កំពង់ធំៈ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្តល់អង្ករ៣តោន និងមីយើង ៥០កេស តាមរយះក្រុមការងារឯកឧត្តម ហ៊ុន ម៉ាណែត ដែលមាន លោកវរៈសេនីយ៍ទោ មែ ស៊ីថន ដែលជាតំណាងដ៏ខ្ពង់ខ្អស់ នាំយកមកប្រគល់ជូន ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ទុកសម្រាប់ធ្វើជាអំណោយចែកជូនបន្តនូវសកម្មភាពមនុស្សធម៌ អតីតយុទ្ធជនដែលកំពុងតែជួបការលំបាក និងខ្វះខាត ក្នុងខេត្តកំពង់ធំ។
លោកវរៈសេនីយ៍ទោ មែ ស៊ីថន ព្រមទាំងក្រុមការងារ បាននាំយកអង្ករ៣តោន និងមីយើង៥០កេស ផ្តល់ជូននៅតំបន់ប្រតិបត្តិការសឹករងកំពង់ធំ នៅព្រឹកថ្ងៃទី ៥ខែមិនា ឆ្នាំ២០១៦ រួមទាំងបានសំណេះសំណាល សួរសុខទុក្ខនិងផ្តាំផ្ញើរនិងកោតសរសើរពីសម្តេចហ៊ុន សែន នាយករដ្ឋមន្ត្រីនូវការខិតខំប្រឹងប្រែង ខ្នះខ្នែងធ្វើការ ងារមនុស្សធម៌ ជាពិសេសសម្រាប់ក្រុមគ្រួសារ អតីតយុទ្ធជន ដែលបានចូលនិវត្តន៍ជន ជនពិការ ដែលកំពុងតែរស់នៅក្នុងខេត្តកំពង់ធំ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងជាប្រធានអតីតយុទ្ធជនកម្ពុជា ខេត្តកំពង់ធំ ក្នុងនាមជានាយទាហាន នាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ សូមគោរពថ្លែងអំណរគុណដ៏ជ្រាលជ្រៅ សម្តេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចជាកាលតែងតែយកចិត្តទុកដាក់ ជួយដល់អតីតយុទ្ធជន ដែលកំពុងជួនការលំបាកនៅមូលដ្ឋាន ក្នុងនោះដែរសម្តេចតែងតែយកចិត្តទុកដាក់ ដល់ជីវភាពគ្រួសារយោធិន ដែលកំពុងរស់នៅក្នុងអង្គភាពជួបការលំបាក ថ្ងៃនេះសម្តេចបានផ្តល់អង្ករ៣តោន និងមីយើង ៥០កេស តាម រយះក្រុមការងារឯកឧត្តម ហ៊ុន ម៉ាណែត ដែលបានដឹកនាំដោយ លោកវរៈសេនីយ៍ទោ មេ ស៊ីថន បានប្រគល់ជូនតំបន់សឹករងនៅថ្ងៃនេះ ដើម្បីឲ្យតំបន់ប្រតិបត្តិកាសឹករងកំពង់ធំ មានលទ្ធភាពធ្វើការងារមនុស្ស ធម៌ ជួយដល់អតីយយុទ្ធជនក្នុងខេត្តបន្តទៀត និងក្រុមគ្រួសារយោធិន ដែលកំពុងជួបការលំបាកក្នុងអង្គភាព និងសូមគោរពជូនពរសម្តេច និងសម្តេចគតិព្រឹទ្ធបណ្ឌិត ព្រមទាំងក្រុមគ្រួសារ បុត្រា បុត្រី ចៅប្រុស ចៅស្រី មានសុខភាពល្អ ដើម្បីដឹកនាំប្រទេសជាតិ ទៅកាន់សុខសន្តិភាព និងការអភិវឌ្ឍន៍រីកចម្រើន យើងខ្ញុំទាំងអស់គ្នាបន្តគោរព ស្រឡាញ់ គាំទ្រ និងការពារសម្តេចជារៀងរហូតលុះអវសាន្តជីវិត ។
ដោយ ប៊ុន រដ្ឋា
