ស្ទឹងត្រែង៖ក្នុងពិធីចាប់ឆ្នោតសំគាល់យកដីឡូធ្វើផ្ទះនិងយកលេខរៀងយកផ្ទះឈើនិងផ្ទះថ្មនៅភូមិក្បាលរមាសស្រុកសេសានខេត្តស្ទឹងត្រែងថ្ងៃទី០៥មិនានេះ ប្រជាពលរដ្ឋរងផលប៉ះពាល់ពីគំរោងវារីអគ្គីសនីសេសានក្រោមពីរ នៅភូមិឃុំក្បាលរមាសស្រុកសេ សានខេត្តស្ទឹងត្រែង ចំនួន៦៣គ្រួសារព្រមព្រៀងចាកចេញទៅរស់នៅភូមិថ្មីហើយ តែពួកគាត់សំណូមពរបន្ថែម ឲ្យក្រុមហ៊ុនជួយផ្តល់ថវិការសំរាប់ ការសែនព្រេនជាប្រពៃណីរបស់ជនជាតិព្នងមុនពេលចេញពីភូមិចាស់ទៅនៅភូមិថ្មី។
លោកណើយកែវតំណាងឲ្យប្រជាពលរដ្ឋទាំង៦៣គ្រួសារ បានលើកឡើងថា៖អ្នកភូមិសប្បាយរីករាយទទួលបានផ្ទះថ្មីជាក់ស្តែងចំពោះសំណងពីផលប៉ះពាល់នេះបង្ហាញពីភាពទុកចិត្តទាំងសងខាងហើយនាំគ្នាទៅនៅតាមអ្វីដែលរាជរដ្ឋាភិបាលនិងខេត្តចង់បាននិងក្រុមហ៊ុនធ្វើឲ្យពេញចិត្តទាំងអស់គ្នា។
លោកបញ្ជាក់ថា៖ទន្ទឹមនិងការទៅរស់នៅប្រជាពលរដ្ឋស្មើសុំឲ្យក្រុមការងារក៏ដូចជាក្រុមហ៊ុនជួយចេញថវិការទៅលើពិធីរៀបចំសែនព្រេនជាប្រពៃណីរបស់ជនជាតិព្នងមុនចេញនិងចូលទៅរស់នៅភូមិថ្មីសូមឲ្យក្រុមហ៊ុនជូយថវិការជួយដល់ប្រជាពលរដ្ឋដើម្បីគាត់ហ្បឹងរៀបចំនៅភូមិថ្មីអញ្ចឹងថវិកាទាំងអស់នេះ សំណូមពរទៅដល់ក្រុមហ៊ុនផងដែរឲ្យដោះស្រាយថវិកាហ្នឹងទិញជាក្របី ក្របីសក្របីខ្មៅ សេនព្រេបនៅទីនោះរួចស្រេច ស្អាតស្អំ ហើយបានឈានទៅកាន់ភូមិថ្មី ធ្វើម៉ាស្អាត ធ្វើយ៉ាងម៉េច មិនមែនថា ផ្ទះហើយៗទៅៗស្រេចៗ អត់ទេអត់ធ្វើអញ្ចឹងទេពួកខ្ញុំអត់ធ្វើដូចខាងស្រែស្រណុកទេអត់ធ្វើអញ្ចឹងទេ សុំម៉ាស្អាត។
លោករ៉ុង ភឺង អាយុ៧៣ឆ្នាំចាស់ទំជនជាតិព្នងបានអះអាងថា៖ការចង់ធ្វើបែបនេះគឺបងប្អូនជនជនជាតិមិនរំលងប្រពៃណីរបស់ខ្លួនទេ ពីព្រោះការរុះរើរភូមិវាខុសទៅនឹងទំលាប់ របស់ជនជាតិដើមភាគតិច ដូចនេះត្រូវតែធ្វើពិធីសែនព្រេន ។
លោកបន្ថែមថាៈ ពិធីសែននេះជនជាតិភ្នងត្រូវការក្របីស- ក្របីខ្មៅ -ជ្រូកស -ជ្រូកខ្មៅ -មាន់ស- មាន់ខ្មៅ និងស្រាពាង- បាយ -នំចំណី សែនព្រេនសុំម្ចាស់ ទឹកម្ចាស់ដី អ្នកតាថែរក្សាភូមិករ និងដូនតារបស់ខ្លួនដែលបានស្លាប់ទៅ ឲ្យជួយថែរក្សា និងផ្តល់សេចក្តីសុខសប្បាយក្នុងការរស់នៅ ។
លោកកៅ វ៉ាង អ៊ីវតំណាងក្រុមហ៊ុនដោះស្រាយផលប៉ះពាល់បានលើកឡើងថា៖ក្រុមហ៊ុនមិនជំទាស់និងការធ្វើពិធីនេះទេ ហើយខាងក្រុមហ៊ុននិងទទួលយកដោះស្រាយ ទៅតាមស្ថានភាពជាក់ស្តែង។លោកថាពិធីនេះ សូមឲ្យបងប្អូនជនជាតិត្រៀមលក្ខណៈ រៀបចំឲ្យរួចរាល់ហើយ សូមជូនដំណឹងមកខាងក្រុមហ៊ុន និងជួយដោះស្រាយជូនទៅតាមតម្រូវ ការបញ្ហាហ្នឹងយើងអត់មានអីទាស់ទេ ពេលរៀបចំសែនហ្នឹងឲ្យក្រុមហ៊ុនចូលរួមទៅ យើងហ្នឹងផ្តល់ថវិកាឲ្យត្រៀមក្របី ជ្រូក មាន់ ទា អីមួយសំណុំសំរាប់សែន អញ្ចឹងឯកភាពហើយចង់សែនថ្ងៃណាគ្រាន់ប្រកាសប្រាប់ម៉ូ សហការគ្នាដោះស្រាយ ។
លោកផាន់យុតនាយករងរដ្ឋបាលសាលាខេត្តនិងជាសមាជិកដោះស្រាយផលប៉ះពាល់ថ្នាក់ខេត្តបានសាទរចំពោះដំណោះស្រាយនេះ ពីព្រោះទាំងនេះជាសំណូមពរប្រជាពលរដ្ឋ ហើយអាជ្ញាធម៌ក៏មានគោលបំណងចង់បានដូចគ្នាដើម្បីពន្លឿនការដោះស្រាយឲ្យបានឆាប់។
លោកថា៖កិច្ចការខំខាន់ជាងនេះទៀត គឺសូមឲ្យប្រជាពលរដ្ឋដែលបានសំរេចចិត្ត ហើយនោះរុះរាន់ធ្វើការរុះរើរលំនៅដ្ខានរបស់ខ្លួនធ្វើជាគំរូដល់អ្នកផ្សេងៗនៅក្នុងភូមិនេះ។
សូមបញ្ជាក់ថា៖ជូនប្រជាពលរដ្ឋនៅភូមិក្បាល់រមាសជាង១រយគ្រួសារបានយល់ព្រមចាកចេញចំនួន៦៣គ្រូសារហើយក្នុងនោះសំរេចចិត្តយកផ្ទះថ្ម៩គ្រួសារយកផ្ទះឈើ៣៧គ្រូសារនិងយកថវិការសាងសង់ផ្ទះខ្លួនឯង២៧គ្រួសារហើយគ្រួសារមួយចំនួនទៀតមិនទាន់យល់ព្រមនៅឡើយទេ៕
