ភ្នំពេញៈយុវជន៣នាក់បានចេញមកពីធ្វើការហើយបានជិះម៉ូតូទៅផឹកសីុនៅផ្ទះមិត្តភក្ត្រ និងបានទុកម៉ូតូនៅខាងក្រោមផ្ទះដោយឡើងទៅលើផ្ទះជាន់ទី២អង្គុយផឹកស្រាពេលចុះមកវិញស្រាប់តែបាត់ម៉ូតូ ទើបបង្កអោយមានការភ្ញាក់ផ្អើលនាំគ្នារត់មកប្តឹងនគរបាលប៉ុស្តិ៍ចោមចៅអោយជួយអន្តរាគមន៍។
ហេតុការណ៍ខាងលើកើតហេតុនៅវេលាម៉ោង10.20នាទីនៅចំនុុចផ្ទះជួលភូព្រៃទាសង្កាត់ចោមចៅ ខណ្ឌពោធិ៍សែនជ័យ។ជនរងគ្រោះជាម្ចាស់ម៉ូតូឈ្មោះ សេង រ៉ាកមានអាយុ16ឆ្នាំមុខរបកម្មកររោងចក្រស្នាក់នៅភូមិព្រៃជីសាក់សង្កាត់ចោមចៅនឹងមានស្រុកកំណើតនៅភូមិស្វាយចំបក់ឃុំស្វាយលួងស្រុកកណ្តៀងខេត្តពោធិ៍សាត់។ ចំណែកម៉ូតូដែលត្រូវចោរកាចសោយកនោះម៉ាកឌ្រឹមសងសេរីឆ្នាំ!២០០៣ឡើងតែមឆ្នាំ២០០៥ ពណ៍ខ្មៅ ពាក់ស្លាកលេខភ្នំពេញ1D 5800។
តាមប្រភពពត៌មានពីជនរងគ្រោះបាននិយាយថាមុនពេលកើតហេតុជនរងគ្រោះទើបចេញពីរោងចក្រហើយជិះម៉ូតូដល់កន្លែងកើតហេតុដែលជាផ្ទះជួលមិតភ័ក្តផឹងស៊ីនៅជាន់ទី២មួយសន្ទុះដោយទុកម៉ូតូនៅខាងក្រោម ។ លុះរយះពេលជិត20នាទីក្រោយមកពេលផឹករួចចុះមកវិញស្រាប់តែបាត់ម៉ូតូតែម្តង។
ក្រោយពេលកើតហេតុជនរងគ្រោះនឹងមិត្តភក្តម្នាក់បានមកដាក់ពាក្យបណ្តឹងនៅប៉ុស្តិ៍ចោមចៅដើម្បីឲ្យសមត្ថកិច្ចជួយអន្តរាគមន៍នឹងចាប់ជនសង្ស័យមកផ្តល់ទាទោសតាមច្បាប់។
ដោយៈជីម ភារ៉ា
