មណ្ឌលគីរី៖នៅព្រឹកថ្ងៃទី៦ខែមិនាឆ្នាំ២០១៦នេះវេលាម៉ោង៦.០០នាទី មានករណីគ្រោះថ្នាក់ចរាចរណ៍មួយបានកេីតឡេីងរវាងរថយន្តនឹងរថយន្តដូចគ្នានៅចំនុចគីឡូម៉ែត្រលេខ109នឹង
110ស្ថិតនៅភូមិពូហ្យាម ឃុំសែនមនោរម្យស្រុកអូររាំង ខេត្តមណ្ឌលគីរី។
រថយន្តទាំងពីរខាងលេីនេះគឺបានបេីកបញ្ច្រាសទិសគ្នាហេីយមកដល់ចំនុចកិេីតហេតុខាងលើ បានរេចង្កូតបុកគ្នាយ៉ាងពេញទំហឹងតែម្តង។រថយន្តទី១ម៉ាក FUSOប្រភេទឡានធំដែលមានស្លាកលេខ1285ភ្នំពេញ4ពណ៍ខៀវ ហេីយអ្នកបេីកបរមានឈ្មោះ យិុន សុវណ្ណ ភេទប្រុសអាយុ៣០ឆ្នាំមានទីលំនៅភ្នំពេញថ្មី ខណ្ឌ័ ឫស្សីកែវ រាជធានីភ្នំពេញ ចំណែកអ្នកបេីកបររថយន្តនឹងអ្នករួមដំណេីរប្រុសពីរនាក់ទៀតមិនមានរបួសស្នាមទេ។
រីឯរថយន្តទី២ម៉ាកSamyongប្រភេទឡានទេសចរណ៍រត់តាក់សីុពីមណ្ឌលគីរី ទៅភ្នំពេញ មានស្លាកលេខ2Q 0690ភ្នំពេញ បានទទួលរងការខូចខាតខ្ទិចស្ទេីរតែទាំងស្រុង ហើយអ្នកបើកបរមានឈ្មោះថន ថូទីន ភេទប្រុសអាយុ៣៥ឆ្នាំរស់នៅភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគីរី ដែលមានអ្នករួមដំណេីរចំនួន៣នាក់ ដោយរងរបួសធ្ងន់ធ្ងរអ្នកបើកបរបណ្តាលអោយបាក់ភ្លៅខាងឆ្វេងនឹងបាក់កែងដៃខាងឆ្វេងនិងដាច់រលោត់ចង្កា ព្រមទាំងរងរបួសអ្នករួមដំណេីរមួយនាក់ឯពីរនាក់ទៀតមិនមានរងរបួសនោះទេ។
បេីតាមការបញ្ជាក់ពីវរសេនីយ៍ត្រី លោក យឹម ចិន្តា នាយរងការិយាលយ័កចរាចរណ៍ផ្លូវគោកបានឲ្យដឹងថា ករណីគ្រោះថ្នាក់ចរាចរណ៍នេះគឺបណ្តាលមកពីភាគីខាងរថយន្តសាុំយ៉ុងបេីកបរស្ថិតក្នុងស្ថានភាពដេកលក់មួយភាំង ក៍បណ្តាលអោយរេចង្កូតរថយន្តចូលទៅខាងឆ្វេងជ្រុលទៅបុកយ៉ាងពេញទំហឹងចំពីមុខតែម្តងទោះបីជារថយន្តFUSOប្រឹងគេចទៅខាងស្តាំយ៉ាងណាក៍គេចមិនរួច។ក្រោយពីការវាស់វែងរបស់ប៉ូលីសចរាចរណ៍រួលរាល់ហេីយ រថយន្តទាំងពីរ ក៍បានស្ទូចយយកទៅរក្សាទុកនៅអធិការដ្ឋានស្រុកអូររាំង ដេីម្បីរងចាំការដោះស្រាយតាមនិតិវិធីច្បាប់នៅពេលក្រោយ៕ដោយប៊ូស្រា
