកជាភ័ស្តុតាងផងដែរ រួចក៏បានដឹកបញ្ជូនជនរគ្រោះមកសង្គ្រោះនៅក្នុងម
ន្ទីរពេទ្យបង្អែកខេត្តកំពង់ឆ្នាំង។ក្រោយពីគ្រូពេទ្យជួយសង្គ្រោះអស់លទ្ធភាពមិនបានជោ គជ័យឡើយ គាត់ក៏បានស្លាប់នៅម៉ោង១២យប់នៅក្នុងមន្ទីរពេទ្យខេត្ត។
នៅយប់ថ្ងៃដែលនេះ មានពាក្យនិយាយតៗគ្នាថា បុរសរងគ្រោះខាងលើនេះត្រូវគេសម្លាប់ប្លន់យកខ្សែក និងលុយកាក់។ លុះព្រឹកឡើងថ្ងៃទី០១ ខែមិនា ឆ្នាំ២០១៦សមត្ថកិច្ចបានហៅកូនធម៌ទាំង២មកជួបគ្នានៅក្នុងមន្ទីរពេទ្យខេត្ត និងពន្យល់ប្រាប់ពីរឿងហេតុដែលកើតឡើងចំពោះជនរងគ្រោះ ហើយក៏បានរក១ខ្សែនោះមកបង្ហាញវិញ ទើបភាគីកូនធម៌ទាំង២ស្ងប់ចិត្ត និងបានទទួលយកសពឪពុកធម៌របស់ខ្លួនពីមន្ទីរពេទ្យខេត្ត ទៅធ្វើបុណ្យទានរួមគ្នាតាមប្រពៃណីនៅក្នុងលំនៅដ្ឋាន៕
