ខេត្តរតនគិរី៖ អាជ្ញាធរស្រុកលំផាត់បាននិមន្តព្រះសង្ឃចំនួន៤អង្គជយ័នតោប្រោះព្រហ្មតាមដងផ្លូវជាតិលេខ៧៦ចាប់ពីព្រំប្រទល់ស្រុកកូនមុំខេត្តរតនគិរីរហូតដល់ព្រំប្រទល់ស្រុកកោះញ៉ែកខេត្តមណ្ឌលគិរីស្ថិតក្នុងខណ្ឌសីម៉ាស្រុកលំផាត់។ពិធីប្រោះព្រហ្មសុំសេចក្តីសុខនេះចាប់ផ្តើមនៅវេលាម៉ោង៨និង១០នាទីព្រឹកថ្ងៃទី០៦ខែមិនាឆ្នាំ២០១៦ស្ថិតនៅតាមបណ្តោយផ្លូវជាតិលេខ៧៦ចាប់ពីចំណុចភ្នំកូនសេកត្រង់ព្រំប្រទល់ស្រុកកូនមុំរហូដល់ព្រំប្រទល់ស្រុកកោះញ៉ែកនៃខេត្តមណ្ឌលគិរី។
លោកនូ ថេ អភិបាលស្រុកលំផាត់បានប្រាប់ឲ្យដឹងថា ដោយឃើញមានការគ្រោះថ្នាក់ចរាចរណ៍លើដងផ្លូវជាតិនេះច្រើនករណីពេករហូតមានដល់ស្លាប់បាត់បង់ជីវិតថែមទៀតផងទើបលោកប្រជុំគណៈកម្មការស្រុកនិងកងកម្លាំងប្រដាប់អាវុធទាំង៣ប្រភេទព្រមទាំងការិយាល័យក្នុងស្រុកសហការណ៍ជាមួយប្រជាពលរដ្ឋនិមន្តព្រះសង្ឃចំនួន៤អង្គមកប្រោះព្រហ្មលើករាសីដេញនូវឧបទ្រុបទាំងឡាយតាមបណ្តោយផ្លូវជាតិលេខ៧៦នេះឲ្យអ្នកបើកបរយានយន្តគ្រប់ប្រភេទនិងអ្នកថ្មើជើងទាំងអស់ឲ្យជូបតែសេចក្តីសុខគ្រប់ៗគ្នា។
លោកបន្តទៀតថានេះជាលើកទីមួយហើយនៅក្នងទឹកដីស្រុកលំផាត់នេះដែលមានពិធីហែក្បួននិមន្តព្រះសង្ឃស្រោចទឹកប្រោះព្រហ្មសុំសេចក្តីសុខតាមដងផ្លូវជាតិថ្មីនេះដែលប្រមុខរាជរដ្ឋាភិបាលទើបតែកសាងនិងអភិវឌ្ឍន៍ហើយជាស្ថាពរនាពេលកន្លងទៅនេះ។
ចំណែកឯប្រជាពលរដ្ឋវិញមានការសប្បាយចិត្តយ៉ាងខ្លាំងចំពោះលោកអភិបាលស្រុកនេះណាស់ព្រោះលោកអភិបាលរូបនេះចេះជួយទុកធូរៈរបស់ប្រជាពលរដ្ឋហើយក៍យកចិត្តទុកដាក់អាយុជីវិតដល់ប្រជាពលរដ្ឋផងដែរ។ហេតុដូចនេះទើបប្រជាពលរដ្ឋក្នុងមូលដ្ឋានកើតនូវសេចក្តីជ្រះថ្លាចូលរួមចំណែកចាប់មផលទៅតាមកម្លាំងសទ្ធារៀងៗខ្លួន។
សកម្មភាពហែក្បួនគេសង្កេតឃើញប្រជាពលរដ្ឋក្នុងមូលដ្ឋានមានសេចក្តីត្រេកអរខ្លាំងណាស់ដោយការដឹកនាំដ៍ឈ្លៀសវៃរបស់លោកអភិបាលស្រុកដែលចេះស្រលាញ់អាយុជីវិតពលរដ្ឋគ្រប់ៗរួប៕ យក្ស ឡោម
